кафе бар интермецо – Kurir.mk

Инспекцијата не може со денови да ги затвори „Мош“ и „Интермецо“, газдите се кријат – наместо како барови кафулињата работеле како дискотеки!

Дарко Андоновски — Fri, 31 Mar 2023 10:46:11 +0000

„Наместо како барови кафулињата „Интермецо“ и „Мош“ работат како дискотеки во густо населени места и тоа е голем проблем со кој се соочуваме во Општина Центар“, рече Герасимовски во Студио 10 на Телевизија 24. Прашан за поплаките од граѓаните со гласна музика Герасимовски напомена дека во Општина Центар стигнуваат многу поплаки од жителите на Капиштец за истите локали за кои неколкупати досега општината изрекла казнени решенија. „Ние како општина правиме мерење на бучава и изминатиот период истите барови беа казнети со високи казни од 800 000 денари и во наредниот период ќе продолжиме со акциите. Проблемот е малку поголем поради тоа што истите не работат како барови туку како дискотеки во густо населени населби и со самата гужва и фреквенција на автомобили не само гласна музика прави проблеми со паркирање, со хигиена итн. Најголем проблем особено во Капиштец е токму гласната музика и токму овие неколку барови коишто се на тој потег и за истите во наредниот период ќе направиме напор да преку поголем број на акции ги решиме сите овие проблеми со кои се соочуваат граѓаните“, изјави Герасимовски на Телевизија 24. Инспекторите на Општина Центар минатата недела во заедничка акција со Државниот пазарен инспекторат направија контроли во кафулињата „Интермецо“ и Мош“. Поради непочитување на работното време во ноќните часови пазарната инспекција изготви записници за затворање и забрана за работа од 10 дена. Инаку кафулињата не можат да бидат затворени повеќе од десетина дена, бидејќи газдите не сакаат да ги примат решенијата за пломбирање. Истите сега биле испратени по пошта, па откако ќе помине законскиот рок ќе се постапи кон затворање на локалите.

Затворено скопското кафуле „Интермецо“

Магдалена Андонова — Wed, 08 Sep 2021 09:34:29 +0000

Синоќа по 22:00 часот скопско кафуле „Интермецо“ беше затворено од страна на Државниот пазарен инспекторат поради непочитување на протоколите за заштита од Ковид-19. ДПИ информира дека задно со МВР утврдиле дека имало поголем број на луѓе во кафулето од потребно и поради тоа е ставена пломба на кафулето. Според предвидените казни, локалот може да биде затворен од 10 до 30 дена, а казнаа за одговорното лице 1.500 евра

Газдата на Интермецо си ја скинал пломбата, па вчера продолжил со работа- најавена кривична пријава

Дарко Андоновски — Sat, 31 Oct 2020 12:27:55 +0000

Кафе барот „Интермецо" којшто завчера општина Центар го затвори, вчера вечер ја тргнал пломбата и продолжил со работа, објави градоначалникот на општина Центар, Саша Богдановиќ. „По извршените контроли на кафе барот „Интермецо", вчера вечер истиот продолжил со работа и покрај изреченото решение и забраната за работа од 30 дена. Пломбата поставена на влезот на локалот е отстранета што согласно членот 389 од Кривичниот законик, претставува кривично дело казниво со парична казна или со затвор до три години. По добивање на записниците, Општина Центар до надлежните органи ќе поднесе кривична пријава за симнување на службен печат“, напиша Богдановиќ. Општина Центар го затвори познатото скопско кафуле „Интермецо" по пријавите од граѓани дека се пушта многу гласна музика. На кафе барот му беше изречена забрана за работа во следните 30 дена и глоба од 6.000 евра.