какао – Kurir.mk

Без глутен: Рецепт за какао коцки готови за 15 минути

Ивона Петрова — Mon, 27 Feb 2023 11:54:42 +0000

Доколку сакате да се засладите со нешто здраво, но немате премногу време за подготовка, овие извонредни коцки брауни се вистинското решение. Не се печени, не содржат глутен, а погодни се и за вегани. Состојки за приближно 15 коцки: 300 гр урми без семки 300 гр ореви 9 лажици какао во прав 2 лажици екстракт од ванила 50 мл јаворов сируп или мед 2 лажици кокосово масло 2 лажици вода прстофат сол Подготовка: Урмите и оревите сомелете ги во блендер, додадете шест лажици какао, една и пол лажица екстракт од ванила, две лажици вода и малку сол. Блендирајте ја смесата додека не почнат да се одвојуваат од страните на блендерот. Потоа ставете ја смесата во калапот. Во сад измешајте го преостанатиот екстракт од какао и ванила со две лажици кокосово масло и јаворов сируп. Добро измешајте додека не исчезнат сите грутки, па прелијте го врз колачот. Оставете го да се излади околу два часа пред да го послужите. По желба украсете со овошје и сечкани ореви, лешници или бадеми. Добар апетит!

Какаото како лек: Рецепт кој многу ќе ви се допадне и ќе ви помогне против анемија

Ивана Ефремовски — Tue, 13 Dec 2022 07:47:00 +0000

Рецептот кој го објавуваме е доказ дека лековите може да бидат и вкусни. Овојпат, ќе се посветиме на анемијата. Во светот, околу две милијарди луѓе се соочуваат со проблем со анемија, односно намален хемоглобин или недостаток на железо. Најчесто со овој проблем се соочуваат жените и децата. Покрај лековите кои денешната медицина ни ги нуди, со начинот на исхрана може значително да се подобри крвната слика. Многумина знаат дека при анемија, продукти кои би требало да се конзумираат редовно се: цвекло, спанаќ, леќа, аронија и семе од коприва. За оние кои не знаеле, какаото е исто така одлично во борбата против анемијата. Го препорачуваме следниот рецепт: Состојки: -250 грама какао -250 грама кафеав шекер -250 грама мед -250 грама путер -2 лажички морска сол -7 лажички јаболков оцет Изматете ги сите состојки, сипете во стаклена тегла и земајте по една лажичка три пати во текот на денот. За многу кратко време, направете анализа на крвта и уверете се во делотворноста на овој лек.

Со какао против кашлица

Катерина Бојаџиева — Tue, 15 Nov 2022 08:41:06 +0000

Дали знаевте дека какаото има моќ да ги ублажи симптомите на акутна и хронична кашлица? Ова го покажа студијата на научници, во која биле вклучени 300 лица со постојана кашлица. Истражувачите им давале теобромин, супстанција од какао две недели, двапати дневно. Дури 60 отсто од пациентите пријавиле значителен степен на подобрување и смирување на кашлицата по експериментот. И претходни истражувања покажаа дека теоброминот го парализира рефлексот на кашлица.

Знаете дека какаото е здраво, но дознајте како е најдобро да го подготвите

Ивана Ефремовски — Tue, 20 Sep 2022 15:15:11 +0000

Вкусно и хранливо, какаото освен што може да влијае на намалувањето на крвниот притисок и зајакнување на крвните садови, може и да го намали „лошиот“ холестетол (LDL), а го зголемува нивото на добриот (HDL). За тоа се заслужни флавоноидите кои ги содржи какаото во изобилство, а кои истовремено се значајни и за намалување на факторите за ризик од дијабетес. Какото би требало да се пие топло. Помешајте шолја млеко, две лажици какао во прав, една лажица мед, една лажица екстракт од ванила и прстофат сол. Мешајте на тивок оган додека напитокот да стане пенлив. Доколку млекото не е во вашата листа на препорачани намирници, избегнете го и истиот рецепт направете го без млеко, само со вода, или користете замени за млекото, како што се млекото од ориз, бадем и слично.

Денес наместо кафе, направете си какао – дознајте колку е здраво

Ивана Ефремовски — Sun, 05 Sep 2021 12:10:21 +0000

Една шолја какао дневно треба да ви стане навика. Вашиот организам ќе ви биде благодарен. Позната е како билка која го чува организмот од слободни радикали, го намалува стресот и депресијата, штити од болести на срцето и крвните садови како и од многу видови рак. Освен тоа какаото: Го регулира нивото на шеќер и холестерол. Го поттикнува помнењето и ја подобрува концетрацијата. Ја намалува опасноста од срцев и мозочен удар. Го успорува процесот на стареење. Ја омекнува кожата. Силен афродизијак е и антиоксиданс. Исто така често докторите знаат да кажат дека го „бистри мозокот“.

Ова сигурно никогаш не сте го јаделе за појадок, а научниците велат дека е најдобро наутро

Ивана Ефремовски — Tue, 29 Jun 2021 16:01:31 +0000

Според низа истражувања, црното чоколадо ги подобрува когнитивните функции на мозокот, односно ја подобрува меморијата и концентрацијата. Во однос на тоа дека на сите ни е важно нашиот мозок што подобро да функционира во текот на денот, научниците заклучиле дека чоколадото е најдобро да се јаде за појадок. Покрај тоа, науката наведе уште неколку ситуации во кои црната чоколада е повеќе од добредојдена, на пример пред полагање на испит, но и пред спиење. Токму така, истото чоколадо кое наутро ќе ви овозможи подобро работење на мозокот, ќе биде и ваш најдобар сојузник пред спиење. Секако, чоколадото е наш најдобар пријател и кога сме лошо расположени, го поттикнува создавањето на ендофрин, хормон кој не' прави посреќни. Покрај тоа, црното чоколадо го намалува и ризикот од срцев удар и дури помага при симнувањето на вишокот на килограми, бидејќи го забрзува метаболизмот. Познато е дека црната чоколада во нормални количини е добра за здравјето. Сепак, понекогаш ни е тешко да се воздржиме, па неретко претеруваме со количината на чоколадо. И за крај, при купување на чоколада бирајте ги оние со помалку шеќер и поголем процент на какао.

Сите знаеме дека какаото е здраво: Кога ќе ги прочитате овие факти – веднаш ќе си направите едно!

Ивана Ефремовски — Thu, 18 Mar 2021 15:26:57 +0000

Нутриционистите за какаото велат дека е суперхрана, а во тоа дефинитивно ќе ве уверат и овие податоци. Еве неколку интересни факти за какаото и за тоа зошто треба секојдневно да го консумирате. 1. Најголем извор на железо Кога станува збор за растителни намирници, какаото е најголем извор на железо, содржи 7,3 милиграми во 100 грама. За споредба, говедското и јагнешкото месо содржат 2,5 милиграми, а спанаќот 3,6 милиграми. Тоа што треба да го знаете е да внесувате доволно витамин Ц покрај какаото, на пример направете овошно смути и додадете какао во прав, како зачин. 2. Содржи повеќе калциум од кравјото млеко Чистото какао содржи повеќе калциум од кравјото млеко, околу 160 милиграми на 100 грама, во однос на 125 милиграми на 100 милилитри млеко. 3. Содржи магнезиум Какаото исто така е еден од најголемите извори на магнезиум, а тој е важен за здравјето на срцето. Помага глукозата да се претвори во енергија, овозможувајќи му на мозокот нормално да функционира. 4. Го подобрува расположението Какаото е добар извор на серотонин, триптофан, тирозин и фенилетиламин, невротрансмитери кои придонесуваат да се чувствувате подобро и среќно. Ги ублажува симптомите на депресија. 5. Какаото е 40 пати посилен антиоксиданс од боровниците Природното какао има 40 пати посилни антиоксиданси од боровницата. Какаото има ORAC индекс од 98.000 на 100 грама во однос на боровниците кои имаат 2.400. Овој индекс ја мери способноста на антиоксидансите да ги апсорбираат слободните радикали кои доаѓаат од загадувањето и токсините од опкружувањето.

По една чаша секој ден: Зошто е важно да пиете какао?

Ивана Ефремовски — Fri, 05 Feb 2021 14:10:34 +0000

Една чаша какао дневно треба да ви стане навика. Вашиот организам ќе ви биде благодарен. Позната е како билка која го чува организмот од слободни радикали, го намалува стресот и депресијата, штити од болести на срцето и крвните садови како и од многу видови рак. Освен тоа какаото: -Го регулира нивото на шеќер и холестерол -Го поттикнува помнењето и ја подобрува концетрацијата -Ја намалува опасноста од срцев и мозочен удар -Го успорува процесот на стареење -Ја омекнува кожата -Силен афродизијак е и антиоксиданс. Исто така често докторите знаат да кажат дека го „бистри мозокот“.

Какаото и чоколадото се корисни за човековото здравје

Дарко Андоновски — Tue, 01 Dec 2020 08:31:33 +0000

Нутриционистите секогаш препорачувале дека слатките можат да бидат и здрави, но само ако не содржат премногу шеќер или други штетни состојки што го уништуваат имунитетот, меѓу другото. Затоа, какаото е идеална храна за десерт – и со многу придобивки за нашето здравје. Се смета дека тоа е една од најхранливите намирници во светот, оти се знае дека има позитивно влијание и на мозокот. Научен труд објавен во списанието „Сајентифик рипортс“ откри дека антиоксидансот флаванол во какаото кај луѓето – и млади и стари – го одржува крвоточниот систем, ја подобрува работата на мозокот и умстените функции. Истражувачите од англискот Универзитет на Бирмингем и американскиот Универзитетот Урбана-Шампејн во Илиноис (САД), испитувале 18 возрасни мажи на возраст меѓу 18 и 45 години. Покрај полот и возраста, услов за учесниците било – да не пушат и да немаат историја на болести на мозок, срце, крвни садови или респираторни заболувања. Мажите биле поделени во две групи – едните имале задача да консумираат какао богато со флаванол, а другите – преработено какао со многу ниско ниво на флаванол. Самите тие не знаеле какво какао пијат. Два часа по пиењето какао, истражувачите ги замолиле учесниците да вдишат воздух со целосна моќност – којшто содржи пет насто јаглерод диоксид, што е стандарден метод за стимулирање на мускулно-срцевата работа, за да се утврди колку брзо реагира телото. – Нормална реакција на организмот на јаглерод диоксид, значи да го зголеми протокот на крв во мозокот, внесувајќи повеќе кислород и дозволувајќи му на мозокот да елиминира повеќе јаглерод диоксид. Оние кои пиеја какао со висока концентрација на флаванол, беа во можност да се одбранат од вишокот јаглерод диоксид, односно процесот на оксигенација (зголемен кислород и намален ЦО2) беше многу побрз. Оксигенацијата во оваа група се одвиваше три пати побрзо, објасни д-р Габриеле Гратон – една од авторите на истражувањето. Групата со повеќе флаванол во какаото, ја надминувала другата група и во нивната способност да решаваат когнитивни тестови, а нивните резултати биле приближно 11 насто подобри. Во крајна линија, квалитетно какао со високо ниво флаванол може да има многу придобивки за мозокот. Затоа, препораката гласи не избегнувајте десерти полни темно чоколадо – зашто тоа е и единственото чоколадо што прави да се чувствуваме добро.

Пијте какао за подобра меморија

Ивана Ефремовски — Mon, 01 Jun 2020 13:31:09 +0000

Секојдневната употреба на какао ја подобрува меморијата. Во експериментот учествувале доброволци на различна возраст кои во тек на месец дена требало да пијат какао секојдневно. Во почетокот и на крајот на експериментот експертите го скенирале мозокот на испитаниците. Тие биле поделени на три групи, во првата се оние што пиеле какао со 500 мг флавоноиди, во втората 250 и во третата група оние што воопшто не консумирале. На крајот се докажува дека какаото има важна улога во подобрување на меморијата, а тоа се должи токму на флавоноидите кои ги има во какаото и кои го штитат мозокот од замор и ја подобруваат неговата функција.