кајсија – Kurir.mk

Џем од кајсија и портокал: Комбинација од сладост и освежителен цитрусен вкус

Ристе Здравков — Tue, 18 Jul 2023 07:16:22 +0000

Овој џем е идеален начин да ги зачувате слатките ароми на летните кајсии и да ги надополните со богатиот вкус на портокалите. Состојки: два килограми исчистени кајсии шест шолји шеќер рендана кора од три портокали една лажица сок од лимон Подготовка: Измешајте ги исчистените кајсии, шеќерот, ренданата кора од портокал и сокот од лимон. Варете додека не почне да врие, а потоа намалете ја топлината и крчкајте уште 25 минути, повремено мешајќи и отстранувајќи ја пената по потреба. Префрлете го џемот во претходно стерилизирани тегли, затворете и оставете да се излади. Уживајте!

Расцветаниот бадем, сливата и раните сорти кајсии на удар од ниските утрински температури

Ивона Петрова — Mon, 14 Mar 2022 09:15:28 +0000

Студените утра оваа недела може да предизвикаат штети доколку во регионите каде што се веќе расцветани бадемот, сливата и раните сорти кајсии паднат под -5 степени, предупредуваат агрометеоролозите. Разладувањето на атмосферата со пониски дневни температури и врнежи од дожд и снег минатата недела, пак, го успори или го одржуваше на исто ниво пролетното будење на овошките што е добро во овој период од годината зашто зимата се уште трае. -Ниските минимални утрински температури кои се очекуваат во текот на викендот и наредната седмица, особено во првите неколку дена, од агрометеоролошки аспект можат да причинат штети доколку во регионите каде е веќе расветан бадемот, сливата и раните сорти кајсии паднат под -5 оС, температура која е пониска од издржливоста на овошките во оваа фаза. Во повисоките региони каде не е почната вегетацијата добро е што ќе ги одржи подолго време во мирување овошките и виновата лоза, фаза, која колку подолго се одржува, толку се поголеми шансите да имаме поуспешна реколта, објаснуваат агрометеоролозите од УХМР.

Кајсијата ги зајакнува коските и ја прави кожата здрава

Ивона Петрова — Wed, 14 Jul 2021 08:17:29 +0000

Калциумот е потребен да се развиваат коските и да останат здрави, а кајсијата го содржи во голема количина. Покрај тоа, ова овошје е полно со калиум без кој калциумот не може правилно да се апсорбира ако го нема доволно. Комбинацијата на витамините Ц и А од кајсија гарантира соврешено здрава кожа, а антиоксидансите од овие овошки го забавуваат процесот на стареење. Затоа додека им е сезоната кајсиите треба често да ги јадете за силни коски и здрава кожа.