Каи Хаверц – Kurir.mk

Арсенал плати 70 милиони фунти за Хаверц кој станува „топџија“

Бошко Тасиќ — Thu, 29 Jun 2023 04:55:38 +0000

Германскиот фудбалер Каи Хаверц е нов играч на Арсенал потврди лондонскиот клуб вчера. „Топчиите“ и официјално се пофалија со доаѓањето на германскиот фудбалер, кој на „Емирати“ пристигнува за сума од 70 милиони евра, кои Арсенал ќе му ги плати на градскиот ривал Челси. „Возбудени сме што го донесовме Каи во клубот. Тој е големо засилување за нашиот тим и ќе донесе голем напаѓачки квалитет и разноврсност“, рече спортскиот директор на Арсенал, Еду,. Германскиот репрезентативец доаѓа на инсистирање на Микаел Артета, кој со недели притискаше за овој трансфер. „Каи е играч со врвен квалитет. Има голема сестраност и е интелигентен играч. Ќе донесе дополнителна сила во нашиот среден ред и разновидност во нашата игра“, изјави менаџерот Микел Артета.

Арсенал ќе потроши над 200 милиони евра на засилувања

Бошко Тасиќ — Mon, 26 Jun 2023 03:48:51 +0000

Во следните два дена во лондонски Арсенал се очекува официјалното претставување на Каи Хаверц кој ќе пристигне за сума од околу 65 милиони евра, но „топчиите“ нема да застанат тука. Арсенал е пред потпис и со капитенот на Вест Хем, Деклан Рајс, за кого ќе биде издвоена сума која ќе биде поголема од сто милиони евра, затоа што „чеканите“ веќе ги одбија првите две понуди. Третото засилување ќе биде Јуриен Тимбер од Ајакс, со кого Арсенал веќе ги договорил личните услови и останува само да се „испегла“ отштетата што ќе му биде исплатана на холандскиот клуб, а таа не би требало да биде помала од триесет милиони фунти.

Арсенал ги договори условите со Каи Хаверц

Бошко Тасиќ — Fri, 16 Jun 2023 04:28:20 +0000

Интересот на Арсенал за Каи Хаверц станува сериозен. Тој успеал брзо да ги договори личните услови со „топчиите“, што е јасен показател дека напаѓачот сака да ја продолжи кариерата во тимот на Микел Артета. Челси бара околу 70 милиони евра за трансферот, но Арсенал ќе се обиде да ја намали таа сума и можеби да вклучи некој фудбалер во зделката. Реал Мадрид беше заинтересиран за потписот на Хаверц, но излезе од трката откако дозна за големата отштета што треба ја плати за Германецот. Во игра е и Баерн Минхен, но, сепак, Арсенал е во најнапредна фаза.

Неделно заработува 300 000, а 10 години не го менува мобилниот телефон

Ристе Здравков — Wed, 29 Mar 2023 14:30:55 +0000

Ретки се фудбалерите кои во денешно време на овие вртоглави заработки во фудбалот, можат да останат скромни, еден од нив сигурно е Нголо Канте. Каи Хаверц во интервју за британските медиуми, откри дека некои негови колеги се доста скромни, па нагласи дека таква особина гледа во Канте. „Запознав низ фудбалот многу карактери, но Нголо Канте е неверојатен, тој е толку скромен што има дури телефон кој не го менува скоро 10 години, не му е гајле за автомобилите, воопшто не се грижи за скапа гардероба. Никогаш не смеете да им судите на луѓето поради тоа колку трошат. Повеќето од нив се добри луѓе“, открива Хаверц. Интересен е податокот дека Канте на Стемфорд Бриџ заработува 300 000 евра неделно, но и понатаму останува човек близок до обичниот свет.

Хаверц за критиките на Потер: Стотици тренери во Англија мислат дека секој знае подобро од него

Дарко Андоновски — Thu, 09 Mar 2023 14:15:01 +0000

Играчот од средниот ред на Челзи, Каи Хаверц ги коментираше критиките на тренерот на лондонци Греам Потер. - Имаме стотици менаџери во Англија кои мислат дека сите знаат подобро од него. Но, тој е многу корисен за сите нас, вклучувајќи ме и мене. Ние го поддржуваме максимално, изјави Хаверц. Четириесет и седумгодишниот тренер го презеде Челзи во септември минатата година. Оттогаш, „сините“ одиграа 28 натпревари под негово водство, освоија 11 победи, 7 пати ремизираа и 10 пати загубија. Вчера Челзи ја совлада Борусија Дортмунд во осминафиналето од Лигата на шампионите со 2:0 и се пласира во четвртфиналето.

Ѕвездата на Челси позитивен на коронавирус

Магдалена Андонова — Wed, 04 Nov 2020 20:01:45 +0000

Тренерот на Челси, Френк Лампард потврди дека Каи Хаверц има коронавирус и оди во самоизолација. -Хаверц е позитивен на тестот за ковид-19 пред денешниот меч. Па е отстранет од составот и е во изолација по наредба на докторите. Тој ќе биде во изолација во наредниот период, а ние му посакуваме се најдобро, вели Лампард. „Целиот состав беше тестиран, сите други имаат негативни случаи“. Покрај вечерниот меч против Рен, Хаверц ќе го пропушти и дуелот на Челси против Шефилд јунајтед. Потоа следува пауза за репрезентации па ако нема дополнителни компликации тој би бил подготвен за следните предизвици на Челси.

Баерн се откажа од купување на Хаверц

Магдалена Андонова — Tue, 04 Aug 2020 11:35:37 +0000

Почесниот претседател на Баерн Минхен, Ули Хенес изјави дека клубот не планира да потпише договор со играчот од средниот ред на Баер, Каи Хаврц. – Сигурен сум дека по Лерој Сане годинава нема да имаме големи трансфери. Тоа нема никаква врска со квалитетот на настапот на Хаверц. Сите сметаме дека тој е многу добар играч. Но, за време на периодот на коронавирус, не можам да замислам дека ќе можеме да најдеме вакви средства преку продажба на играчи, изјави Хенес. Хаверц одигра 43 натпревари за Баер Леверкузен во сезоната 2019/20, постигна 17 голови и девет асистенции. Порталот „Transfermarkt.com“ ја проценува цената на 21-годишниот Германец на 81 милиони евра. (MИА)

Челзи се согласил на договор со Хаверц

Ивона Петрова — Tue, 21 Jul 2020 09:33:27 +0000

Премиерлигашот Челзи постигнал договор за трансфер со играчот од средниот ред на Баерн Леверкузен, Каи Хаверц. Според „Transfermarket“ 21-годишниот Германец се согласил на петгодишен договор со плата од осум милиони евра годишно. Лондонскиот клуб е подготвен да плати 70 милиони евра за играчот, несметајќи ги бонусите. Баер сака да добие 90 милиони. Претходно се дозна дека играчот од средниот ред е подготвен да се пресели во Челзи, но само доколку лондончаните обезбедат учеството во Лигата на шампионите. Челси во моментов е на третото место со 63 бода. Минатата сезона, Хаверц учествуваше на 39 натпревари на сите турнири, постигна 15 гола и осум асистенции.

Хаверц бара дозвола од Баер да си замине

Магдалена Андонова — Wed, 08 Jul 2020 11:53:07 +0000

Фудбалерот од средниот ред на Баер, Каи Хаверц, побара од клубот да го пушти да си замине ова лето. Оваа информација ја објави „Билд“. Челзи и Реал покажуваат интерес за фудбалерот. Челси е подготвен да плати 100 милиони евра на рати. Дваесет и едногодишниот фудбалер одигра 43 натпревари за Баер во сезоната 2019/20, постигна 17 гола и девет асистенции. Порталот „Transfermarkt.com“ ја проценува вредноста на играчот на 81 милион евра. (MИА)