кафеани – Kurir.mk

НЕ СЕ ШТЕДЕЛ: Од бифтеци и јунешки мускули до калифорниски пастрмки, Маричиќ трошел по една просечна плата од државна сметка за јадење по кафеани

Тале Кристо — Wed, 06 Jul 2022 14:03:54 +0000

Нема месец во кој Бојан Маричиќ како министер за правда не бил во ресторан на државна сметка. Од бифтеци и печења до свежи риби и јунешки мускули се плаќале со неговиот министерски потпис. На сметките исто така има и жолти ракии и висококвалитетни вина. Плаќал со службената картичка, но и на фактури што угостителските објекти ги доставувале до Министерството за правда. Само од податоците кои „А1он“ ги доби може да се заклучи дека за една година, од минатиот јануари до јануари оваа година, Маричиќ исплатил 313.603 денари или 5.000 евра за гоштавање. Сумата би била поголема ако во неа се пресметаат и трансакциите што се направени во евра. За дел од трансакциите има извештаи кои се доставени до „А1он“, за други нема. Се јадело во владиниот ресторан, познати скопски места како „Два елена“, „Јавор“, рибниот ресторан „Сидро“, „Маракана“, „Фор“, а најголемата сметка ја направил во пицеријата „Ера“, каде што платил 17.440 денари. За неа, „А1он“ не доби извештај колку и кои лица јаделе, што се нарачувало и зошто трошокот го плаќало министерството. На државна сметка Маричиќ, некогаш и со гости, според сметките јадел бифтеци, свеж лосос, свежа риба орада, медалјони од бифтек, пилешки и телешки печења, калифорниска пастрмка, јунешки мускул во крем сос, шницли, гулаш. Според сметките што ги доби „А1он“, потпишани од Маричиќ, се гледа дека се пиелe и квалитетни вина, жестоки пијалаци, како ракија, уза, мастики, води, сокови.\n„А1он“ не ги доби деталните сметки на кои се гледаат видовите јадења платени со службената картичка што ја користел Маричиќ како министер за правда. Трансакции од неа има секој месец. Според изводите од банка, со неа плаќал во кафеани и по трипати во месецот. Седел во „Хилтон“, „Александар Палас“, „Џино“. Најмногу плаќања има во ресторанот „Два елена“, дури девет. Таму се платени 71.810 денари или над 1.160 евра за една година само од државната картичка на Маричиќ. Сметките достигнуваат и до 13.140 денари, но не може да се види што се јадело и пиело. Целиот текст прочитајте го ТУКА

Митева: Скапи јадења, специјални нарачки и алкохолни пијалоци барикирано 12 години плаќале Јанчева и Шилегов преку сметката на Град Скопје

Тале Кристо — Fri, 28 Jan 2022 12:12:14 +0000

Љубица Јанчева и Петре Шилегов со пари на скопјани се гоштевале со скапи јадења и пиеле алкохолни пијалоци стари 12 години, обелодени на денешната прес конференција Марија Митева, Портпарол на ВМРО-ДПМНЕ. Во продолжение интегрален текст со видео и докумнети од прес-конференцијата на Митева: Во предновогодишна забава Јанчева и Шилегов потрошиле 91.560 денари, фактура потпишана од Јанчева, а платена од Град Скопје, од парите на скопјани. Дополнително, одговорната администрација во Град Скопје при секторот за Финансии за оваа фактура се обидела да се спротивстави и да укаже дека е спротивно на Закон да се доставува фактура за извршени услуги за кои нема склучен договор во 2019 година. Односно, во повеќе наврати на надлежните сектори им било посочено дека доставата на фактура со дата и архивски број, а без склучен договор од претходната година е спротивно на Законот за внатрешна финансиска контрола. За таа намена, Секторот за финансиски прашања доставил службена белешка за ова до Шилегов и секретарот на Град Скопје Викторија Аврамовска Мандиќ. Ова е брутално кршење на законите од страна на функционерите на СДСМ кои спротивно на укажувањата на стручните лица, сепак одлучиле да потпишуваат сметки за реализирани средства за репрезентација. Од документот со потписот на Јанчева oд кој се гледа дека на два дена пред Нова Година таа и Шилегов потрошиле 91.560 денари. Шилегов и Јанчева за еден ден во кафана потрошиле 6 минимални плати. За еден ден, за неколку часа во кафана тие потрошиле пари со кои можеле 6 семејства да го поминат месецот. Од фискалната сметка се гледа што нарачувале Јанчева и Шилегов. Додека половина милион луѓе живеат во исклучително тешки услови, Љубица Јанчева и Шилегов пиеле ексклузивно виски Џони Вокер барикирано 12 години, виски Џејмисон и Џeк Дениелс, но и Чивас Ригал. Ова специјално друштво имало и специјална нарачка од кујна во висина од 60.000 денари, без спецификација што содржела таа нарачка. Посебна сметка имало и за Петре Шилегов, кој нарачувал бифтек на путер од 2.400 денари една порција. Внимавајте само за една порција Шилегов потрошил 1/5 од минималната плата на голем број работници низ државата. Тоа се пари со кои голем број на граѓани треба да живеат неколку дена, а Шилегов од градскиот буџет ги троши за едно јадење. Почитувани, Ова се причините за нервозата во СДСМ, кај Љубица Јанчева, Петре Шилегов, и другите поранешни градоначалници и локални функционери кои не можат повеќе да ги злоупотребуваат привилегиите на нивната функција. СДСМ продолжува со манипулирање на јавноста затоа што им е нарушен комодитетот и луксузот.

Шилегов склучил ДОГОВОР ВО ЧЕТИРИ ОЧИ ЗА КАФЕАНИ, тоа е континуитет во работењето

Ристе Здравков — Thu, 21 Oct 2021 10:25:17 +0000

Градоначалникот на Град Скопје во заминување, Петре Шилегов среде изборна кампања, помеѓу двата круга склучил договор со кафеани и Градот Скопје. Рамковната спогодба е објавена на страницата за Јавни набавки и таму стои дека Град Скопје за склучил договор за угостителски услуги на 15 октомври, два дена пред првиот круг од изборите чија важност почнува од денес. Договорот е склучен со три угостителски субјекти, во вредност од околу 2 милиони денари, или 32.000 евра. Која е потребата среде на два дена пред избори три угостителски субјекти да добијат народни пари, е нејасно. Дали станува збор за предизборен поткуп или награда, и тоа допрва треба да се одговори. Според Шилегов истото не е поврзано со изборите, иако е во изборна кампања. Тој на денешната прес конференција, одговарајќи на новинарско прашање рече дека морало да има континуитет во работењето. – Секоја институција во работењето мора да има континуитет независно од тоа кои се процесите кои се одвиваат. Овие спогодби не значи дека ќе се искористат, но градот треба да ја има можноста за делегации, рече тој. Шилегов вели дека градот имал меѓународна соработка со различни градови.

Бектеши: Кој сака во кафеана или ресторан, нека си се вакцинира

Ивана Ефремовски — Mon, 09 Aug 2021 13:25:44 +0000

Кој сака да посетува кафани, кафулиња и ресторани нека си се вакцинира. Ова го порача министерот за економија Крешник Бектеши на прес-конференција. Тој појасни дека на влез на угостителеските објекти ќе се бараат потврдите за вакцинирање. -При влез на секој гостин во угостителски објект ќе се бара потврда за вакцинација и тоа ќе го прават редарите што ќе ги организираат менаџерите на угостителските објекти, тоа е нивна обврска. Но, угостителските објекти што имаа капацитет помал од 30 луѓе немаат обврска да органзираат редарска служба. Во објектите кои имаат обврска да организираат редари ако најдеме невакцинирано лице, казна не плаќа тоа лице туку угостителот, објасни Бектеши.

СЕ СКРАТИ РАБОТНОТО ВРЕМЕ НА КАФЕАНИТЕ И КАФУЛИЊАТА- еве ги деталите

Дарко Андоновски — Tue, 03 Nov 2020 15:04:32 +0000

Скратување на работното време на угостителските објекти до 21 часот, освен за достава и шалтерска продажба на храна, е мерката што ја усвои денеска Владата на предлог на Комисијата за заразни болести за да се спречи ширењето на ковид-19. Оваа одлука за работното време важи и за угостителските објекти на бензинските станици, а од неа се исклучени угостителските објекти на аеродромите во Скопје и во Охрид. На владината седница донесена е и одлука за забрана за групирање на повеќе од 4 лица на јавен простор по 21 часот, како и препорака за сите домашни и странски граѓани на територијата на државата после 21:00 часот да не се движат на јавен простор доколку немаат важни и неопходни потреби.

Црна Гора: Музичарите во кафеаните со маски, гостите не смеат да танцуваат

Ристе Здравков — Mon, 27 Jul 2020 05:42:54 +0000

Сите специјални мерки против ширењето на коронавирусот во општините на северот на Црна Гора ќе бидат укинати од денеска, соопшти Владата на Црна Гора. „Привремените мерки против ширењето на коронавирусот, воведени последователно во општините од Северниот регион на 25 јуни, дадоа резултати пред сѐ во стагнација на стапката на нови случаи, што создадоа услови за укинување на одредени мерки, а со цел нормализирање на животот и економските интереси“, се вели во соопштението на Владата.

What measures are put in place for restaurants? Which border crossings are open? How about gyms? What is self-isolation and how long does it last? Do children have to wear masks? ... All in one place - 44 measures and 2 recommendations: https://t.co/E8VuGgYaSu #CoronaInfoCG pic.twitter.com/xsnuia06xV
— Govt. of Montenegro (@MeGovernment) July 26, 2020

Сите угостителски објекти во Црна Гора може да работат од 6 до 24 часот, а оваа одлука важи за ресторани, кафулиња, кафетерии, хотелски ресторани и слични угостителски објекти, како и обезбедување на угостителски услуги на плажи и плажи. Во угостителските објекти, освен во приморските општини Херцег Нови, Котор, Тиват, Будва, Бар и Улцињ, угостителските објекти мора да се придржуваат кон правилата според кои максимум двајца гости можат да седнат на маса во затворен простор, или четворица на терасата / градината на објектот, забрането е самопослужување и задржување пред шанкот, а масите мора да бидат оддалечени најмалку два метри едни од други…

The National Coordination Body for Communicable Diseases decided to abolish all specific measures against the spread of #COVID19 in the Northern region of #Montenegro and to allow live music in catering facilities. More: https://t.co/9JTzEbeN8I #CoronaInfoCG pic.twitter.com/DeFJQjfw1J
— Govt. of Montenegro (@MeGovernment) July 26, 2020

Се укинува и забраната за одржување забавна и музичка програма во рестораните, која беше воведена на 7 јули, но мора да се почитува физичкото растојание од два метра, изведувачите да носат заштитни маски, освен пејачи и музичари кои свират дувачки музички инструменти, а на гостите им е забрането да танцуваат.

Од утре работат и внатрешните делови на ресторани и кафулиња, но без жива музика

Ристе Здравков — Thu, 25 Jun 2020 14:58:58 +0000

Од утре во кафулињата и рестораните ќе можат да се служат гости и во внатрешните делови од објектите. Но според новиот протокол и натаму нема да има свадби и дрuги прослави, а се забрануваaт и музички настани и во внатрешните и во надворeшните делови. На ова веќе регираат и угостителите и музичарите, бараат надлежните да направат измени во овој дел. Музичарите пак велат ако не се дозволат музички настани дополнително ќе бидат оштетени. Велат дека илјадници музички работници изминатиов период се борат да опстанат поради ограничувањата да ја извршуваат својата работа. Угостителите апелираа до владата што е можно поскоро да се донесе правилник за оргнизрање и на свадби и други прослави затоа што токму порати тоа многу објекти сеуште се затворени. Повторно побараа од налджените да се промени правилото со кое се предвидува на една маса да може да седат четири лица само ако се од исто семејство. Од минатата недела угостителите можат да работат и до еден часот по полноќ и во текот на работата недела и за време на викенд. Со новиот правилник и натаму вработените мора да носат заштитна маска и зачестено да одржуваат хигиена на рацете. Не е дозволено служење на гости на стоење на шанк. Столчињата треба да се на растојание од 1, 5 до два метри. На секоја маса мора да има средства за дезинфекција. На една маса може да седат најмногу две лица, а четворица само ако се од иста фамилија. Тоалетите постојано треба да се дезинфицираат, а феновите за раце не смее да се користат.

Отворање на градинки и кафеани, намалување на полициски час: Комисијата за заразни болести ќе расправа за олабавување на мерките

Ивана Ефремовски — Tue, 26 May 2020 08:40:41 +0000

Отворање на угостителските објекти, на градинките и намалување на полицискиот час, се некои од темите за кои Комисијата за заразни болести денеска би требало да разговара, по најавите дека ќе има олабавување на мерките по празниците. Според претходни препораки на Комисијата, треба да се донесе одлука по кои критериуми ќе се отворат кафеаните, односно да има ограничен број на посетители, растојание помеѓу масите или можност да функционира само терсата или летната бавча на објектите. Комисијата на денешната седница можно е да расправа и за отворање на границите, иако министерот за здравство Венко Филипче минатата недела рече дека се уште е рано за тоа.

„А швалерација забранета ли е?“: Граѓаните со потсмев кон забраната на СДСМ до функционерите кои одат по кафеани (ФОТО)

Ивана Ефремовски — Fri, 17 Jan 2020 20:50:05 +0000

Освен бројните скандали во кои се вплеткани функционери на СДСМ, ниската доверба која ја имаат од народот, а тоа го гледаат по сите предизборни анкети, партијата на Зоран Заев си има и друг голем проблем. Функционерите многу им седеле по кафеани. Па така, заседнати, напиени, со богата трпеза, објавувале фотографии на социјалните мрежи, со што буделе револт кај граѓаните. Затоа, СДСМ мораше да ги преземе работите во свои раце, па со одлуката која ја донесе стана мета на потсмев кај народот. Не се само седенките во кафеани забранети. „Приватни патувања, одмори, седење во кафеани, кафитерии и ресторани не треба да има. Многу важно: Фотографии од кафеани, ресторани, кафитерии воопшто да нема“!-пишува во дописот испратен до функционерите на СДСМ, но и до партиските членови. На оваа наредба е потпишан Љупчо Николовски, шеф на Централниот изборен штаб на СДСМ. Тој, освен што им посочи што не смеат да прават, им наметна и што мора да прават на социјалните мрежи. На ова реагираа и граѓаните. Тие со доза на потсмев гледаат на оваа одлука испратена од партијата на Зоран Заев. Општиот впечаток е дека СДСМ е во голема паника пред предвремените парламентарни избори. Од кога се на власт граѓаните постојано го искажуваат своето незадоволство поради неисполнетите ветувања. Изгледа партијата на Заев мисли дека со “примерно однесување“ на три месеци пред избори ќе си ги “испере“ функционерите кои не уживаат добар углед пред народот.

Јанушев: По три години предизборно им текна да си ги приберат функционерите од кафеани?!

Љупчо Цветаноски — Fri, 17 Jan 2020 11:35:07 +0000

Генералниот секретар на ВМРО-ДПМНЕ, Игро Јанушев, на Твитер напиша: „Одлично! По три години предизборно им текна да си ги приберат функционерите од кафани бидејќи од тоа зависела пораката што ја испраќаат до граѓаните? И тоа е важно само од 20.01 до 12.04?!Пораката што ја испратија во меѓувреме ... па, сега, кој да се “секира” за тоа?!?“ - пишува Јанушев.