кафе бар – Kurir.mk

Објавено видео од кражбата во кафе барот во Јанчиште, каде крадецот влегува покриен со бел чаршаф (ВИДЕО)

Магдалена Андонова — Mon, 11 Jan 2021 11:26:42 +0000

Безбедносните камери во локал снимиле кражба во Тетово. Како што може да се види од снимката, крадец покриен со бел чаршаф на главата како дух од хорор-филм, влегува во кафе-бар во село Јанчиште, од каде што успеал да одземе околу 70.000 денари, објави МКД.мк Според информации на порталот ова е прва кражба во период од две години колку што работи овој објект. Додека крадел крадецот бил покриен со бел чаршаф, но надвор од објектот шетал непокриен и бил снимен од безбедносните камери. Еден агол од безбедносната камера го снимил ликот на крадецот, а пред да влезе во објектот тој се покрива со бел чаршаф, ја отвора вратата од објектот без да ја допира кваката и тргнува по парите. Неколку дена пред кражбата крадецот бил гостин во објектот и седел до затворањето на местото. Ги следел вработените што прават и каде го оставаат прометот, како и дали и каде е поставена безбедносната камера. Но очигледно дека не забележал оти камера освен во локалот имало и во надворешниот дел, каде што поминал немаскиран, и по што е идентификуван и фатен. Ги вратил и парите што ги украл.

Во Дебар нападнат и избоден со нож сопственик на кафе-бар

Магдалена Андонова — Wed, 30 Dec 2020 14:28:08 +0000

Во кафе-бар во центарот на Дебар, денеска е нападнат сопственик на кафуле кому му се нанесени убодни рани од нож. -Денеска околу 10 часот, во Одделението за внатрешни работи во Дебар, пријавено е дека Б.П.(47) од Дебар, додека бил во сопствениот кафе-бар, од машко лице бил нападнат со остар предмет. ОВР Дебар, работи на расчистување на случајот, изјави Стефан Димоски портпарол на Секторот за внатрешни работи-Охрид. Од Општата болница со проширена дејност во Дебар, информраат дека Б.П.имал убодни рани од нож во пределот на вратот и градниот кош. -Во 9:55 часот добиен е повик до брзата помош,која веднаш се упати на самото место. Повредениот Б.П. беше донесен во ургентната единица, каде беше констатирано дека има убоднам отворена рана на вратот од левата страна, убодна рана на десната страна на градниот кош и помала посекотина на десната рака, изјави за МИА, Баки Халили, директор на болницата. Додаде дека виталните параметри на повредениот биле во нормала, единствено имал низок крвен притисок. По дадената прва медицнска помош транспортиран е во Клиничкиот центар во Скопје. Според Халили, во придружба биле двајца лекари и медицинска сестра, кои повредениот, како што го информирале, го предале во стабилна состојба, по што веднаш бил внесен во хирушка сала. Дебарската јавност е згрозена од овој насилен чин. Се шпекулира дека дебарската полиција веќе привела жител на градот. (МИА)

СЕ СКРАТИ РАБОТНОТО ВРЕМЕ НА КАФЕАНИТЕ И КАФУЛИЊАТА- еве ги деталите

Дарко Андоновски — Tue, 03 Nov 2020 15:04:32 +0000

Скратување на работното време на угостителските објекти до 21 часот, освен за достава и шалтерска продажба на храна, е мерката што ја усвои денеска Владата на предлог на Комисијата за заразни болести за да се спречи ширењето на ковид-19. Оваа одлука за работното време важи и за угостителските објекти на бензинските станици, а од неа се исклучени угостителските објекти на аеродромите во Скопје и во Охрид. На владината седница донесена е и одлука за забрана за групирање на повеќе од 4 лица на јавен простор по 21 часот, како и препорака за сите домашни и странски граѓани на територијата на државата после 21:00 часот да не се движат на јавен простор доколку немаат важни и неопходни потреби.

Струмички „Аватар“ се пререгистрирал во кафе бар, полицијата му поднела кривична

Магдалена Андонова — Fri, 04 Sep 2020 13:53:06 +0000

Клубот „Аватар“, кој беше затворен во јули на еден месец, се пререгистрирал во Централниот регистар како кафе бар, а по објави на социјални мрежи дека таму се одржуваат забави, инспектори на Пазарниот инспекторат извршиле контрола минатиот петок, но не констатирале неправилности. Директорот на Државниот пазарен инспекторат, Стојко Пауновски за МИА потврди дека „Аватар“ кон крајот на минатиот месец објектот бил пререгистриран во кафе бар. -Испративме екипа минатиот петок таму за да провериме. Инспекторите направиле записник и констатирале дека се почитуваат протоколите, односно имале се што е потребно за кафе бар. Инспекторите беа таму до 01:10 часот, а објектот бил затворен во 01:00 часот по полноќ до кога е дозволено да работи. Наредната вечер наши екипи беа во контрола во други градови за каде имавме сознанија дека ќе има забави. Но, добивме информација дека во Струмица има проблеми и се обративме на полицијата да интервенира. Кога стигнале нашите инспектори полицијата веќе напишала кривична пријава. Доколку понатаму констатираме неправилности ќе реагираме и ќе пратиме информација до Владата за да преземеме и поригорозни мерки, изјави директорот на Државниот пазарен инспекторат, Стојко Пауновски. Од менаџментот на „Аватар“ велат дека работат како кафе бар и ги почитуваат законските прописи и протоколи. -Работиме според закон и ги почитуваме протоколите, кусо изјавија од „Аватар“. Полицијата му поднесе кривична пријава на „Аватар“ и на 18 јули, кога објектот беше затворен од пазарната инспекција.

И покрај забраната за работа, го отвориле локалот: Едниот муштерија се сокрил под шанкот, другиот во тоалетот – Моментот кога полицијата упадна во отворениот кафе бар! (ВИДЕО)

Тале Кристо — Tue, 24 Mar 2020 14:47:14 +0000

Албанската полиција продолжува со редовните контроли на целата територија во земјата, со цел да се осигураат дека предложените мерки од надлежните се почитуваат. За време на контролите утврдено е дека се прекршуваат препораките, односно еден кафе бал работел, а надворешниот влез затворен и спуштена ролетна. Полицијата побара од жената да отвори и да ја дигне ролетнат, додека таа тврдела дека нема никој во локалот. Кога полицијата влегла во објектот останале зачудени. Имено, еден човек се сокрил под шанкот пошто се прекрил со перде, додека друг муштерија се сокрил во тоалетот, пренесуваат тамошните медиуми.

Драма во кафе бар во Струга: Приведени три лица

Катерина Бојаџиева — Sun, 04 Aug 2019 13:46:19 +0000

Вчера во 8 часот било пријавено дека во кафе- бар во Струга на улицата „15-ти Корпус“ лицата С.Б. (33), Д.А. (36) и И.И. (24) сите од Струга, започнале расправија, а потоа почнале да го кршат инвентарот во кафе-барот. Полициски службеници ги привеле лицата во Полициската станица Струга за понатамошна постапка.

Фрлиле запалива течност пред кафе бар во Скопје- нема повредени

Катерина Бојаџиева — Mon, 24 Jun 2019 19:40:48 +0000

Во СВР Скопје вчера во 22 часот било пријавено дека пред кафе бар на улица „Горно Лисиче“ во Скопје две лица фрлиле запалива течност. Повредени лица нема, а делумно оштетена е само влезната врата од објектот. Се преземаат мерки за расчистување на случајот.

Откриени причините: Запалил кафе бар во Прилеп бидејќи се почувствувал навреден

Ивона Петрова — Fri, 05 Jan 2018 09:23:16 +0000

Основното јавно обвинителство од Прилеп денеска соопшти дека се води постапка против 24-годишниот прилепчанец кој за време на новогодишната ноќ го запали кафе барот „Паб корнер“ со основано сомнение дека сторил кривично дело „тешки дела против општата сигурност“. Тој на 31 декември околу 18 часот имал вербална расправија со еден од вработените и со менаџерот на објектот и без да го плати долгот, заминал заканувајќи се дека ќе го запали пабот бидејќи е навреден. Потоа купил три шишиња со запалива течност и во три часот се вратил во пабот и го запалил со што предизвикал значителна материјална штета. На осомничениот му е одредена мерка притвот во траење од 30 дена.