кадетска кошаркарска репрезентација – Kurir.mk

Кошаркарските кадети се враќаат во дивизија Б

Бошко Тасиќ — Sat, 12 Aug 2023 17:57:04 +0000

Кадетската репрезентација на Македонија по четири години играње со најдобрите во Европа испадна во дивизијата Б, откако денеска го загуби првиот од двата дуели кои мораше да го добие и тоа убедливо против Израел со 48-71. Најефикасни во составот на Александар Јованчев беа Сергеј Петровиќ со 16 и Никола Јаничиќ со 14 поени.

Македонската кадетската селекција пласман во дивизијата А обезбеди во 2018 година, а следната година во Удине и лани во Скопје обезбеди опстанок во друштвото на најдобрите, додека во 2020 и 2021 година не се играа европски првенства поради пандемијата со корона вирусот.

Македонија загуби и од Летонија во Скопје

Бошко Тасиќ — Thu, 10 Aug 2023 18:55:48 +0000

Кадетската кошаркарска репрезентација на Македонија вечерва загуби од Летонија со 46-57 на кошаркарското Европско првенство (ЕП), кое се одржува во Скопје, а тоа значи дека нашите репрезентативци ги чека тешка битка за да се спасат од испаѓање во Б-дивизија. Најдобар во македонскиот состав беше Никола Јаничиќ со 20 поени, девет скокови и две асистенции, додека Маркус Сипко постигна 14 поени, седум скокови и една асистенција за победничката репрезентација. Кадетите ќе играат за пласман од 13 до 16. место на ЕП, а притоа мора да слават на двата следни меча за да останат во А-дивизија. Прв противник ќе биде поразениот од дуелот меѓу Турција и Израел.

Кадетската кошаркарска репрезентација убедливо поразена од Литванија

Бошко Тасиќ — Tue, 08 Aug 2023 04:03:50 +0000

Кошаркарската репрезентација на Македонија, играчи до 16 години, убедливо загубија од врсниците од Литванија (95:52), во последното коло од групната фаза на Европското првенство во Скопје. Најефикасни во македонската репрезентација беа Јаничиќ со 15, Најков со девет и Марјановски со осум поени. Бутајевас со 22 поени ја предводеше Литванија. Во осминафиналето, Македонија ќе игра против Словенија, а мечот ќе се одигра в среда од 16 часот.

Македонската репрезентација го освои 16. место на ЕП дивизија-Б за кошаркари до 18 години

Бошко Тасиќ — Mon, 31 Jul 2023 04:00:58 +0000

Македонската кошаркарска репрезентација го освои 16. место на Европското првенство Б-дивизија во Португалија. На затворањето на турнирот, Украина ја победи нашата селекцијасо 90:74 во Матошинос, во натпреварот пласман на 15. Место. Најефикасен во македонскиот состав беше Бојан Величковски со 17 поени, Стефан Стојковиќ забележа двоен ефект, изразен со 14 поени и 12 скока, додека Атанисиј Трајанов беше стрелец на 13 поени. Најдобриот во македонската репрезентација, Андреј Шошкиќ, на овој натпревар не беше во најдобро светло и застана на само шест поени.

ЕП Б-дивизија: Македонија се пласираше во полуфинале

Предраг Кукиќ — Fri, 17 Aug 2018 13:04:27 +0000

Кадетската репрезентација на Македонија запиша победа над Романија со 74:71 (42:33) и се пласираше во полуфиналето од Европското првенство (Б-дивизија). Марко Миловановиќ беше најпрецизен за „црвено-жолтите“ со 21 поен, 12 скока, 5 асистенции и 3 украдени топки. Одличен натпревар одигра и Богдан Мирковски со 17 поени и 11 скока, додека за поразениот тим Стефан Грасу исто така постигна 21 поен. Со победата, кадетите се пласираа во полуфиналето каде не очекува репрезентацијата на Босна и Херцеговина. Натпреварот е закажан за утре (17-ти август) со почеток од 18:45 часот. Во рамки на второто полуфинале ќе играат Русија и Чешка. (МИА)