Кадетен Шафхаузен – Kurir.mk

Прв европски бод и реми на РК Еурофарм Пелистер во Шафхаузен со 28:28

Тале Кристо — Tue, 26 Oct 2021 19:02:53 +0000

Ракометарите на Еурофарм Пелистер вечерва во Шафхаузен го освоија првиот бод во рамки на групата „Д“ од ЕХФ-ракометната лига, откако одиграа нерешено 28:28 со швајцарскиот тим Кадетен Шафхаузен. Во „Би-Би-Си арената“ во Шафхаузен, битолчани одиграа лошо прво полувреме кое го завршија со негатива од 5 голови (16:11), и тоа се чини ги оневозможи да забележат победа во дуелот со Кадетен Шафхаузен. Македонскиот претставник во второто по ранг ракометно натпреварување вечерва покажа две слики, односно слаба игра во првиот дел и ефикасна игра во вториот дел каде се истакна Периќ со 5 постигнати голови, додека во тимот на домаќините најефикасни беа Зендер со 8 и Марош со 7 постигнати голови. Во рамки на оваа група, изненадување приреди грчки АЕК кој го совлада Ним во Франција со 27:26.

Ракометарите на Еурофарм Пелистер во Битола го пречекуваат Кадетен Шафхаузен

Ивона Петрова — Tue, 17 Nov 2020 07:41:20 +0000

Ракометарите на Еурофарм Пелистер вечер во спортската сала „Боро Чурлевски“ во Битола, силите ќе ги одмерат со Кадетен Шафхаузен од Швајцарија. Меѓународниот натпревар ќе се игра во рамки на 3. коло од групата „Д“ на ракометната Лига Европа и без присуство на публика. – Кадетен Шафхаузен се цврста дефанзивна екипа, со силен противнапад. Тоа е нивната главна карактеристика и на тој сегмент ќе посветиме посебно внимание. За успех на вечерашниот натпревар треба да бидеме стрпливи во нашата игра во нападот, најави Жељко Бабиќ, тренер на Еурофарм Пелистер, пред вечерашниот ракометен дуел во Битола. Битолчани и гостите од Швајцарија досега во два наврати се сретнале на европската ракометна сцена и имаат по една победа и пораз, а третата средба е закажана за вечер во 18.45 часот.