Kацарска судството стана можен извор на заразата

Тале Кристо — Fri, 20 Mar 2020 14:17:48 +0000

Судот свесно или за нечии интереси не ги почитува препораките кои што се донесени од страна на владата, а со цел спречување на ширењето на коронавирусот во Македонија, со што Кацарска судството станува можен извор на зараза. Имено, како што дознаваме од наши извори во судница од 40 метри квадратни, присуствувале вкупно 16 лица, а половина не присуствуваа на рочиштето поради мерките кои што беа преземени од страна на надлежните. Доколку се земе во предвид мерката која што беше донесена со која се забранува собир на отворено на повеќе од пет лица, во судницата се случува спротивното, односно судиите, поротниците и записничарот кои што вкупно на број се шест, стојат буквално залепени еден до друг и без никаква заштита, со што во судот не се почитува ниту една мерка која што ја донела владата и надлежните институции. Имено, на странките при влез во судот им се мери само температура, а 90 насто од адвокатите и оние кои што влегуваат во судот не носат ниту нараквици, нуту маска, односно никаква заштита како превенција против коронавирусот. Иако, рочииштето беше одложено, поради отсуство на адвокатите кои што ги почитуваат препораките и мерките кои што беа донесени од страна на надлежните, сепак странките биле држени цел еден час во затворена просторија од 40 квадратни метри. Она што не е јасно, е зошто Судот не ги почитува препораките и мерките кои што ги донесоа надлежните институции, иако беше објавено дека рочишта ќе се одржуваат само за оние предмети кои се итни и неопходни поради можно застарување и т.н... сепак судските власти продолжуваат со зголемено темпо на рочишта, а со тоа свесно стануваат можен извор на заразата која се шири со голема брзина, како во светот така и во Македонија.

Мицкоски: Преку „Рускоска обвинителството“, „Кацарска судството“ и нарачани седоци сакаат да го уништат ВМРО-ДПМНЕ

Ивана Ефремовски — Sun, 09 Dec 2018 16:19:02 +0000

Преку „Кацарска судството“, „Рускоска обвинителството“ и нарачани сведоци сакаат да му нанесат штата на ВМРО-ДПМНЕ, истакна на денешниот протестен марш во Кочани, лидерот на ВМРО-ДПМНЕ Христијан Мицкоски. -Ќе се појави „Кацарска судството“ и „Рускоска обвинителството“ и тогаш ќе се појави некое нарачано сведочење кое што има две цели. Првата цел е како да му нанесе штета на ВМРО-ДПМНЕ, како ВМО-ДПМНЕ да го претстави како црн ѓавол, да го демонизира дека ВМРО-ДПМНЕ правело нешто што не правело. Тоа е со единствена цел браќа и сестри, сопатници. Сакаат да го уништат ВМРО-ДПМНЕ, им пречи ВМРО-ДПМНЕ, им пречи овој народ ширум Македонија, им пречи хрброста и честитоста на овој народ, затоа што знаат дека се додека постои ВМРО-ДПМНЕ и последниот од нас ќе постои Македонија, затоа што Македонецот на Македонецот е Македонец. И се додека постои ВМРО-ДПМНЕ, постои дамакловиот мач надвиснат над нивните криминални глави, полни со монструозни издеи за криминал, мозок натоварен со грст народни пари, чудни мисли, неморал. За да бидат осудени еден ден, а тој ден јас ви ветувам дека ќе дојде многу брзо, многу брзо ќе го поразиме и СДСМ и Зоран Заев но и тие квислинзи кои што застанаа рамо до рамо со нив, сите на купче ќе ги поразиме, рече Мицкоски пред насобраните Кочанчани.

кацарска судство – Kurir.mk

Kацарска судството стана можен извор на заразата

Мицкоски: Преку „Рускоска обвинителството“, „Кацарска судството“ и нарачани седоци сакаат да го уништат ВМРО-ДПМНЕ