Кајакари од 18 држави ќе учествуваат на ЕП на „Матка“ крај Скопје

Ивона Петрова — Tue, 16 May 2023 10:39:15 +0000

Од утре до сабота на патеката „Матка“ крај Скопје ќе се одржи Европското првенство во кајак за сениори за кое пријавени се натпреварувачи од 18 држави. АМС како партнер на Кајакарската федерација учествува во организација на овој голем настан. - За нас како институција и пред се држава е од големо значење да покажеме зрелост и способност за успешна организација на едно Европско првенство. Кајакарската федерацијата е активно посветена во овие случувања на меѓународната сцена и е вистински промотор на овој спорт кај нас, рече директорот на АМС, Наумче Мојсовски на денешната прес-конференција. Тој упати апел до љубителите на овој спорт да ги проследат натпреварите на патеката „Матка“ крај Скопје. Претседателот на Кајакарската федерација на Северна Македонија, Дрилон Леши е уверен дека Европското првенство ќе помине во најдобар ред. - Од година во година кајак натпреварите во нашата држава е се подобра, а ова го препознава Светската и Европската кајак федерација, па се надеваме дека во иднина ќе добиеме и организација на некое Светско првенство, истакна Леши. Свеченото отворање е закажано за вечер во МКЦ со почеток во 19:30 часот. Натпреварите почнуваат утре со индивидуален настап. Во четврток е екипно возење на репрезентациите и трка на ветераните. За петок е предвидено да се вози спринтот, а в сабота се финалните натпревари индивидуално и екипно.

Демиркаписките кајакари со освоени неколку први места на државното јуниорско првенство во кајак на дива вода-слалом

Магдалена Андонова — Sat, 24 Oct 2020 16:38:29 +0000

Демиркаписките кајакари освоија неколку први места на државното јуниорско првенство во кајак на дива вода-слалом, кое денеска се реализираше во реката Вардар кај Демир Капија. Организацијата беше на Кајакарската федерација заедно со демиркапискиот кајакарски и кану клуб „Просек”. – Освоивме прво место во категорија к1 жени, во женска конкуренција ц1 и во тимско возење 3хк1. Екипно го делиме првото место заедно со ККК ,,Вардар” од Велес. Со овие резултати како и тие од пионерското првенство кое минатата недела се одржа во Велес, ,,Просек” е прв во државата во младинска конкуренција, за МИА нагласи тренерот Дарко Илиевски. Тој потсети дека кајакарството во Демир Капија има долга традиција и изрази надеж дека младите и во иднина ќе пројавуваат интерес за овој вид на спорт. (МИА)

кајакари – Kurir.mk

Кајакари од 18 држави ќе учествуваат на ЕП на „Матка“ крај Скопје

Демиркаписките кајакари со освоени неколку први места на државното јуниорско првенство во кајак на дива вода-слалом