Kалајџиев – Kurir.mk

Калајџиев: Меѓународното право не познава одземање на помилување, за Стразбур тоа е играње со човечки судбини

Тале Кристо — Sat, 10 Oct 2020 10:59:07 +0000

Проблемот дома изгледаше поголем од давањето на помилувањата, акцентот беше на незаконитоста и политизираноста во давањата на помилувањата и изгледаше како спас тоа што ги повлече, меѓутоа повлекувањето е вистинскиот проблем од аспект на Меѓународното право и практиката во Стразбур, изјави во емисијата „Стадион“ на Канал77 професорот по уставно право Гордан Калајџиев. -Стразбур гледа поинаку на случајот, за него се додека не е сериозно оспорено давањето на помилувањата, Иванов е легитимен претседател и постои претпоставка дека Претседател на една држава е сериозна институција која што не се зафркава со давање и зимање на амнестија или помилување на луѓето. Во тоа е големата разлика, рече Калајџиев. Проблемот од аспект на Меѓународното право е токму одземањето, односно поништувањето, вели професорот Калајџиев. Државна сериозна институција или воопшто државата генерално не може да си игра со судбините на луѓето. Денеска им дава помилување, утре им го зема, заклучува Калајџиев.

Калајџиев: Обвинителите повеќе се противат за законот за јавно обвнителство и од експертите

Тале Кристо — Wed, 12 Feb 2020 21:06:16 +0000

Не е наш проблем што за законот за јавно обвинителство ја игнорираат експертстака фела. Не знам зошто организираа јавна расправа кога се знаеше што ќе се слушне. И не само експертите, туку и обвинителите се незадоволни. Но, ние како експерти имаме полагодна позиција и може јавно да кажеме, рече универзитетскиот професор Гордан Калајџиев на гостувањето на телевизија Алфа. -Се влечат правни и политички чекори за кои не знаеме кој е автор. Законот за јавно обвинителство е да се среди работите околу СЈО. Сега се прават некои импровизации. Во обрзаложението тоа што стои нема врска, велат заради усогласување со законот за кривична постапка, тоа нема врска, посочи Калајџиев. За доведувањето на законот за јавно обвинителство во врска со патот кон ЕУ , професорот посочи клучно е да има квалитетен закон. -Амбасадорите поддржуваа некакви реформи и нив им е лесно да ја поддржуваат секоја линија на носење закони, но не е тоа целта. Треба квалитетни закони, рече Калајџиев.

Калајџиев: Во законот за обвинителство се регулираат работи кои не се за овој закон, затоа на овој испит би паднала и министерката

Тале Кристо — Wed, 12 Feb 2020 20:56:27 +0000

Сега е како некоја желботека, тоа што се сака да се вметне во закон се вметнува. Многу работи кои се проблем не се решаваат со законот за јавно обвинителство, и тоа и е кажано на министерката за правда, рече универзитетскиот професор Гордан Калајџиев во своето гостување на телевизија Алфа. -Најспорните прашања на пример не се за овој закон. За тоа дали ќе се водат истраги или не не е прашање на закон за јавно обвнителство, туку на закон за кривична постапка и судска пракса. Утре ќе се случува ова и во други теми. На пример изземање на судии ќе се решава со закон за адвокатура. Во основно кога ќе ви дадат тема прво гледаат дали сте ја погодиле темата. Вие може одлично да сте напишале состав но да не сте ја погодиле темата. Така и тука, промашени се работите. И министерката и многу други ќе треба да паднат на испит со вакво однесување, рече Калајџиев. Професорот објаснува дека во законот има многу грешки. -Тие велат бомбите се индиции, односно дека нема да се користат во постапка и нема да бидат докази. Индициите се индикректни докази, така во бомбите има и директни докази, но и индиции. Значи тие поимот индиции го користат сосема погрешно. Тоа е недозволиво, додаде Калајџиев.

Kалајџиев: Ако е точно дека нема независни судии и обвинители, тогаш не треба да имаме држава воопшто

Тале Кристо — Mon, 18 Nov 2019 19:53:37 +0000

Зрелоста на Македонија како правна држава е во прашања. Определени погрешни претстави се добиваат од сензационалните процеси. Дури и она што се случува пред судовите е само мал дел, уште од полицијата и обвинителството почнува, најголем дел од она што треба да стигне до судовите не сигнува таму, рече професорот Гордан Калајџиев во емисијата „Само Вистина“ на Канал 5 Телевизија. -Ако е точно дека нема независни судии и обвинители во Македонија, тогаш не треба да имаме држава воопшто. Законот за Јавно обвинителтво кој го изработи групата во која учествував и јас беше добар и јас апелирав да се донесе тој закон. Генерално е добро да се носи закон од фелата – истакна Калајџиев. Според него, Законот за обвинителство не се носи бидејќи не им треба на партиите откако случаите на СЈО преминаа во Јавното обвинителство, односно дека во Законот нема реформа во обвинителството од причина што никој не побарал реформа во обвинителството. -Предметите од СЈО и долгото траење на судењата се загрижувачки. Кај нас си продолжи системот на развлечена правда, судењата да траат со години. Кога пробувам да објаснам на судиите и претседателите на судови, тие ме гледаат чудно – вели Калајџиев. Вели, додека бил советник во СЈО и кога Катица Јанева почнала да се дружи со Бојан Јовановски – Боки 13, тој ја прашал што и треба тоа, а она возвратила со прашањето „Што му фали“.