кадар – Kurir.mk

Немаме кој да нé лечи: На илјада граѓани во земјава немаме ниту еден доктор

Ивана Ефремовски — Thu, 26 Nov 2020 10:45:01 +0000

Се влошува ситуацијата со катастрофалното справување со пандемијата која е најголем товар на здравствените работници и кадар, земјава иако одамна кубури со докторски кадар, проценката покажува дека Македонија на илјада жители нема ниту еден доктор. Додека во дел од земјите од Европа како во Франција, Шпанија, па и во соседна Србија медицинските работници во текот на пандемијата на протести ги искажуват проблемите со кои се соочуваат особено недостатокот од медицински кадар, па бараат владите да реализираат вработувања во здравството за да се внесе свеж кадар во борбата со пандемијата, во земјава сите се свесни дека има огрмен недостаток на медицински кадар и се помалку доктори. Според вршената анализа од страна на светскиот Конзорциум „Deep knowledge group“ за моменталната состојба на бројот на доктори во здравствениот систем, Македонија има нула доктори на илјада жители. За разлика од другите земји од регионот меѓу кои Црна Гора со 3 доктори на илјада жители, Србија со 3 доктори, Босна и Херцеговина со 2 доктори, Грција со скоро 5 доктори, Хрватска со 3 доктори, Романија со 3 доктори на илјада жители, иако најголем дел од овие земји имаат поголема популација од Македонија, далеку се подобри во бројката на присутни доктори, па по тоа и подобра здравствена заштита за граѓаните во овие земји. Владата иако најавуваше неколку пати дека ќе ги зголемува приходите на здравствените работници, освен зголемувањето на почетокот на годината и тоа од 5% до сега во текот на цела пандемија, не само што не ги стимулираше докторите во борбата против КОВИД 19, туку ветувањата на Владата за 100.000 денари плата за специјализантите осамна само на гол пи-ар, кој впрочем не само што не помага во целава ситуација со пандемијата, туку е причина плус за револт од страна на докторите и останатите медицински работници во земјава.

Ваквиот недостаток од медицински кадар пред сé се должи на лошите услови во кои работат медицинските лица, намалената мотивација која се должи на недоволните мерки од страна на власта за стимулирање на трудот особено во тек на пандемија, па поради тоа и огромниот одлив на доктори кои сметаа дека во другите земји од Западна Европа нивниот труд би бил повеќе ценет, а и приходите од вршење на докторската дејност многу поголеми отколку кај нас.

Прилепската болница и натаму „кубури“ со простор и кадар

Магдалена Андонова — Sat, 14 Nov 2020 14:26:22 +0000

Прилеп и натаму е меѓу водечките градови во земјава според бројот на заболени и починати од Ковид 19. За два дена има 117 ново регистрирани седум починати или 85 од почетокот на пандемијата. На болничко лекување се 114, 64 во инфективното и новите ковид центри а 50 во дневната болница, информираат надлежните. Шефот на кризниот штаб – градоначалникот доктор Илија Јованоски кој волонтерски е вклучен во лекувањето на болните и во организација на ковид центрите тврди дека со реорганизацијата сега нема долги чекање за добивање на дневна терапија. Но и натаму има недостиг од медицински кадар. За хоспитализираните во секој оддел се грижат по две сестри и два болничари, реално се потребни по тројца во смена а има недостиг и од лекари. Целиот текст може да го прочитате на Канал5.ком.мк

СКАНДАЛ ВО ГРАДИНКИТЕ: Врв на негрижа – заразени деца и вработени, со новата одлука се ставаат сите во уште поголем ризик

Ивана Ефремовски — Wed, 04 Nov 2020 13:22:58 +0000

Родители кои се загрижени, изреволтирани и уплашени ја контактираа редакцијата на КУРИР и раскажаа низ каква голгота минуваат овој период. Нивните деца одат во градинка во скопско Лисиче и како состојбата со коронавирусот да не им влева доволно страв, новата одлука им создава дополнителни грижи. Имено, во овие градинки има деца и вработени заразени со коронавирус. За заразените дечиња биле информирани, но за кадарот со позитивни тестови дознале од сосема друго место. Сега до нив стигнала и информација дека ќе има измени во работата со кои сите ќе се стават на дополнителен ризик. Се најавува дека ќе има спојување во групите и дека повеќе дечиња ќе бидат во една занимална бидејќи дел од вработените ќе бидеат преместени на работна должност во друга градинка. -Дека е заразена вработена во градинката во која оди моето дете, не бев информирана од управител или учител од градинката, туку дознав сосема случајно. Не верував дека и тоа е можно, но ете верувале или не – сакаа да сокријат. Многу сме загрижени, а мора да одиме на работа и децата ги носиме во градинка каде се покажа голема неодговорност, вели една загрижена мајка. -Слушнавме дека групите ќе се спојуваат затоа што дел од воспитувачките од градинка во Лисиче мора да бидат преместени во друга градинка на територија на општина Аеродром бидејќи и таму и ваму има заразени, па се соочуваат со недостаток на кадар. Јас такво нешто не можам да дозволам. Детето секој ден оди со исти дечиња и вработени, во една занимална и живееме во страв, а сега да знам дека ќе има повеќе деца и други вработени кои можеби биле во контакт со заразените колеги, тоа е врв на негрижа, ни истакна друга мајка. Одлуката дека ќе има прераспределба на воспитувачки, како што дознаваме, соопштена е само на мал број луѓе, блиски до управителот на градинката. Така дознале и група родители. Обвинуваат дека за овој скандал нема да молчат и ќе поднесат пријави каде и да треба. Ваквата неодговорност во градинките, на грб на најмалите, е загрижувачка и скандалозна. Кој се дрзнува да ги стави децата и вработените во уште поголем ризик од оној во кој, секако, сме сите секој ден? Надлежните имаа доста време да направат план и протокол во кој сите ќе бидат безбедни. Кога почнаа да излегуваат бројките на заразени дечиња и вработени настана хаос кој сакаат да се сокрие бидејќи тоа е олицетворение на креаторите на ваквите политики. Спојување на повеќе деца во иста група и префрлање на кадар од една во друга градинка е опасен чекор кој сите ги става во голем ризик и истиот мора да биде спречено да се превземе.

Сериозна закана им претстои на здравствените установи: Хроничен недостиг на медицински сестри во државата

Ивана Ефремовски — Wed, 07 Feb 2018 14:06:07 +0000

Сериозна закана им претстои на здравствените установи, поради недостигот на здравствени работници. Случајот со одделот за хематологија на Клиниката за детски болести, кој беше затворен само една ноќ бидејќи фалат медицински сестри го вклучи алармот. Сега е ставен во функција, меѓутоа долгогодишниот проблемот не е решен, анализира телевизија Алфа. Директорката на Клиниката д-р Катерина Ставриќ во телефонски разговор за Алфа вели многу од медицинските сестри заминати се во пензија, не се примени нови , очекуваат да им се одобрат вработувања, минимум фалат 50 сестри, на клиниката има 140 сестри, ама 30 проценти се на боледувања, поради хронични болести. Медицински персонал фали и во градската општа болница „Осми Септември” таму се вработени 60 нови , но уште толку недостигаат вели директорот на болницата доктор Костов, да бидат пружени здравствена услуги на пациентите. Дека се неопходни вработувања на сестри потенцираат и од унијата на медицински сестри, информира телевизијата. -Во моментов не постои здравствена институција која нема дефицит на кадар, со средно, вишо и високо образование. Не постои таква здравствена институција и сето тоа што јас го слушам од колешките еве и денеска доаѓаат од цела Македонија од сите здравствени институции ќе ми го потврдат истото дека сите ние на работните места работиме со намалување на бројката. Не сме по стандард преброени на работните места како што треба да бидат индикаторите. По кревет на зафатнина, по број на пациенти, по број на лекари. По ниеден основ ние медицинските сестри не и исполнуваме бројките, изјави за Алфа, Горана Бешлиовска, координатор на Унија на медицински сестри, техничари и акушери. Од невладините организации забележуваат дека има градинки каде нема медицински персонал за кој имаат потреба сите дечиња особено оние со попречености. Проблем е велат и пристапноста до болниците. -Tреба да почнат инфраструктурно да се решаваат проблемите, а потоа и законските измени за да можат лицата со попреченост да имаат подобро е поефикасно здравство, изјави Суарет Алишан , НВО „Детски свет нов почеток”. -Во моментов имаме забелешка во делот за рехабилитација. Тој дел во целост заостанува во нашата држава, во сите здравствени установи. Неколкуте центри за рехабилитација не соодветствуваат со нашите потреби во целост, изјави Миле Стојановски „Феникс СМ” од Прилеп Од министерството за здравство велат дека уште е во тек темелна анализа за утврдување на потребите од кадар во јавните здравствени установи.