кајл вокер – Kurir.mk

Кајл Вокер останува верен на европскиот првак

Бошко Тасиќ — Fri, 15 Sep 2023 04:02:30 +0000

Иако се поврзуваше со заминување од клубот Кајл Вокер останува верен на Манчестер Сити. Оваа лето бекот се поврзуваше со трансфер во Баерн Минхен, откако претходно го загуби првотимскиот статус на „Итихад“. Сепак, Вокер парафира нова соработка со „граѓаните“ до летото во 2026 година. „Возбуден сум што потпишав нов договор. Мојата иднина е во Манчестер Сити и тоа е одлично за мене. Уживав во секој момент од последните шест години во овој клуб. Сезоната во која ја освоивме тројната круна нема да ја заборавам никогаш. Подготвени сме да освоиме уште многу трофеи“, изјави Вокер.

Кајл Вокер сепак останува во Манчестер Сити

Бошко Тасиќ — Wed, 09 Aug 2023 03:50:01 +0000

Фудбалаерот на Манчестер Сити, Кајл Вокер, одлучи да остане во клубот и покрај тоа што постигна вербален договор со Баерн Минхен. Раководството на Баварците долго преговара со колегите од Сити за трансферот на фудбалерот, но, сепак, клубовите немале време да се договорат за сумата. Раководството на Манчестер Сити на играчот му понуди нов договор, а Вокер моментно ја разгледува понудата. Дефанзивецот е во Манчестер Сити од 2017 година. Минатата сезона, 33-годишниот играч одигра 39 натпревари за англискиот клуб во сите натпреварувања. Неговиот актуелен договор со „граѓаните“ е до летото 2024 година.

Гвардиола: Се надеваме дека Вокер ќе остане во Сити

Ивона Петрова — Wed, 26 Jul 2023 09:02:43 +0000

Тренерот на Манчестер сити, Пеп Гвардиола, изрази надеж дека одбранбениот фудбалер Кајл Вокер ќе остане во клубот. - Се надеваме дека Кајл ќе остане со нас. Можам да кажам дека тој е многу важен играч за нас. Ќе се бориме за него, ги цитира зборовите на Гвардиола, инсајдерот Фабрицио Романо. Претходно беше објавено дека Вокер го информирал Гвардиола за неговата одлука да се пресели во Баерн Бинхен. Баварците на 33-годишниот Англичанец ќе му понудат двегодишен договор со можност за продолжување на уште една година. Вокер е во Сити од 2017 година. Со тимот го освои англискиот шампионат пет пати, два пати Купот и Суперкупот на земјата, четир пати Лига купот и еднаш Лигата на шампионите. Минатата сезона дефанзивецот забележа 39 настапи за Сити во сите натпреварувања, постигнувајќи една асистенција. Неговиот договор е до летото 2024 година.

Кајл Вокер пред трансфер во Баерн Минхен

Бошко Тасиќ — Fri, 21 Jul 2023 04:12:17 +0000

Англискиот фудбалски репрезентативец Кајл Вокер го извести менаџерот на Манчестер Сити, Пеп Гвардиола, и неговите соиграчи дека сака да се пресели во Баерн Минхен. 33-годишниот дефанзивец пред неколку дена ја прифати понудата на Баварците. Сега Баерн Минхен треба да се договори со „граѓаните“ околу трансферната сума за десниот бек. Вокер е под договор уште една година, а се очекува двата клуба брзо да се договорат. Сепак, англискиот клуб прво сака да обезбеди замена за Англичанецот, а потоа да го продаде на Баерн Минхен. Се верува дека трансферот може да се случи додека двата клуба се на турнеја во Јапонија.

УЕФА ја одби жалбата на Манчестер Сити

Бошко Тасиќ — Sun, 20 Feb 2022 08:14:20 +0000

Дисциплинската комисија на УЕФА, ја одби жалбата на Манчестер сити. „Граѓаните“ побараа да му биде намалена суспензијата на Кајл Вокер. Вокер, доби директен црвен картон, на натпреварот против Лајпциг на 7.декември. Десниот бек доби суспензија од три натпревари. Проценката на УЕФА била дека стартот бил со намера да се повреди противникот. Вокер веќе го пропушти дуелот со Спортинг, а покрај реваншот, кој за неговиот тим ќе биде само формалност, нема да игра и во првиот четврт-финален натпревар во Лигата на шампионите.

Затворена истрагата против Камил Глик – ФИФА не најде докази за расистички изјави кон Вокер

Магдалена Андонова — Wed, 13 Oct 2021 11:05:40 +0000

Светската фудбалска асоцијација ја затвори истрагата против полскиот дефанзивец Камил Глик. Англија минатиот месец го обвини 33-годишниот фудбалер дека користел расистички фрази во судирот 1-1 со дефанзивецот Кајл Вокер за време на квалификацискиот натпревар за СП 2022 година. На крајот од првото полувреме изби конфликт помеѓу играчите на двата тима. За време на тоа, Глик го стисна Кајл Вокер, а во инцидентот учествуваше и Хари Мегваер. За време на полувремето, менаџерот на Англија, Емили Веб и шефот за безбедност Тони Конифорд реагираа кај резервниот судија дека Вокер бил навредуван од Глик на расна основа. ФИФА не најде докази за расистички изјави од страна на Глик и го затвори случајот. Играчот нема да подлежи на никакви санкции. (МИА)

Вокер: Мора да ја освоиме Лигата на шампионите за да бидеме прифатени како вистински гигант

Магдалена Андонова — Fri, 14 Aug 2020 11:48:58 +0000

На Манчестер Сити му е потребна победа во ЛШ за навистина да биде прогласен за една од европските фудбалски сили и да биде прифатена како вистински гигант, изјави дефанзивецот Кајл Вокер. Сити има освоено четири титули во англиската Премиер лига во последните 10 години, но во моментов не успеале да се пласираат во полуфиналето на ЛШ за истиот период. Но, сезонава тимот на Пеп Гвардиола го совлада 13-кратниот победник Реал (Мадрид) во осминафиналето и се фаворити против францускиот Олимпик Лион. – Ако ме прашавте пред две години кога потпишав овде, ќе ви кажав колку голема цел е Премиер Лигата, бидејќи никогаш не сум ја освоил. Но, сега, по две титули и голем број други трофеи, следната е Лигата на шампионите. Веројатно можам да зборувам во име на остатокот од тимот, но ние сакаме да зачекориме на тој пиедестал како Манчестер Сити, вели дефанзивецот. Сепак, 30-годишниот англиски репрезентативец предупреди дека Лион не треба да се потценува. Французите веројатно се полни со самодоверба откако во претходното коло го елиминираа Јувентус со Кристијано Роналдо. – Лион има многу добри играчи. Со отстранувањето на Јувентус се зголеми вревата околу нив. Мора да бидете многу добар тим, многу дисциплиниран и цврст за да го победите Јуве на два натпревари, заклучи искусниот дефанзивец. (MИА)

Вокер: Би било чудо ако Англија го освои Мундијалот

Даниел Василев — Wed, 18 Apr 2018 19:47:23 +0000

Англискиот репрезентативец и фудбалер на Мачестер Сити, Кајл Вокер, изјави дека Англија нема големи шанси да го освои Светското првенство во Русија. - Се надевам дека ќе се пласираме што е можно подобро, но мораме да бидеме реални. Победа на Светското првенство би била еднаква на чудо, истакна Вокер. Според него, во англискиот тим има врвни играчи кои се подготвени да одат до крај. - Имаме играчи кои можат да го остварат нашиот сон. Многу од нас играат можеби во најдобрата лига во светот, наведува англискиот репрезентативец. Англија на Мундијалот во Русија игра во Групата Г со репрезентациите на Белгија, Панама и Тунис. На Светското првенство во Бразил во 2014 година Англичаните освоија само еден бод во групната фаза од натпреварите. МИА