Кадиз – Kurir.mk

Прва воена вежба на ЕУ во живо во Кадиз

Ивана Ефремовски — Mon, 16 Oct 2023 13:13:46 +0000

Од денеска па до недела во поморската база „Рота“ во шпанскиот град Кадиз, ЕУ ја спроведува својата прва воена вежба во живо, јави дописникот на МИА од Брисел. Во вежбата учествуваа приближно 2.800 припадници на вооружените сили на земјите членки на ЕУ, кои ќе симулираат почетна фаза на операцијата за стабилизација. Во маневрите ќе биде вклучен шпанскиот амфибиски јуришен брод „Хуан Карлос Први“, кој ќе ја предводи оперативната група што се состои од 31 единица, вклучувајќи поморски, воздухопловни, копнени, вселенски и кибер орудија. Во текот на утрешниот ден на маневрите ќе присуствува и високиот претставник на ЕУ за надворешна политика и безбедност Жосеп Борел, пред кого учесниците на вежбата ќе демонстрираат дел од своите активности. Предвидено е утре Борел да се обрати и на заседанието на Воениот комитет на ЕУ на ниво на началници за генералштабови, што ќе се одржи во шпанскиот град Севиља. (МИА)

Атлетико Мадрид сигурен против Кадиз

Бошко Тасиќ — Sun, 28 Nov 2021 20:22:56 +0000

Атлетико Мадрид забележа триумф на вечерашното гостување кај Кадиз во Примера, триумф од 4-1. Првиот дел не донесе промена на резултатот и сосема очекувано со оглед на тоа што немаше ниту еден упатен удар во рамките на головите на Ледесма и Облак. Меѓутоа ова се промени во второто полувреме во кое фаворитот ги даде сите пет погодоци. На вистинското место погодија Лемар, Гризман, Кореа и Куња, додека пак автогол си даде голманот Облак.

Кадиз го привлече Алваро Негредо

Магдалена Андонова — Thu, 23 Jul 2020 13:26:40 +0000

Повратникот во шпанската Ла Лига, Кадиз го привлече искусниот напаѓач Алваро Негредо, објави клубот. Договорот на 34-годишниот Шпанец е за една сезона со опција за уште една. Негредо последен пат играше за Ал Наср. Претходно, напаѓачот ги носеше дресовите на Реал Мадрид, Валенсија, Севиља, Манчестер Сити, Мидлсборо и Бешикташ. (MIA)