кале – Kurir.mk

Обвинителството постапува во случајот со двојното убиство на Кале, вели Бубевски

Ивона Петрова — Wed, 08 Mar 2023 14:48:13 +0000

Обвинителството во овој случај постапува и дежурен обвинител има излезено на лице место, има дадено одредени насоки во однос на криминалистичко прибирање на доказен материјал и негово обработување, но фазата на откривање е во целост на органите на откривање, во овој случај МВР, изјави претседателот на Основното јавно обвинителство – Скопје, Гаврил Бубевски. Одговарајќи на новинарско прашања, до каде е истрагата за убиството на Кале, Бубевски, рече дека согласно Закон за кривична постапка за вакви кривчни дела, прво орган што се известува е МВР, а веднаш потоа и Обвинителството. - Координацијата на сето тоа го прави јавен обвинител, меѓутоа откривачка функција и начинот на кој ќе дојдат до одредена трага, сознание и сето тоа, сепак е криминалистичка работа, која повеќе познавање и знаење има полицијата, изјави Бубевски. Она што треба јавниот обвинител да го даде, посочи Бубевски, е дадено и тоа е се што можам да кажам во овој момент. Прашан до каде се истрагите за претходните мафијашки пресметки и убиства, како таа на Рузвелтова, Бубевски, рече дека сите нерасчистени убиства не се затворени предмети и за нив се прибира доказен материјал. - Некои се споредуваат дали се појавуваат исти работи на различни места. Се уште ова е фаза на постапка, каде не можам да кажам дали ќе има конкретен завршеток за одреден од нив, изјави Бубевски.

ИЗЛЕГЛЕ ОД ЦРНО „АУДИ“ ЦЕЛИ ВО ЦРНО И ВЛЕГЛЕ НА ВТОРИОТ КАТ – автомобилот потоа полиен со бензин и запален! (ФОТО)

Дарко Андоновски — Mon, 06 Mar 2023 21:15:50 +0000

Четири вооружени лица облечени во црна облека, некои очевидци велат во црни униформи, со фантомски сокриени лицата, излегле од автомобил „ауди А6“ влегле во кафулето Шиша бар под Калето, се претставиле како полицајци, се качиле на вториот кат и влегле во “мониторинг“ салата каде повикале „рација“ и испукале неколку куршуми, дознава МКД.мк. Од истрелите две лица биле убиени, а едно е рането. Според извори на МКД.мк, убиени се Јетон Кривањева викан Жила и Енес Исеинов со прекар Лаци. Според некои информации, пишува порталот, станува збор за крвна одмазда која своите корени ги влече во претходни убиства во населбата Чаир. По убиството, со „аудито“ четирите лица го напуштиле местото, а брзо потоа возилото било полиено со бензин и запалено, а за тоа сведочи само регистерската табличка. МВР официјално потврди дека во Старата скопска чаршија има двојно убиство. „Бо СВР Скопје пријавено е дека во угостителски објект во Скопје неколку лица пукале кон Ј. К. и Е. И., кои починале на лице место, и кон А.Т., кој е пренесен во болница за укажување лекарска помош. Се преземаат мерки за расчистување на случајот“. се вели во официјалната информација на МВР.

А1он: Седум лица повредени во пукањето на Кале

Ивона Петрова — Mon, 06 Mar 2023 21:05:00 +0000

А1он објавува дека при ликвидацијата на познатиот нарко бос во пукањето кое се случи во угостителски објект на скопска Чаршија, со повреди се здобиле уште 7 лица кои се нашле на местото. Дел од нив се со потешки повреди, дел со полесни и се веднаш пренесени на ургентните клиники. Засега нема потврдени информации дали сите повредени се со прострелни рани или се работи за друг вид на повреди. Како ни информација дали се работи за случајни минувачи и гости во кафулето или пак биле дел од пресметката. Од МВР потврдија дека имало пукање во стара чаршија во близина на скопското Кале. Според информациите на МВР едно лице е повредено А.Т., кое е пренесено во болница за укажување лекарска помош.

ФОТО: Врие полиција на Кале

Ивона Петрова — Mon, 06 Mar 2023 20:32:47 +0000

Пукање во угостителски објект на улица „Самоилова“ се случи пред околу еден час во близина на кафе барот „Шиша бар“. Според неофицијални информации, има две жртви. Засега непотврдени информации велат дека станува се работело за лица добро познати на криминалното подземје. Престрелката се случила, наводно поради претходно нерасчистени сметки. На местото на настанот има зголемено полициско обезбедување. ФОТО: Прес24.мк

Пожар на Скопското Кале (ВИДЕО)

Ивана Ефремовски — Sun, 04 Jul 2021 20:09:35 +0000

Избувна пожар на скопското Кале. Вечерва, по големиот огномет кај Американската амбасада во Скопје, дел од Кале почна да гори. Како што дознава КУРИР, пожарот избувнал во делот од зградата на Царинската управа кон Калето и тој дел е веднаш изгаснат. КУРИР побара детали од МВР, кои ќе ги објавиме откако ќе го добиеме нивниот одговор. Видеото објавено на социјалните мрежи го пренесуваме подолу:

Кале pic.twitter.com/zKk4nHP3zL
— Ган (@gunmetal6lack) July 4, 2021

Нелоски: Кале културна тврдина или Кале бетонска тврдина?! Град Скопје и владатa на Кале дозволија градба на хотел!

Тале Кристо — Fri, 02 Apr 2021 10:44:16 +0000

властите во градот Скопје и владата се разбира дозволија како и за многу други нешта најпознатиот симбол на градот Скопје – Калето не само да стои на забот на времето туку и во самата тврдина да “никнуваат” марокански хотели!, реагира преку социјалната мрежа на Фејсбук Владимир Нелоски од ВМРО-ДПМНЕ. Кале културна тврдина или Кале бетонска тврдина ?! Иако им е пред нос за жал како и за се друго властите во градот Скопје и владата се разбира дозволија како и за многу други нешта најпознатиот симбол на градот Скопје – Калето не само да стои на забот на времето туку и во самата тврдина да “никнуваат” марокански хотели!! Замислете во просторот на најголемото културно наследство на градот во 2020 за 1 година никува огромно бетонско здание!! Додека нашето Кале сеуште го чека елаборатот за ревалоризација веќе 4 години, додека Петре вели го чекам Српче, Српче вели ја чекам управата за заштита на културното наследство кои го чекаат конзерваторски центар Скопје, мароканско-андалузиската архитектура не чека! За само 3 години некој си изградил хотел (ни помалку ни повеќе) на сред КАЛЕ, а се разбира некој тоа и го дозволил, зошто тие треба да одговорат?! А скопјани што чекаат ??? Се разбира локалните избори во Октомври!!! П.с. пеејќи ги басните за колку го сакате Скопје, заборавате со прст да мрднете за да го спречите сквернавењето на секој негов симбол!!, пишува во својата објава Нелоски.

Пронајдена граната во Тетово

Магдалена Андонова — Sun, 25 Oct 2020 15:00:05 +0000

На 24.10.2020 во 13,00 часот било пријавено дека во Тетово на место викано “Кале“ била пронајдена минофрлачка граната 80 мм. Извршен бил увид на местото на настанот од увидна екипа од СВР Тетово, а од Дирекцијата за заштита и спасување била безбедно подигната.

Муцунски во посета на Кале: Археолозите разочарани, констатираат стагнација на овој културно-историски комплекс

Тале Кристо — Fri, 03 Jul 2020 11:08:54 +0000

Кандидатот за пратеник на ВМРО-ДПМНЕ од избрна единица 1, Тимчо Муцунски денеска го посети Кале и го изјави своето разочарување преку статус за запоставените археолошки одбележја како што се Музејот на османслискиот период и Музејот на средновековната уметност. - 10-годишен труд на археолошки истражувања, Музејот на праисторијата, Музејот на османлискиот период и Музејот на средновековната уметност, за жал оставени на времето на ова место кое го одбележува Скопје со векови. Разочараноста е голема кај археолозите, тие констатираат целосна стагнација на секое поле на овој културно-историски комплекс во изминативе три години. Посетата на Скопско кале беше пропратена со изложба на плакати на современиот македонски дизајнер Ласко Џуровски, кои ја ставаат во модерен контекст македонската иконографија и секојдневните проблеми. Од Контрастот на модерното и средновековното, произлегува најмоќниот културолошки дискурс на Македонија, која е синонимот на историската ренесанса на Балканот. ВМРО-ДПМНЕ не би бил сериозен политички субјект ако во својата Програма не го земе предвид симболот на градот Скопје. Во делот за заштита на културното наследство се планира, како и за повеќето слични вакви комплекси, целосно функционално искористување и на археолошките локалитети и на културно-историските споменици. Запознавањето на Скопје и за туристите и за посетителите ќе започнува од оваа тврдина, но преобразена како вистински репрезент на културното наследство достоен на модерното време“, напиша Муцунски.

ФОТО: „Шверцери“ развеаја голем транспарент на Кале

Ивана Ефремовски — Fri, 03 May 2019 21:42:41 +0000

Навивачката група „Шверцери“ вечерва развеа голем транспарент на скопско Кале. „30 години Шверцери“, пишува на транспарентот кој беше поставен на Кале.

Почнува постапката за изградба на тунелите под Кале

Ивона Петрова — Mon, 24 Sep 2018 13:48:36 +0000

Градоначалникот на Скопје Петре Шилегов на денешната прес-конференција со видеопрезентација го најави почетокот на постапката за проектирање на капиталниот градежен зафат „Тунелите под Кале“. - Целта на Град Скопје со овој проект е да го поврзе булеварот „Св. Климент Охридски“ со Пластичарска улица во Чаир. Булеварот ќе биде издигнат на височина од шест до девет метри. Потоа, од зградата на Владата сообраќајот ќе се одвива по нов мост преку реката Вардар кој ќе биде долг 173 метри, а широк 20 метри и ќе има четири сообраќајни ленти. Мостот ќе продолжува како вијадукт долг 262 метри се до влезот во тунелот под Калето, рече Шилегов. Нагласи дека Скопје првпат ќе добие тунел долг 250 метри, а широк 20 метри. Од тунелот сообраќајот ќе продолжи на кружен тек издигнат пет метри над Пластичарската улица. Со овој проект Град Скопје го оформува вториот сообраќаен прстен во метрополата. Тоа ќе овозможи брз влез и излез на возилата од центарот и од северната страна на градот. Рутата ќе ја користат и автобусите на јавниот превоз. - Со подземни тунели под Кале и нов мост преку Вардар ги спојуваме двете страни на Скопје. Голем дел од планираните транзитни и градски магистрали во градот не се реализирани, што претставува сериозна тешкотија за нормално одвивање на сообраќајот. Продолжувањето на булеварот „Св. Климент Охридски“, со мост над реката Вардар, со тунел под Скопското кале и поврзување со булеварот „Никола Карев“ (Пластичарска улица) ќе ја зголеми мобилноста и протокот на возила и ќе има позитивни еколошки ефекти од намалената емисија на гасови и бучава, рече Шилегов. Според одредени анализи, секојдневно на мостот „Гоце Делчев“ транзитираат од 80 до 90 илјади возила. Со ова решение ќе се растовари сообраќајот во западниот дел од градското подрачје. Оската југ-запад ќе стане пофункционална, а се очекува голем дел од возилата кои транзитираат кон северните делови на градот да се движат по новоизградената сообраќајница. Шилегов објасни дека постои можност за изведба на сообраќајницата во фази. Прва фаза - булевар „Св. Климент Охридски“ од пред крстосницата со булеварот „Илинден“ со изградба на мост и вијадукт до тунелот, втора фаза - тунелот како посебен и трета фаза - булеварот „Св. Климент Охридски“ и крстосницата со булеварот „Никола Карев“. - Со проектот „Тунели под Кале“ ставаме крај на сообраќајниот метеж во централното градско подрачје. Го растоваруваме сообраќајот на Бит-Пазар, Цветан Димов и на мостот „Гоце Делчев“. До саканата дестинација ќе се пристигнува за најмалку пет до 20 минути побрзо за разлика од сега. Тоа придонесува за заштеда на време и на гориво, а намалениот обем на сообраќај значи и почист воздух во Скопје – нагласи градоначалникот Шилегов.