калиду кулибали – Kurir.mk

Кулибали по потписот за Ал Хилал: Со парите ќе помогнам на 15 села, сите ќе бидеме среќни!

Ристе Здравков — Fri, 30 Jun 2023 12:09:19 +0000

Сенегалскиот дефанзивец Калиду Кулибали го напушти Челси и се пресели во Ал Хилал од Саудиска Арабија, каде што доби тригодишен договор со плата од 30 милиони евра по сезона. Кулибали призна дека се преселил во Саудиска Арабија поради пари, а со нив најави дека ќе направи добро дело и ќе им помогне на неговите сонародници. „Животот ми се промени многу во изминатиот период, но задоволен сум со својот избор. Се надевам дека ќе му помогнам на Ал Хилал да испише нова спортска историја. А тука е важен и нашиот договор. Можам да им помогнам на сите, ќе им помогнам на 15 села, сите ќе бидеме среќни. Имам многу добра идеја, ќе вложам во Сенегал, ќе им помогнеме на младите, тие се иднината на нашата земја“, вели Кулибали.

Кулибали потпиша за саудиски Ал Хилал

Тале Кристо — Mon, 26 Jun 2023 14:59:53 +0000

Досегашниот фудбалер на лондонски Челзи, Калиду Кулибали, потпиша договор со Ал Хилал и кариерата ќе ја продолжи во саудискиот прволигаш. Челзи го потврди трансферот не наведувајќи финансиски детали, а според британските медиуми Ал Хилал ќе плати обесштетување од 23 милиони евра. Кулибали во редовите на Ал Хилал ќе му се приклучи на досегашниот играч на Вулверхемптон, Рубен Невеш, а наскоро саудискиот клуб би можел да го засили и голманот на Челзи, Едуар Менди. Ал Хилал ова лето се обиде да го доведе и Лионел Меси, но аргентинскиот фудбалер одлучи кариерата да ја продолжи во Интер од Мајами.

Кулибали: Ако Наполи го освои Скудетото, ќе трчам до Неапол за да славам

Ристе Здравков — Tue, 01 Nov 2022 10:43:25 +0000

Калиду Кулибали вели дека е горд на Наполи и вети дека ќе трча до Неапол за да слави доколку избраниците на Лучано Спалети го освојат Скудетото. Наполи изминатово лето остана без неколку звучни имиња, договорите на Лоренцо Инсиње и Дрис Мертенс не беа продолжени а Калиду Кулибали беше продаден на Челси. Но и покрај тоа, избраниците на Лучано Спалети прикажуваат одлични партии и се лидери во Серија А и во својата група во Лигата на шампиони. „Верувам во судбина, после 8 години морав да заминам, му дојде крајот на мојот период, го дадов максумумот“ – вели Калиду Кулибали. „Од емоционална гледна точка, не се променија многу работите. Го чувствувам секој гол, секоја победа, како да е моја. Овој Наполи е мој Наполи. Дали знаете за што зборувам во соблекувалната на Челси? За победите на моите поранешни соиграчи. Дали знаете зошто го правам тоа? Бидејќи сум горд на нив. Челсто разговарам со Ангиса, со Осимен. Дури имам разменето пораки со Кварацхелија, кого не го познавам“. „Се надевам дека ќе го освојат Скудетото. Доколку се случи тоа, ќе трчам до Неапол за да славам. Тоа ќе биде и мое Скудето“.

Челси официјално го потврди Кулибали

Бошко Тасиќ — Sat, 16 Jul 2022 07:30:19 +0000

Челси го потврди своето второ засилување во пресрет на новата натпреварувачка сезона. По Рахим Стерлинг, нов фудбалер на „сините“ е Калиду Кулибали кој доаѓа од Наполи и кој со клубот од „Стемфорд Бриџ“ потпиша четиригодишен договор. Томас Тухел беше во потрага по искусен дефанзивец по заминувањето на Антонио Ридигер и Андреас Кристенсен, а изборот паднал врз Кулибали кој имал желба да заигра во Премиер лигата.

Кулибали е нов играч на Челси

Ристе Здравков — Thu, 14 Jul 2022 19:35:31 +0000

И дефинитивно Калиду Кулибали е нов член на Челси. Откако попладнево тој ги мина лекарските прегледи, и официјално сега веќе екс фудбалерот на Наполи, се договорл и официјално со „сините“ од Лондон за петгодишен договор за кој ќе добива по 10 милиони евра по сезона.

Додека Наполи ќе добие 38 милиони евра плус два милиони по разни основи како бонуси.

Се разбира дека Кулибали ќе биде големо, огромно засилување во тимот на стратегот Томас Тухел. Прво Рахим Стерлинг, а денеска и Калиду Кулибали.

Се чини дека Челси и во наредната сезона, сега под капата на новиот газда Тод Боли ќе има супер тим.

Јувентус почна преговори со Кулибали

Ристе Здравков — Thu, 07 Jul 2022 07:52:20 +0000

Јувентус започна преговори со дефанзивецот на Наполи, Калиду Кулибали пренесува, „Газета дело Спорт“. „Старата дама“ е во напредни преговори со Челзи за трансфер на Матијас де Лихт, а прва желба за негова замена за Кулибали од Наполи. Сенегалецот најверојатно ќе го напушти Наполи ова лето. Тој влегува во последната година од договорот, а претседателот на Наполи не ја исклучи можноста за негова продажба. Раководството на Јувентус вчера имало средба со неговиот агент и постигнале начелен договор за 3-годишна соработка и плата од 6,5 милиони евра по сезона. 30-годишниот Кулибали сака да го напушти Наполи и верува дека сега е вистинското време да направи чекор напред во кариерата. „Бјанконерите“ се спремни да понудат 30 милиони евра за неговиот потпис, но Наполи во моментов се обидува да го продаде надвор од Серија А и не сака да го даде на директен конкурент.

Кулибали сака да ја напушти Италија доколку мора да го напушти Наполи

Ивона Петрова — Thu, 07 Jul 2022 06:19:31 +0000

Дефанзивецот на Наполи, Калиду Кулибали би можел да го напушти тимот во текот на летниот преоден рок. Според новинарот Џанлука Ди Марцио, 30-годишниот Сенегалец не сака да остане во Италија доколку го напушти Наполи. Интерес за играчот покажуваат Челзи и Барселона. Актуелниот договор на Кулибали со Наполи е до јуни 2023 година. Порталот „Трансфермаркт“ ја проценува вредноста на играчот на 35 милиони евра. Во сезоната 2021/22, Кулибали забележа 34 настапи во сите натпреварувања, постигнувајќи три гола и три асистенции.

Кулибали заминува од Наполи

Бошко Тасиќ — Fri, 10 Jun 2022 07:25:55 +0000

Калиду Кулибали не се договори со раководството на Наполи за нов договор. Тоа значи дека Сенегалецот ќе биде продаден оваа лето или да замине како слободен играч следната година. Актуелниот договор на дефанзивецот е до летото 2023 година и Наполи се обиде да го продолжи, но фудбалерот не прифати. Наполи се соочува со финансиски потешкотии и се обидува драстично да го намали буџетот за плати. Сепак, дел од стандардните во тимот беа навредени од предлогот за намалување на нивните плати. Поради оваа причина, прво Лоренцо Инсиње одби нов договор, па истата судбина ги чека и Дрис Мертенс и сега Кулибали.

Наполи ќе го продава Кулибали

Бошко Тасиќ — Sat, 20 Mar 2021 17:00:17 +0000

Италијанскиот фудбалски клуб Наполи одлучи да го продаде дефанзивецот Калиду Кулибали, по крајот на актуелната сезона. Главна причина за оваа одлука е неговата плата од 11 милиони евра годишно. Наполи се обидува да ги намали трошоците, кои со сигурност ќе бидат поголеми доколку екипата на Гатузо не обезбеди пласман во Лигата на шампионите. Кулибали во овој случај ќе биде жртвено јагне со цел клубот од Неапол да не западне во поголеми финансиски проблеми, кој секако е оштетен поради пандемијата со корона-вирусот. Останува да се види дали за Кулибали сè уште постои интерес, пред сè од гигантите како ПСЖ, Манчестер јунајтед, Ливерпул и Манчестер сити кои за него беа заинтересирани и нудеа голема сума на пари за негов агажман.

Кулибали ќе побара од Наполи да ја намали неговата трансфер цена

Магдалена Андонова — Mon, 31 Aug 2020 09:38:53 +0000

Дефанзивецот на Наполи, Калиду Кулибали може да го смени клубот. Фудбалерот е близу до потпишување договор со Манчестер Сити. „Наполи“ бара 70 милиони евра за тоа, а англискиот клуб смета дека оваа цена е превисока. Кулибали планира да побара од управата на Наполи да ја намали цената, објави „La Gazzetta dello Sport“. Претходно стана познато дека Манчестер сити ја намали својата активност во преговорите за Кулибали, бидејќи чека како да се реши ситуацијата околу капитенот на Барселона, Лионел Меси. Беше објавено дека Сити договорил со Кулибали петгодишен договор вреден 50 милиони евра. (МИА)