Кајл Лаури – Kurir.mk

Проблеми за Мајами пред мечот со Бостон

Бошко Тасиќ — Tue, 17 May 2022 19:39:44 +0000

Екипата на Мајами се соочува со голем проблем пред стартот на финалната серија на Истокот против тимот на Бостон. Стартниот плејмејкер Кајл Лаури нема да може да ја започне серијата. 36-годишниот кошаркар има проблеми со задната ложа и поради тоа нема да може да го игра првиот натпревар, а за понатаму – ќе одлучи медицинскиот тим. Некогашниот шампион со Торонто се повреди во третиот натпревар против Филаделфија. Првиот натпревар од финалната серија меѓу Мајами Хит и Бостон Селтикс се игра во среда од 2:30 часот по полноќ.

Лаури со победа дебитира за Мајами

Ивана Ефремовски — Tue, 05 Oct 2021 07:16:00 +0000

Кајл Лаури ноќеска дебитираше за Мајами хит. Кошаркарот учествуваше на првиот претсезонски натпревар на тимот од Флорида против Атланта. Ол-стар ветеранот, кој се пресели во Хит од Торонто репторс во летниот трансфер прозорец во НБА-лигата реализираше удар за три поени. За 15 минути на теренот, Лаури постигна пет поени, четири скока и седум асистенции. Мајами го доби натпреварот со 125:99, а Лаури беше на паркетот 15 минути. (МИА)

Лаури прв асистент во историјата на Торонто

Ивона Петрова — Wed, 29 Jan 2020 10:10:38 +0000

Кошаркарот на актуелниот НБА шампион Торонто, Кајл Лаури, изби на првото место по број на асистенции. Ѕвездата на канадскиот клуб на синоќешниот дуел со Атланта (130:114) оствари 11 асистенции и стигна до 3.772 во својата кариера. На вечната листа во оваа статистичка категорија на досегашниот лидер Хозе Калдерон падна на второто место со 3.770. Во Топ 5 се уште и: ДеМар ДеРозан со 2.078, Алвин Вилијамс со 1.791 и Дејмон Стадемаер со 1.761 додавање по кое се постигнати поени.

Лаури ќе го пропушти Светското првенство

Ивона Петрова — Tue, 13 Aug 2019 07:01:22 +0000

Репрезентативецот на САД Кајл Лаури нема да настапи на претстојниот кошаркарскиот шампионат во Кина. Играчот на Торонто ќе го пропушти Мундијалот поради повреда. Лаури закрепнува од операцијата на десната рака. Тој постојано велеше дека сака да му помогне на тимот на САД на Светското првенство и се надева дека ќе биде дел од репрезентацијата на Олимпијадата во 2020 година. Претходно, и другите НБА ѕвезди одбија да настапат на Мундијалот, сакајќи да се фокусираат на подготовките за новата сезона во најсилната светска кошаркарска лига