кабул – Kurir.mk

При напад врз хотел во Кабул убиени тројца напаѓачи

Тале Кристо — Mon, 12 Dec 2022 14:47:11 +0000

Авганистанските безбедносни сили денеска убија најмалку тројца напаѓачи кои отвориле оган во хотел во Кабул, популарен помеѓу кинеските државјани. Во нападот не е убиен ниту еден странец, но двајца се повредени кои се обидувале да побегнат, скокајќи од балкон. Локалната болница соопшти дека хоспитализирани се 18 повредени лица.

Две жртви, 18 повредени во експлозија во џамија во Кабул

Ивана Ефремовски — Wed, 05 Oct 2022 19:23:28 +0000

Најмалку две лица загинаа, а 18 се повредени во експлозија во џамија во главниот град на Авганистан, јавија дел од британските медиуми. Италијанска невладина организација за помош во итни случаи што води болница во Кабул, објави на Твитер дека примила 20 пациенти. Кај две лица веднаш била констатирана смрт. Џамијата се наоѓа близу добро чуваниот комплекс на Министерството за внатрешни работи. Неговиот портпарол Абдул Нафи Такор изјави дека, меѓу другите, џамијата е посетувана и од вработени во министерството. Авганистанската Влада сè уште нема соопштено што е причината за експлозијата во Кабул, каде изминатите месеци милитантите изведоа низа напади. (МИА)

ОН: Бројот на жртвите од самоубиствениот напад во Кабул се искачи на 43

Ивона Петрова — Mon, 03 Oct 2022 08:11:55 +0000

Бројот на загинати во самоубиствениот напад врз образовен центар во Кабул се искачи на најмалку 43, објави денеска Мисијата на ОН за помош во Авганистан. Четириесет и три загинати, 83 ранети. Главните жртви се млади жени и девојки, објави Мисијата, при тоа истакнувајќи оти стравува дека е можно да се зголеми бројот на жртвите. На 30 септември беше извршен самоубиствен напад врз образовен центар за подготовка за универзитетски студии. Нападот беше извршен во кварт на Кабул, каде живеат припадници на шиитското малцинство Хазари. Се уште никој нема преземено одговорност за нападот. Според талибанските власти загинале 25 лица, а 33 се повредени.

Повеќето од жртвите на бомбашкиот напад во Кабул се девојчиња

Ивона Петрова — Fri, 30 Sep 2022 09:03:38 +0000

Повеќето од жртвите на самоубиствениот бомбашки напад во Кабул се девојчиња, пренесоа западните агенции, повикувајќи се на изјави на очевидци. Во нападот на бомбаш самоубиец во образовен центар во шиитската област Дашт-и-Барча, денеска загинаа најмалку 19 лица, а 27 се ранети. Нападот бил изведен во момент кога студентите се подготвувале за приемен испит на универзитетот. Засега никој не ја презеде одговорноста за нападот. Бројот на напади во Авганистан се намали откако талибанците ја презедоа власта во август 2021 година, но безбедносната ситуација се влоши во последните месеци. Образованието е чувствително прашање во Авганистан, бидејќи талибанците се противат девојчињата да одат во средни училишта. И Исламска држава се противи на образованието на жените и девојчињата.

Експлозија во Кабул, најмалку 19 жртви

Ивона Петрова — Fri, 30 Sep 2022 06:42:02 +0000

Најмалку 19 лица загинаа, а десетици се ранети во самоубиствен напад врз едукативен центар во авганистанската престолнина Кабул, соопшти полицијата. Се уште никој не ја презеде одговорноста за нападот, но многу од жителите на областа каде што се случи експлозијата се Хазари, етничко малцинство кое беше цел на претходни напади од терористичката организација Исламска држава. Портпаролот на полицијата во Кабул објави и дека во нападот се повредени 27 лица и дека се случил во образовниот центар каде се одржувал приемен испит. Училиштата во Авганистан обично се затворени во петок. „Нападот врз цивилни цели ја докажува непријателската нечовечка суровост и недостиг на морални стандарди“, изјави портпаролот на полицијата. Тој додаде дека безбедносните сили пристигнале во областа и дека истрагата е во тек.

Бројот на загинати при нападот врз џамијата во Кабул се зголеми на 21 лице

Ивана Ефремовски — Thu, 18 Aug 2022 08:39:18 +0000

Бројот на загинати при нападот врз џамијата во Кабул се зголеми на 21 лице. Според авганистанската полиција, животот го изгуби најмалку 21 лице, а повредени се 33 луѓе. Меѓу повредените има и неколку деца. Очевидец тврди дека загинат е и свештеникот мула Амир Мохамед Кабули. Како што појаснија жители на градскиот кварт Кер Кана, каде се наоѓа џамијата Сидикија, нападот го извршил бомбаш самоубиец. Сè уште никој не презеде одговорност за нападот, што се случил за време на синоќешната молитва. (МИА)

Во напад врз џамија во Кабул загинаа најмалку 10 лица

Ивана Ефремовски — Thu, 18 Aug 2022 06:49:48 +0000

Во бомбашки напад врз џамија во авганистанската престолнина Кабул за време на синоќешна молитва загинаа најмалку десетмина, вклучувајќи и свештеник, а повредени се 27 лица. Меѓу повредените има и неколку деца. Според очевидец, загинатиот свештеник е мула Амир Мохамед Кабули. Како што појаснија жители на градскиот кварт Кер Кана, каде се наоѓа џамијата Сидикија, нападот го извршил бомбаш самоубиец. Досега никој не презеде одговорност за нападот. Локалниот огранок на екстремистичката група ИД ги засили нападите на талибанците и цивилите од нивното преземање на власта минатиот август, додека американс ките и трупите на НАТО беа во завршна фаза на повлекување од земјата. Минатата недела, ИД презеде одговорност за убиството на истакнат талибански свештеник во неговиот верски центар во Кабул. (МИА)

ВИДЕО: Експлозија во џамија во Кабул – загинаа 20 лица, а 27 се повредени

Магдалена Андонова — Wed, 17 Aug 2022 19:24:07 +0000

Во денешната разорна експлозија за време на вечерната молитва во џамија во Кабул загинаа голем број луѓе, соопшти локалната полиција без да го наведе точниот број на жртви. Талибански разузнавач, кој сакаше да остане анонимен, во разговор со новинарот на Ројтерс изјави дека дури 35 лица се ранети или убиени, но дека бројот на жртви може да биде поголем. Во извештајот на Ал Џезира се вели дека талибанските власти соопштиле дека 20 лица ги загубиле животите. Брзата помош во Кабул на Твитер објави дека примила 27 пациенти ранети во експлозијата, меѓу кои и седумгодишно дете. Граѓаните на Кабул велат дека од силината на експлозијата во северниот дел на главниот град, искршени се стаклата на околните згради.

At least a dozen people killed and over 20 injured in a huge blast in a mosque in the Afghan capital #Kabul this evening. pic.twitter.com/8pzm4ZxIMM
— Ahmer Khan (@ahmermkhan) August 17, 2022

Најмалку осум лица загинаа, а над 20 се повредени во експлозија во Кабул

Ивана Ефремовски — Sat, 06 Aug 2022 18:38:21 +0000

Најмалку осум лица загинаа, а 22 се повредени во денешната експлозија на бомба на популарна шопинг улица во Кабул, соопштија болнички службеници и очевидци. Бомбата експлодирала во западниот кварт на градот, каде редовно се собираат припадниците на малцинската шиитска заедница, пренесува Хина. Терористичката „Исламска држава“ ја презеде одговорноста за нападот преку објава на Телеграм .Висок болнички извор од приватна болница изјави дека најмалку осум лица загинале, а 22 се повредени. Нападот се случил пред Ашура, шиитско одбележување на мачеништвото на Хусеин, внукот на пророкот Мухамед. Во вчерашнатао експлозија во Кабул, исто така извршена од т.н. Исламската држава, загинаа најмалку осум лица, а 18 беа повредени. ИД не контролира ниту една област во Авганистан, но има ќелии на прикриени терористи кои ги напаѓаат верските малцинства и патролите на владејачките талибанци. Талибанците ја презедоа контролата врз Авганистан минатиот август по две децении бунт. Тие ветија поголема заштита на шиитските џамии и другата инфраструктура. (МИА)

ИД презеде одговорност за нападот во Кабул

Ивона Петрова — Sun, 01 May 2022 08:16:25 +0000

Исламска држава презеде одговорност за бомбашкиот напад врз комбе што превезуваше патници во Кабул, при што загина една жена, а три лица се повредени. Тоа е втора експлозија за две дена во Кабул, каде расте загриженоста за безбедноста воочи Рамазан бајрам, што денеска, првпат по 20 години, ќе биде одбележан под власта на талибанците. Пред два дена настрадаа повеќе од 50 луѓе во силна експлозија во џамија во Кабул. За нападот сè уште никој нема преземено одговорност. ИД презеде одговорноста за неколку бомбашки напади во изминатите недели, особено ние насочени кон шиитските и суфиските малцински заедници во Авганистан.