калашников – Kurir.mk

Ковачки: Командир на полициска станица пука со калашников од балкон (ВИДЕО)

Ивана Ефремовски — Sun, 27 Aug 2023 17:17:35 +0000

Со дивјаштвото и односот од првите луѓе на полицијата, личиме на африканска држава. Цело време зборуваме за криминалци и неспособни началници и командири кои ги има поставено лично министерот за внатрешни - Оливер Спасовски, но ниту до него, ниту до неговиот претпоставен - премиерот Ковачевски не допираат нашите укажувања, вели Драган Ковачки, пратеник и член на ИК на ВМРО-ДПМНЕ. Тој објави најново видео на кое е командирот на ПС Ропотово од кое јасно се гледа пукање со автоматско оружје од тераса. -Автоматско оружје може да има само во АРМ и во МВР, а за цивили истото е забрането. Ова значи дека или оружјето е украдено од склад на МВР и АРМ, или командирот на Полициската станица пука со пушка која нелегално ја поседува или пак дека пука со неговата службена автоматска пушка во сред населено место каде има и други граѓани, односно демонстрира сила и предизвикува општа опасност. Утре кога ќе дојдат да ви зборуваат дека тие биле за ЕУ, покажете им го видеото и кажете им дека во Македонија тие што треба да го спроведуваат законот, се доживуваат како тие да се законот. Такви бандити никој не сака околу себе, а камоли да преговара и да договара нешто со нив. Министерот за внатрешни знае за случајот, но молчи затоа што личниот интерес го става пред државниот. Му треба поддршката на ДУИ за претседател на држава, посочи Ковачки.

Масакр во БиХ: Маж на селска веселба со калашников убил две лица

Магдалена Андонова — Thu, 04 Aug 2022 09:10:05 +0000

Две лица се убиени, а две се повредени во пукотници во Горица (Груде), Босна и Херцеговина, соопштија од полицијата. На селска прослава, 50-годишен маж земал калашников и почнал да пука кон голем број луѓе кои биле пред кафеаната. Босанските медиуми објавија дека бил застрелан Велимир Бушиќ, познат претприемач и газда на познат локал. Причина за инцидентот е караница во локалот, а повеќе детали не се откриваат во моментов.

ВИДЕО: Поранешниот украински претседател, Петро Порошенко, зеде Калашников во рака и излезе на улиците на Киев

Дарко Андоновски — Sat, 26 Feb 2022 09:09:34 +0000

Поранешниот украински претседател, Петро Порошенко, се јави за „Си-Ен-ЕН“ од улиците на Киев додека во главниот град на Украина се водат борби со руската војска. На прашањето на новинарите со што се вооружени тој и групата со која се наоѓа и што планираат да направат кога ќе дојдат Русите, Порошенко одговара: Тоа е едноставно. Еве, ова е краток Калшников, имаме околу 300 припадници на територијалната одбрана, имаме два митралеза и, воглавно, тоа е тоа. Немаме тешка артилерија, немаме тенкови… Овој процес (вооружувањето) го почнавме пред само неколку дена.

Former Ukrainian president Petro @poroshenko shows @JohnBerman the arms his group is carrying, including a short Kalashnikov and two machine guns, noting they don't have a tank or anything more since they just started this patrol a few days ago pic.twitter.com/03hUysku89
— Nora Neus (@noraneus) February 25, 2022

Има долга колона луѓе кои сакаат да се приклучат во баталјонот, но немаме доволно оружје. Се јавуваат обични луѓе, кои никогаш не биле во војска. Тоа навистина добро покажува колку луѓето го мразат Путин и колку се противат на руската агресија. Тоа е сосема јасно – изјави Порошенко. Инаку, Порошенко е под истрага за сомневања дека во текот на неговиот мандат тргувал со проруските бунтовници на истокот на земјата. Тој ги отфрла тие обвинувања, а неговата партија го обвинува акруелниот претседател, Володимир Зеленски, дека на тој начин се обидува да ја замолчи опозицијата. Порошенко беше на функцијата од 2014 до 2019 година, кога на изборите загуби од Зеленски.

Обвинение за недозволено поседување автоматска пушка- 23 годишник се шетал насекаде со калашников

Дарко Андоновски — Wed, 09 Dec 2020 12:48:06 +0000

Јавен обвинител од Основното јавно обвинителство Скопје поднесе Обвинителен акт против едно лице за кривично дело – Неовластено производство, држење, посредување и тргување со оружје или распрскувачки материи од член 396 став 2 во врска со став 1 од Киривичниот законик.

Во близина на кафе-бар во негова сопственост, на влезот од селото Буковиќ, обвинетиот 23-годишник држел автоматска пушка со калибар 7,62Х39 мм од бугарско производство, која претставува верзија на руската автоматска пушка АК-47 Калашников. Ова оружје им е забрането на граѓаните и за него не може да се добие дозвола за поседување. Заедно со автоматската пушка биле пронајдени и две рамки без куршуми.

Надлежниот јавен обвинител, ценејќи дека во конкретниот случај постои опасност од бегство и можност обвинетиот да го повтори делото, до Основниот кривичен суд Скопје достави и посебен предлог за продолжување на претходно определената мерка куќен притвор.

Тензично во Албанија: Маж со калашников влезе на избирачко место во Драч (ВИДЕО)

Дарко Андоновски — Sun, 30 Jun 2019 09:03:23 +0000

53-годишен маж со калашников влезе на избирачко место во Драч, со чел да го попречи изборниот процес, пренесува Albeu.com. Полицијата открива дека станува збор за лицето Рамиз Баканачи, кој се обиде да го оневозможни галасањето на едно од избирачките места во Драч. Во соопштението од МВР на Албанија стои: Осомничениот влезе со оружје на избирачкото место, му се заканувал на комисијата, ги искршил гласачките кутии, но беше уапсен од страна на полициските сили. Полицијата го заплени оружјето марка калашников. Инаку во Албанија денеска се одржуаат локални избори, кои опозицијата ги бојкотира, а на гласачките ливчиња во повеќе општини има само еден кандидат и тоа од владеачката партија на Еди Рама.