кафеана – Kurir.mk

Стружанец дивеел во кафеана, нападнал вработен и го оштетил инвентарот

Ивана Ефремовски — Wed, 14 Jun 2023 18:16:33 +0000

Надворешната канцеларија за криминалистички работи Струга поднесе кривична пријава против В.М.(36) од село Ливада, струшко, поради постоење основи на сомнение за сторено кривично дело „насилство“. На 01.06.2023 во угостителски објект во село Ливада, пријавениот физички го нападнал вработениот Ш.З.(58) и оштетил дел од инвентарот.

Агресивен скопјанец демолирал кафеана, еве што најде полицијата кај него

Ивана Ефремовски — Sat, 14 Jan 2023 16:00:56 +0000

На 13.01.2023 во 19:50 часот, полициски службеници од Единицата за интервентна полиција при СВР Скопје го привеле М.Ж.(23) од Скопје затоа што во угостителски објект на ул.„Пролет“ се однесувал агресивно и оштетил дел од инвентарот. Притоа, кај него биле пронајдени два боксирачи. Лицето било задржано во полициска станица и по целосно документирање на случајот, против него ќе биде поднесен соодветен поднесок.

Тепачка пред кафеана во Кисела Вода

Тале Кристо — Thu, 29 Dec 2022 17:09:53 +0000

Денеска (29.12.2022) во 02.05 часот во СВР Скопје, З.М.(28) од Скопје пријавил дека пред угостителски објект на подрачје на Кисела Вода, по претходно недоразбирање, тој и А.Р.(30) од Скопје биле физички нападнати од И.Б.(46) од с.Стајковци, скопско и К.Т.(20) од с.Инџиково, скопско. Се преземаат мерки за расчистување на случајот.

Скопјанец од кафеана завршил во притвор – извадил нож среде преполн ресторан, а потоа настанал вистински хаос и тепачка!

Дарко Андоновски — Mon, 12 Dec 2022 14:04:59 +0000

Основното јавно обвинителство Скопје поведе постапка против едно лице за кривично дело насилство според член 386 став 6 во врска со став 1 од Кривичниот законик. Од Јавното обвинителство на Република Северна Македонија денеска информираа дека постои основано сомнение дека 40-годишниот скопјанец, на 28 ноември во ресторан на улицата „Лондонска“, најпрво започнал вербална расправија со едно лице, а потоа и физички го нападнал. – Кога неколку други лица се обиделе да ги раздвојат, осомничениот извадил нож на расклопување и на едно од присутните лица кои се обидувале да го оттргнат му нанел четири убодни рани со кои му предизвикал тешки телесни повреди на градниот кош и на раката, појаснуваат од Јавното обвинителство на Република Северна Македонија. Кај останатите присутни во ресторанот осомничениот предизвикал чувство на страв, загрозување и несигурност. – Надлежниот јавен обвинител оцени дека во конкретниот случај постои опасност осомничениот да се даде во бегство, да го повтори делото или да влијае врз сведоците во постапката, па до Основниот кривичен суд Скопје достави предлог за определување мерка притвор, се наведува во соопштението.

СЕ СТЕПАЛЕ ТРОЈЦА НАСПРОТИ ЕДЕН – драма во скопска кафеана, откако го избоделе завршил во болница

Дарко Андоновски — Tue, 29 Nov 2022 15:15:05 +0000

Во соопштението стои дека на 28.11.2022 околу 11.45 часот во СВР Скопје било пријавено дека во угостителски објект на ул.„Лондонска“ во Скопје настанала физичка пресметка помеѓу три лица, од една страна, и Д.Ј.(30) од Скопје и уште едно лице, од друга страна. При пресметката бил употребен и остар предмет, од кој со повреди се здобил Д.Ј. и бил пренесен во Комплексот клиники „Мајка Тереза“ за укажување лекарска помош. Се преземаат мерки за расчистување на случајот.

ДЕТАЛИ ЗА ПУКАЊЕТО ПРЕД КАФЕАНА ВО КОЗЛЕ – едно лице рането и итно пренесено во болница

Дарко Андоновски — Mon, 22 Aug 2022 10:42:08 +0000

Во пукање со пиштол вчеравечер пред угостителски објект во скопската населба Козле, еден човек е ранет, соопшти полицијата. На 21.08.2022 во 19.35 часот во СВР Скопје било пријавено дека на ул. „Миле Поп Јорданов“, пред угостителски објект имало пукање со огнено оружје, во кое бил повреден еден човек. „Тој бил пренесен во Комплексот клиники „Мајка Тереза“ за укажување на лекарска помош. Според пријавеното, прво настанала расправија во угостителскиот објект помеѓу Б.Ѓ.(44) од Скопје од една страна и К.Г., кој бил заедно со уште едно лицe, од друга страна. Потоа, според пријавеното, расправијата продолжила надвор од објектот, при што К.Г. пукал со пиштол кон Б.Ѓ.“, велат од МВР. Се преземаат мерки за расчистување на случајот.

Кривични пријави против пет лица од Скопје – биле затекнати во кафеана без сертификат за вакцинација

Тале Кристо — Wed, 02 Feb 2022 16:42:53 +0000

СВР Скопје до Основното јавно обвинителство во Скопје поднесе кривични пријави против А.Г.(30), К.С.(25), Ј.Б.(21), А.Ф.(25) и М.Г.(31), сите од Скопје, поради постоење основи на сомнение дека сториле кривично дело „непостапување според здравствени прописи за време на епидемија“ по член 206 од Кривичниот законик. На 11.12.2021 пријавените биле затекнати во угостителски објекти без сертификати за вакцинација против Ковид-19 што е спротивно на мерките на Владата за забрана за влез во угостителски објекти на лица без сертификат за вакцинација.

Масовна тепачка во кафеана во центарот на Скопје

Тале Кристо — Fri, 31 Dec 2021 16:13:54 +0000

Синоќа пред полноќ полицијата реагирала поради групна тепачка во и пред кафеана во центарот на Скопје. „На 30.12.2021 во 23.45 часот во СВР Скопје било пријавено дека во и пред угостителски објект на подрачјето на Центар, по претходно недоразбирање, бил нарушен јавниот ред и мир со физичка пресметка помеѓу А.Т.(21), А.Ќ.(21), А.Х.(20) и Е.Х.(19), од едната страна и К.Н.(29), Г.Б.(54), Д.П.(41) и В.Н.(23), од друга страна, сите од Скопје“, соопшти полицијата.

ФОТО: Пијан возач „влетал“ во кафеана во Македонска Каменица, ова е четврт случај

Ивона Петрова — Sun, 26 Dec 2021 17:07:18 +0000

Пијан возач „влетал“ во кафеана на магистралата А3 на влезот во Македонска Каменица. Очевидци на настанот велат дека ова е четврти пат како пијани возачи „влетуваат“ во оваа кафеана на влезот во градот. – За жал често се случува поради пијанство да сме сведоци на немил настан. Кафеаната е на самиот влез на градот и возачите наместо да возат внимателно, во доцните вечерни часови го прават спротивното, а резултат е уништување на кафеаната кое се случува по четврти пат, велат очевидци. Настанот кој се случил рано утринава го потврдија од полицијата, од каде информираа дека кај возачот е регистрирано недозволена количина алкохол во крвта, но за среќа не се регистрирани повредени лица. Против возачот покрај првичната парична казна, најавен е соодветен поднесок за причинување материјална штета.

Се удирало со се што ќе им дојде при рака: Групна тепачка во кафеана во Дебар Мало, меѓу повредените и директорот на ПОЦ Васко Кичевски

Тале Кристо — Wed, 11 Aug 2021 12:00:10 +0000

Ноќеска, нешто пред полноќ во една кафеана во Дебар Мало се случила тепачка каде што нападнат бил и директорот на Паркинзи Општина Центар (ПОЦ) Васко Кичевски. Имено, според присутните две лица го нападнале Кичевски кој на маса седел во кафеаната седел со уште четири други лица. Нападнатите се бранеле но и возвратиле на ударите, и настанала групна тепача при што на напаѓачите им се приклучиле уште две лица, пишува СДК.мк. Тепачката не била со голи раце, туку со тврди предмети и стаклени шишиња, чаши, што им дојде до рака на учесниците. Според очевидци, најмалку една девојка од гостите е повредена од стакло во главата. Според официјалната информација од полиција, пак, расечени се двајцата напаѓачи и двајца од нападнатите, меѓу кои не е директорот на ПОЦ. -На 10.08.2021 во 23.20 часот во СВР Скопје било пријавено дека бил нарушен јавниот ред и мир во угостителски објект во скопско Дебар Маало, со физичка пресметка помеѓу М.С.(35) од с.Бардовци, скопско, Д.А.(36), Е.Д.(36), Б.Т.(36) и В.К.(36), сите од Скопје, од една страна и С.Б.(31), А.Р.(31), двајцата од Скопје и уште две лица, од друга страна. Според пријавеното, притоа биле користени тврди и стаклени предмети, а со повреди се здобиле С.Б., А.Р., М.С. и Д.А.. Се преземаат мерки за расчистување на случајот, потврдуваат МВР.