кадино – Kurir.mk

Пуштено во употреба игралиштето за мал фудбал во Кадино

Ивана Ефремовски — Thu, 07 Sep 2023 08:25:26 +0000

Со одигран спортски натпревар пуштено во употреба фудбалското игралиште за мал фудбал во Кадино, каде Општина Илинден изврши комплетна реконструкција. На фудбалското игралиште целосно е поставена нова вештачка трева, поставено е ново лед осветлување, променета е заштитната ограда, поставени нови голови, клупи, корпи за отпадоци, партерно уреден простор, такашто ова фудбалско игралиште доби комплетно нов лик. Со реконструкцијата на ова фудбалско игралиште жителите од Кадино добија комплетно убаво уреден простор каде младите ќе можат да го поминуваат слободното време во спорт и рекреација. Покрај игралиштето во Кадино во наредниот период Општината ќе продолжи со изградба на нови и реконструкција на постоечките спортски терени и во останатите населени места, со цел да се добие уреден простор, но и безбеден за рекреација и забава на жителите во Општина Илинден .

Детско инклузивно игралиште во Кадино во општина Илинден

Ивана Ефремовски — Mon, 12 Jun 2023 14:15:43 +0000

Општина Илинден изврши целосна реконструкција на детското игралиште во населеното место Кадино. Станува збор за детско инклузивно игралиште на кое е поставена околу 300м2 гумирана подлога, видео надзор, детски реквизити, нишалки, лизгалки, клупи, канти за отпадоци за почиста и поубава средина, како и нова заштитна ограда. Градоначалникот на општина Илинден, Александар Георгиевски го посети детското инклузивно игралиште и истакна дека, Општината работи на изградба и реконструкција на детски игралишта, со цел најмладите жители од сите населени места да добијат убаво и безбедно место за игра и забава, каде ќе можат да го поминуваат слободното време. Градоначалникот Георгиевски упати голема благодарност до општествено одговорните компании, кои освен Општина Илинден и тие учествуваа во дел од реконструкцијата на ова детско инклузивно игралиште.

Приведен крадец во Кадино, фатен на дело додека крадел нафта

Ристе Здравков — Wed, 07 Sep 2022 16:37:04 +0000

Денеска ( 07.09.2022) во Кадино, скопско, полициски службеници од СВР Скопје го лишија од слобода Б.Ј.(31) од Скопје, кој од товарно возило "мерцедес" одзел 50 литри нафта. Со него е извршен службен разговор во ПСОН Гази Баба каде го појаснил начинот на извршување на делото и истиот признал дека извршил уште една тешка кражба, при што одзел нафта од автобус во с.Миладиновци. По документирање на случаите, ќе биде поднесена соодветна пријава.

Пуштена во употреба пречистителната станица во Кадино

Ивона Петрова — Wed, 27 Jul 2022 10:27:47 +0000

Пуштена е во употреба пречистителната станица во населеното место Кадино припадна површина 3 која е со капацитет за 1250 еквивалент жители и ќе ги зафати отпадните води од фекалната канализација која е во должина од 3700 метри, информираат од Општина Илинден. Со изградбата на пречистителната станица ќе се овозможи да се зафатат отпадните води од над 300 домаќинства и стопански субјекти кои ќе бидат приклучени на системот за фекална канализација со што значително ќе се подобри животната средина и квалитетот на живеење на жителите во Кадино. Пречистителната станица претставува модуларен систем што зафаќа мал простор, има мала потрошувачка на електрична енергија и може да се надградува во согласност со зголемувањето на потребите. Со инсталирањето на овој тип на пречистителни станици со нова технологија за третман на отпадните води ќе се придонесе за решавање на приоритетниот проблем со кој се соочуваат граѓаните на Кадино, истовремено ќе се влијае во развојот на комуналната инфраструктура.

Семејна драма во скопско Кадино: Тепачка поради нерасчистени односи

Тале Кристо — Fri, 08 Jul 2022 14:57:13 +0000

Во Полициската станица Драчево, А.Б.(42) од с.Кадино, општина Илинден, пријавил дека на 04.07.2022 во 21.40 часот во с.Кадино, поради нерасчистени семејни односи, физички бил нападнат од Ј.Б.(33), Р.Б.(55) и Д.Б.(22). По целосно документирање на случајот ќе биде поднесен соодветен поднесок.

Тепачка во скопско Кадино

Тале Кристо — Mon, 06 Jun 2022 16:13:01 +0000

На 05.06.2022 во 15.55 часот во СВР Скопје, Е.А.(30) од с.Кадино, скопско, пријавил дека во с.Кадино, по претходна расправија, бил физички нападнат од А.И.(19) од истото село. Сочинет е записник за констатиран прекршок.

Општина Илинден со нови приклучоци кон фекалната канализација во Кадино

Ивана Ефремовски — Fri, 08 Apr 2022 12:36:43 +0000

Екипите на ЈКП „Водовод” деновиве интензивно работат на приклучување на домаќинства кон канализацискиот систем за фекална канализација во Кадино припадна површина 3, каде се вршат нови приклучоци на корисниците од ул.„7” . Истите во наредниот период ќе бидат поврзани на пречистителната станица која е во изградба во ова населено место, со капацитет за 1250 еквивалент жители. Канализацискиот систем во Кадино припадна површина 3, е во должина од околу 5000 метри, со кој треба да бидат опфатени 330 домаќинства од ова населено место, како и други јавни објекти со што значително ќе се подобри животната средина и квалитетот на живот. Заедно со веќе постоечкиот канализациски систем припадна површина 4, сега со фекалната канализација ќе бидат опфатени над 660 домаќинства или 80% од вкупното население во Кадино.

Три лица нападнале маж во Кадино

Ивана Ефремовски — Wed, 14 Jul 2021 14:57:43 +0000

На 14.07.2021 во 01:05 часот во СВР Скопје, И.Ц.(45) од с.Марино, скопско, пријавил дека околу 01:00 часот во угостителски објект во с.Кадино, скопско, бил физички нападнат од три лица. Се преземаат мерки за расчистување на случајот.

Срамота во Германија: Бујрум на „северномакедонски“ бурек од Кадино! (ВИДЕО)

Љупчо Цветаноски — Tue, 21 Jan 2020 12:15:39 +0000

Поразувачки е кога Македонец кој отишол на саем за храна да го изеде сопствениот срам, како што тоа му се случило на нашинецот Зоран Стефановски во Германија. – Ме изеде туѓиот срам, пишува Стефановски во својот, како што нагласува, долг пост на Фејсбук. Придавката не е „македонски“ туку „северномакедонски“ бурек од Кадино, кој бил единствениот репрезент на Македонија на големиот саем за храна во Германија, каде што е претставена храна и прехрамбена индустрија од целиот свет. На македонските трпези, кога ни беше менувано името на државата, домашниве готвачи не убедуваа дека е забетонирано Македонија и македонски, дека нема шанса да голтаме „северномакедонски“, но… За да биде срамот уште поголем, покрај придавката и „северномакедонскиот“ бурек од Кадино, може да се видат и далеку порепрезентативни штандови на земји и од Африка, кои во Македонија се уште се користат како репер за ниско ниво на развој во секој поглед, пишува Македонецот од Германија. Да не ја пишеле таа глупост, можеби и некој нашинец ќе им седнел на штандот, пишуваат граѓаните на социјалните мрежи. Вака, штандот зјаел празен. Северната направија, очигледно, не е ни по вкусот на Германците, кои повеќе ги сакаат јужните предели. Видеото од „северномакедонскиот“ срам со бурек од Кадино видете го на следниот линк на ФБ: https://www.facebook.com/watch/?v=1589862211151812

Пожар на стрниште во Кадино

Ивана Ефремовски — Thu, 28 Mar 2019 09:40:10 +0000

Во СВР Скопје вчера во 18:24 часот било пријавено дека во село Кадино, на место викано „Стари лозја“ настанал пожар на стрниште, при што биле опожарени околу три хектари лозови насади и родни дрвца. Пожарот бил локализиран од екипа на Бригадата за противпожарна единица.