кадетска ракометна репрезентација – Kurir.mk

„Трофеј Карпати“ македонските ракометни кадети ќе го отворат со Египет

Бошко Тасиќ — Sun, 22 Oct 2023 07:26:05 +0000

Машката кадетска ракометна репрезентација на Македонија ја очекува настапот на турнирот „Трофеј Карпати“ во романскиот град Плоешти каде ќе играат против Египет и Црна Гора. Македонија ќе го отвори турнирот на 26 октомври против африканскиот претставник со почеток во 14:30 часот. На вториот ден, нашите ракометари ќе играат со Романија во 16:30 часот, додека за крај ќе се соочат со Црна Гора од 09:30 часот. Настапот на овој турнир е дел од подготовките за квалификациите за ЕП 2024 што ќе се играат во Скопје, а ривали се Словачка, Швајцарија и Косово.

Стојановиќ: Без вашата желба немаше да верувате во победа

Бошко Тасиќ — Sat, 12 Aug 2023 17:44:42 +0000

Македонската ракометна репрезентација до 19 години забележа голем успех на Светското првенство кое се одржа во Хрватска освојувајќи го деветтото место. Избраниците на селекторот Раде Стојановиќ шампионатот го завршија со пет победи и само два порази од фаворизираните Норвешка и Данска. Селекторот по успехот се огласи и на социјалните мрежи каде ги пофали своите ракометари.

„Без вашата желба немаше да верувате во победа. Без добар тренинг немаше да покажете борбеност. Без сонување за чекор плус немаше да има остварување“, пишува во објавата на Стојановиќ.

Македонија преку Чешка до деветтото место на СП

Бошко Тасиќ — Sat, 12 Aug 2023 05:08:46 +0000

Ракометната репрезентација на Македонија, играчи до 19 години, СП во Хрватска го заврши на деветтото место. Во борбата за пласман Македонија ја победи Чешка со 28:22. Во триумфот над Чешка блескаше Калајџиски, кој од 14 обиди постигна 12 гола. Со осум гола се истакна Димевски, четири постигна Стојановски, а голманот Брестовац запиша 10 одбрани. Македонија под водство на селекторот Раде Стојановиќ на ова Светско првенство ги победи Грузија, Црна Гора, Австрија, Унгарија и Чешка, а загуби од фаворизираните Данска и Норвешка.

Прва победа за ракометните кадети на СП во Хрватска, Црна Гора на колена

Бошко Тасиќ — Fri, 04 Aug 2023 19:14:44 +0000

Македонската У19 ракометна репрезентација ја забележа првата победа на Светското првенство што се одржува во Хрватска, откако вечерва убедливо славеа над Црна Гора со 29-20. Натпреварот започна добро за нашите надежи. Поведовме со два гола разлика и во текот на целото прво полувреме игравме егал или со мала предност. На полувремето македонската репрезентација имаше предност од два гола разлика (10-12). Почетокот на вториот дел донесе уште поцврста игра на младите избраници на селекторот Раде Стојановиќ. Македонија продолжи во силен ритам и ја создаде најголемата разлика во тој момент (12-17), а подоцна имавме 13-18 и 14-19. Црногорците се чинеше дека полека го губеа здивот и немаа премногу шанси да се вратат во мечот. Нашите момци сфатија дека можат да стигнат до убедлива победа и продолжија да го полнат голот на противникот. Опасноста доаѓаше од повеќе страни, а најрасположени за игра беа Белистојановски, Шулевски и Стојановски. Пред крајот Црна Гора веќе комплетно се „распадна“, а конечниот резултат гласеше преубедливи 29-20 за Македонија и нашите момци го забележаа првиот триумф кој може да им ја отвори вратата за евентуално изненадување и прогрес во следната фаза. Тимската игра го красеше нашиот тим, а најефикасни во големата победа на Македонија беа Стојановски, Димковски, Шулески, Белистојановски и Ристевски, сите со по три гола зад своето име. Следен противник на младите македонски ракометари ќе биде репрезентацијатра на Грузија.