кајне вест – Kurir.mk

ФОТО: Кајне Вест ја „заследи“ Карлеуша на Инстаграм

Магдалена Андонова — Wed, 09 Mar 2022 18:15:01 +0000

Поп ѕвездата Јелена Карлеуша на Инстаграм ја заследи и познатиот рапер и поранешен сопруг на Ким Кардашијан, Кајне Вест. По бројните личности од светот на шоу-бизнисот, на Јелена сега друштво и прави една од најголемите планетарни ѕвезди. Карлеуша претходно не го следеше Кајне, а откако тој ја заследи на Инстаграм, поп ѕвездата му возврати. Вест сигурно знае која е Јелена со години наназад, со оглед на тоа што американските медиуми шушкаа дека Ким ја копира Карлеуша со нејзините стајлинзи и фризура.

Канје ја моли Ким за прошка, со сите сподели приватни фотографии: „Боже, обедини нè!“ (ФОТО)

Магдалена Андонова — Fri, 11 Feb 2022 15:01:08 +0000

Раперот Канје Вест (44) наводно моли за прошка од поранешната сопруга Ким Кардашијан (41), откако во последните неколку дена ги изнесоа „валканите“ работи од врската. Сепак, драмата меѓу поранешната љубовна двојка не стивнува и денеска. Кајне на социјалната мрежа Инстаграм објави колаж од семејни фотографии по низата обвинувања за мајката на неговите деца. - Боже, обедини го нашето семејство, гласи описот под објавата на Канје, а многумина веруваат дека на тој начин Канје ја моли Ким за прошка. Некои од следбениците на раперот ја поддржаа неговата постапка, а други сепак му велат дека тоа се приватни работи кои не треба да се решаваат на социјалните мрежи. Инаку, Ким и Канје со денови се караат на социјалните мрежи, а Вест ја користи секоја прилика да ја нападне поранешната сопруга. Раперот по разводот не успева да ја прифати новонастанатата ситуација, па неодамна и се закани на нејзиниот нов партнер, комичарот Пит Дејвидсон.

Нова војна на Канје Вест и Ким Кардашијан: „Ме обвинува дека сум крадец и наркоман“

Магдалена Андонова — Mon, 07 Feb 2022 21:15:19 +0000

Канје Вест (44) и Ким Кардашијан (41) веќе подолго време се во конфликт преку социјалните мрежи, а се започна откако Канје објави скриншот од нивната ќерка Норт (8), која против негова волја користи ТикТок. По неколку негови јавни појавувања, Ким одговори на својот Инстаграм, по што ситуацијата меѓу наскоро бившите сопружници се вжешти. - Ким ме обвини дека наредив нејзина ликвидација, а сакам да кажам дека тоа се сериозни обвинувања и дека не е можно така да се игра со животите на Афроамериканците. Ме обвини за дрога и дека сум крадец, а јас го немам ни нејзиниот телефонски број – напиша меѓу другото Кајне на Инстаграм. Страсниот рапер тврди дека Ким не му дозволува да ги гледа нивните деца, а дека едвај му дозволила да присуствува на роденденот на малиот Чикаго (4) кој неодамна го прославија. Бесните статуси на Канје ги следат многу фанови на социјалните мрежи, а повеќето од нив не се согласуваат дека родител на четири деца треба јавно ги решава нивните проблеми. Новата девојка на Канје, Џулија Фокс (32) сака да се смири ситуацијата меѓу поранешните партнери: - И Јулија помина низ развод, па сфаќа дека разводите се тешки, а кога се во прашање децата, тоа ја прави ситуацијата речиси невозможна. Таа само сака да си ги реши проблемите - изјавил за Пејџ сикс извор близок до Јулија.

Канје Вест ќе мора да биде целосно вакциниран доколку сака да настапи во Австралија

Магдалена Андонова — Sun, 30 Jan 2022 12:36:11 +0000

Пејачот Канје Вест ќе мора целосно да се вакцинира доколку сака да одржува концерти во Австралија, изјави премиерот Скот Морисон откако медиумите објавија дека Вест планира турнеја низ Австралија во март. Предупредувањето дојде две недели откако пропаднаа надежите на тениската суперѕвезда Новак Ѓоковиќ за освојување на нова Грен слем титула на Австралија Опен бидејќи судот ја потврди владината одлука да му ја одземе визата затоа што не бил вакциниран. - Правилото е дека треба да бидеш целосно вакциниран. Тоа важи за сето она што луѓето го виделе неодамна. Не е важно кој си, тоа се правилата. Следете ги правилата, можете да дојдете. Не следете ги правилата, не можете да влезете во оваа земја, изјави Морисон на прес-конференција за медиуми. Забелешките на Морисон дојдоа откако весникот Сиднеј Морнинг Хералд објави во петокот, цитирајќи извори од индустријата, дека Вест планира да одржи концерти во Австралија во март. Портпаролите на Вест, кои го објавија својот последен албум Донда во јули, не беа веднаш достапни за коментар. Вакциналниот статус на Вест, кандидатот за претседател на САД во 2020 година, е непознат. Тој рече дека примил една доза од вакцината во интервју на социјалните мрежи во 2021 година, но во интервју за бизнис магазинот Форбс во 2020 година, тој ја опиша вакцинацијата како „печат на ѕверот“. Австралија, една од земјите со највисоки стапки на вакцинација против Ковид-19, минатиот месец се бореше со појава на инфекција која беше предизвикана од варијантата омикрон и забележа околу два милиони случаи на коронавирус.

НЕ СЕ ОТКАЖУВА: Канје Вест купи куќа спроти Ким Кардашијан

Магдалена Андонова — Tue, 28 Dec 2021 21:40:48 +0000

Раперот јасно стави до знаење дека е решен повторно да го собере своето семејство – и дека е подготвен да потроши пари за да го оствари тоа. Два месеца откако Ким Кардашијан официјално го префрли брачниот дом во Хидн Хилс, Калифорнија, за да биде целосно под нејзино име, Канје Вест купи еднокатна куќа директно од другата страна на улицата, објави „Њујорк пост“. И очигледно, тој толку очајно ја сакал скромната куќа со пет спални соби и четири бањи, што платил 4,5 милиони долари – 421.000 долари над бараната цена на продавачот, пренесува публикацијата. Се чини дека ова е добар тајминг за Канје, бидејќи куќата се појави на пазарот првпат по 67 години на 1 декември за 4.079 милиони долари. Инсајдер изјави за „Њујорк пост“ дека Канје сака да биде во непосредна близина на своите деца. „Тоа е само едноставна логистика за тој да биде блиску до своите деца и да има пристап до нив веднаш“, извор близок до раперот изјави за весникот.

БИЗАРЕН НАСТАП: Јавноста шокирана – Канје Вест се запали на сцена, а потоа Ким се појави во венчаница (ВИДЕО)

Магдалена Андонова — Fri, 27 Aug 2021 19:05:54 +0000

Кајне Вест (44) со месеци го одложува објавувањето на неговиот десетти студиски албум „Донда“. Контроверзниот рапер наводно живее на стадионот Мерцедес-Бенц во Атланта и таму работи на албумот, а исто така одлучи да го смени и името. Како дел од промоцијата на претстојниот албум, Кајне организира забави и концерти на стадионот. На последниот таков настан, раперот ја шокираше публиката кога се запали на сцената. Целиот во пламен, тој прошета во комплет што личеше на неговиот семеен дом каде што израсна. Неговите вработени опремени со апарати за гаснење пожар навреме го запреле оганот.

⛽️#Donda pic.twitter.com/ifK1Tbr7iW
— Apple Music (@AppleMusic) August 27, 2021

Раперот и ријалити sвездата се во брак шест години и се родители на четири деца. Тие ја започнаа бракоразводната парница во февруари оваа година, но останаа во добри односи, воспитуваат деца заедно и се поддржуваат едни со други. Да потсетиме, раперот неодамна ги прекина врските со руската манекенка Ирина Шајк, откако беа видени како поминуваат време во Прованса, Франција, на почетокот на јуни, каде што го прославија роденденот на раперот.

❤️ #Donda pic.twitter.com/BqEFUAaqe4
— Apple Music (@AppleMusic) August 27, 2021

Неодамна, поранешните сопружници заминаа на семеен одмор во Сан Франциско со своите деца, а очевидци тврдат дека биле многу блиски, речиси како да не се разведуваат. Дали парот ќе се помири или ќе искористи се како маркетинг, останува да видиме.

Наградата фрлена во вц шолја, а тој уринира над неа: Канје Вест навистина има биполарно растројство

Магдалена Андонова — Thu, 17 Sep 2020 08:23:34 +0000

Нема крај на испадите кои ги прави овој човек. Раперот Канје Вест, сопруг на старлетата Ким Кардашијан, кој неодамна се кандидираше за Претседател на Америка, а подоцна кандидатурата му беше одбиена, не престанува да шокира. По одржаните контроверзни говори кога пред огромна толпа на луѓе кога се спремаше да собира гласови за претедател, кажа многу приватни работи од бракот со Ким, (таа на твитет објави дека има биполарно растројство) некои многу лоши, а потоа плачеше, сега се чини дека мокри врз музичката награда „Греми“. Во низата твитови за музичката и модната индустрија, Канје изрази жалење за малиот број Афро-американци на високи позиции, но објави и стихови од Библијата. Тој тврди дека нема да издава повеќе музика сè додека Сони и Универзал не го ослободат од договорите...

Trust me ... I WONT STOP pic.twitter.com/RmVkqrSa4F
— ye (@kanyewest) September 16, 2020

Ким Кардашијан НЕ МОЖЕ ДА БИДЕ ПРВА ДАМА НА САД: Отфрлена претседателската кандидатура на Канје

Магдалена Андонова — Fri, 11 Sep 2020 17:24:23 +0000

Кандидатурата на раперот Канје Вест за претседателските избори во Америка во ноември не беше прифатена во Охајо, одлучи Врховниот суд на таа сојузна држава. Со едногласна пресуда, судот утврди дека републичкиот државен секретар, Франк Лароуз, постапил во согласност со законот кога тој отфрлил скоро 15 000 потписи и други документи доставени од раперот. Како причина Лароуз ги наведе неконзистентните информации во документите за собирање потписи. Адвокатите на раперот во Охајо поднесоа жалба, тврдејќи дека е должност на Лароуз да прифати било каква кандидатура за независен кандидат сè додека нема жалби против таа апликација и освен ако не се прекрши законот во Охајо.

Со солзи во очите, го моли да прифати лекарска помош: Ким и Канје во кризен брак (ФОТО)

Магдалена Андонова — Tue, 28 Jul 2020 07:55:09 +0000

Ким и Канје се вратија на ранчот во Валоминг, а таа на фотографиите е видно вознемирена ... Плаче додека разговараат. По серијата скандали на кадидатот за претседател на Америка- раперот Канје Вест, сопругот на старлетата Ким Кардашијан, испадите во јавноста дека таа не е толку вредна, а тој со биполарно растројство, сега се неочекувано заедно. Светските медиуми пишуваа дека се пред развод, а токму на најновите фотографии се гледа расплаченото лице на Ким и колку таа е загрижена за сопругот. Според американските медиуми, таа упорно се обидува да го натера Канје да се согласи да добие лекарска помош, но досега тој одбиваше.

Канје Вест на изборите планира да оди како независен кандидидат

Магдалена Андонова — Wed, 08 Jul 2020 14:39:56 +0000

Американскиот рапер Канје Вест во интервју за изданието Форбс денеска изјави дека својата кандидатура за претседател на САД планира да ја објави како независен кандидат. Тој додаде дека би бил спремен да стане кандидат на Републиканската партија доколку таа не би била претставувана од сегашниот претседател Доналд Трамп. Вест претходно на Твитер соопшти дека има намера да учествува на претседателските избори во САД. Во коментарите под твитот тој доби поддршка од Илон Макс, основач на компаниите „Тесла“ и „СпејсИкс“ Вест е во брак со Ким Кардашијан, американска популарна реалити шоу ѕвезда. Во интервјуто тој истакна дека, засега, таа и Маск се единствени советници во неговата претседателска кампања во зародиш. Според изборната традиција во САД, реални шанси за избор на претседател имаат кандидатите од најголемите две политички партии, републиканстата и демократската. (МИА)