Калининград – Kurir.mk

Путин во ненајавена посета на руската енклава Калининград

Тале Кристо — Thu, 01 Sep 2022 16:25:29 +0000

Рускиот претседател Владимир Путин денеска ја посети руската ексклава Калининград, сместена меѓу Полска и Литванија, две членки на НАТО, во време на големи тензии меѓу Москва и западните земји поради руската агресија врз Украина. Путин ја започна својата посета со средба со учениците на денот на почетокот на учебната година, за време на која одговараше на многу различни прашања од економијата, преку вселенската програма до офанзивата на Москва во Украина, а настанот во живо го пренесуваше руската државна телевизија. – Нашата мисија и на нашите војници (…) е да ја запреме војната на Киев против Донбас (што е име за источниот дел на Украина) и да ги заштитиме луѓето и, се разбира, да ја одбраниме самата Русија, рече Путин. Рускиот претседател, исто така, тврди дека жителите на Донбас, област каде што живее големо население што зборува руски, „се сметаат себеси за дел од културниот и јазичниот простор на Русија“.

Литванија ги прошири санкции против Калининград

Магдалена Андонова — Mon, 11 Jul 2022 10:25:59 +0000

Литванија денеска ги прошири трговските ограничувања на руската балтичка енклава Калининград низ нејзината територија, во согласност со санкциите на Европската унија против Москва. Од денеска на листата на забранети стоки се и цемент, дрво, алкохол и индустриски хемикалии на база на алкохол, соопшти портпаролот на царинската служба на Литванија. Во петокот, Русија ги предупреди Литванија и ЕУ дека би можела да преземе строги мерки против нив доколку транзитот на стоки до и од Калининград не биде повторно воспоставен во рок од неколку дена. Трговските ограничувања се заострија бидејќи владите, пазарите и компаниите се загрижени дека Русија би можела да го продолжи затворањето на најголемиот гасовод што носи руски гас до Германија за повеќе од 10 дена, како што е планирано за одржување. Регионот Калининград, кој граничи со Литванија и Полска, членки и на ЕУ и на НАТО, и зависи од патниот и железничкиот транспорт на повеќето стоки преку Литванија, е отсечен од својата мајка Русија од 17 јуни поради санкциите воведени од Брисел. Поради санкциите на ЕУ, оневозможено е и карго превозот од Русија. Стоките што спаѓаат во хуманитарната категорија и добрата од витално значење, како што е храната, се изземени од санкциите на ЕУ. Европските претставници, со поддршка на Германија, се обидоа да постигнат компромис за калининградското прашање на крајот на јуни, но според извори на „Ројтерс“, Литванија имала сериозни резерви за секое решение што може да се протолкува како отстапка за Москва. „ Мораме да се соочиме со реалноста, (Путин) има поголема предност од нас. Во наш интерес е да најдеме компромис“, рече еден од изворите на последниот ден од јуни, додавајќи дека Калининград е свет за Москва и дека исходот од договорот веројатно ќе изгледа неправеден. Едно од решенијата што беше спомнато беше дека сообраќајот меѓу Русија и Калининград не се смета за меѓународна трговија бидејќи е руска територија и врз основа на тоа треба да биде изземен од санкции, но потоа стоката да не се извезува, туку да се користи исклучиво во енклава.

Лидер на руска партија предложи Калининград да се преименува во Владибалтиск

Катерина Бојаџиева — Tue, 05 Jul 2022 09:22:55 +0000

Лидерот на руската политичка партија Праведна Русија – За вистината, Сергеј Миронов предложи Калининград да се преименува во Владибалтиск. – Можеби дојде време да се размисли за преименување на Калининград согласно со современата реалност и домашната традиција. На пример, Владибалтиск и соодветно, Балтичка територија, истакна Миронов, јавија руски медиуми. Владибалтиск е комбинација од името на рускиот претседател, Владимир Путин, со тоа на градот што требало да го има по 1946 година. Според Миронов, стратешки, регионот е многу важен за Русија. – Од ова име веднаш станува јасно дека се работи за истурена станица на најзападната граница на нашата татковина, што се простира од Тихиот Океан до Балтикот. Но, се разбира, за тоа треба да одлучат жителите на регионот, додаде тој. Калининград е седиште на руската Балтичка флота и генерално се работи за високо милитаризирана зона каде, со десетици илјади војници и морнари од Балтичката флота, се наоѓаат и балистичките ракети Искандер, што може да носат нуклеарни боеви глави. Калининград падна под руска власт по победата над нацистичка Германија на крајот од Втората светска војна. Претходно, историскиот германски град се викаше Кенигсберг и имаше мнозинство германско население. Во 1946 година, градот требало да биде преименуван во Балтик, но, на крај го добил името Калининград во чест на истакнатиот болшевички и советски лик, Михаил Калининград.

Руските авиони симулираа воен напад врз Калининград

Ивана Ефремовски — Sat, 14 May 2022 12:42:48 +0000

Русија денеска изведе воена вежба во својата енклава Калининград, лоцирана помеѓу Полска и Литванија. Руските авиони ловци Су-27 симулираа непријателски воен напад врз Калининград. Според руските медиуми во вежбата повеќе од десет Су-27, кои ги „уништиле“ авионите на „симулираниот“ непријател. (МИА)