Камчатка – Kurir.mk

Еруптираше вулкан на Камчатка, властите предупредуваат на можна закана за воздушниот сообраќај

Дарко Андоновски — Tue, 11 Apr 2023 05:37:56 +0000

Вулканот Шивелуч на полуостровот Камчатка на далечниот исток на Русија еруптираше рано изутринава, исфрлајќи облак од пепел висок 10 километри, што претставува зголемена закана за воздушниот сообраќај, соопшти тимот за одговор на вулканска ерупција на Камчатка (КВЕРТ). Тимот издаде црвен аларм истакнувајќи дека „голем облак од пепел“ се движи западно од вулканот и дека во секое време може да се случи експлозија со исфрлање пепел до височина од 15 километри. „Тековната активност може да влијае на меѓународните летови и авионите што летаат на пониски височини“, се вели во извештајот. Локалните власти ги затворија училиштата и им наредија на жителите на околните села да останат во затворени простории бидејќи облакот од пепел може да се прошири на десетици километри околу вулканот, рече шеф на општинскиот регион Уст-Камчатски Олег Бондаренко во објава на Телеграм. Еден од најголемите и најактивните вулкани во Камчатка, Шивелуч имаl околу 60 значајни ерупции во последните 10.000 години, а последната голема се случи во 2007 година. Бондаренко рече дека вулканот еруптирал во 6:31 часот по локално време, а облакот се проширил во селата оддалечени повеќе од 70 километри. - На жителите им се препорачува да останат дома и да избегнуваат непотребни патувања, нагласи тој.

Силен земјотрес регистриран на Камчатка

Тале Кристо — Mon, 03 Apr 2023 05:47:54 +0000

Земјотрес со интензитет од 6,6 степени според Рихтеровата скала денеска е регистриран во близина на источниот брег на Камчатка, соопшти Европскиот медитерански сеизмолошки центар (ЕМСЦ). Епицентарот бил во заливот Авач, 44 километри јужно од Петропавловск-Камчатски, на длабочина од 100 километри. Се уште нема информации за евентуални жртви и причинета материјална штета.

Повеќе загинати при принудно слетување на туристички хеликоптер со 16 патници на Камчатка

Ивона Петрова — Thu, 12 Aug 2021 06:13:06 +0000

Повеќе лица загинаа при тешко слетување на хеликоптер на Далечниот Исток на Русија, во Камчатка, јави Тасс, повикувајќи се на извор од итни спасувачки служби, пренесе ДПА. -Според прелиминарните податоци, при тешкото слетување на хеликоптерот, осум лица загинаа, а останатите осум се спасени. Хеликоптерот потона, соопшти Тасс рано утринава, повикувајќи се на изворот. Руската агенција подоцна ја цитираше Марина Волкова, заменик-министер за здравство на Камчатка, дека девет лица преживеале. Се верува дека во хеликоптерот Ми-8 имало 13 туристи и тројца членови на екипажот. -Се истражуваат информациите за останатите туристи и членови на екипажот, кажа Волкова. Тасс пренесе дека во 50 минути по полноќ по московско време (21.50 часот по средноевропско време) добила информации за „тешко слетување на хеликоптер „Ми-8“ на компанијата „Витајаз-Аеро“ во област на Курилското Езеро, во резерватот Кронотски”.

Исчезна авион со 28 лица, се стравува дека се урнал во море

Ивона Петрова — Tue, 06 Jul 2021 06:00:08 +0000

На Камчатка изгубена е врска со авион An-26 во кој се наоѓале 28 лица, информираат од руското Министерство за кризна состојба. Во авионот се наоѓале 22 патници и шест членови на екипажот. Меѓу патниците има и дете. Од Министерството посочуваат дека во тек е истрага за да се открие што се случило со авионот. Извори на Тасс од итните служби истакнале дека постои голема можност авионот да се срушил во море. Леталото било технички исправно, а пилотот не пријавил дефект или некаков проблем. An-26 е двомоторен авион првенствено наменет за воен транспорт со можност за трансформација во патнички за други намени.

Земјотрес регистиран на Камчатка

Ивона Петрова — Sun, 17 Jan 2021 14:15:27 +0000

Земјотрес со интензитет од 5,4 стерпени според Рихтеровата скала денеска го погоди брегот на Камчатка, на рускиот Далечен Исток, соопшти Американскиот геолошки завод. Епицентарот на земјотресот бил на 241 километар североисточно од градот Петропавловск-Камчатски на длабочинао д 10 километри. Засега нема информации за евентуални жртви и за причинета материјална штета. По земјотресот не е издадено предупредување за појава на цунами.

Еруптира вулканот Безимјањи на Камчатка

Ивона Петрова — Thu, 22 Oct 2020 09:34:28 +0000

Вулканот Безимјањи (безимен) утрово еруптира исфрлајќи пепел во висина и до 10 километри, соопшти портпаролот на геофизичката служба на Камчатка при Руската академија на науките. – Надзорната камера во станицата Киришев го забележа почетокот на ерупцијата. Бидејќи вулканот делумно е покриен со облаци, ќе имаме попрецизни информации кога ќе собереме податоци од сателитот, истакна портпаролот. Тој додаде дека ерупцијата била предвидена од експертите, бидејќи подземните активности укажуваа на можна ерупција уште од почетокот на октомври. Безимјањи со висина од 2.800 метри е еден од 29 активни вулкани на Камчатка, кој еруптира еднаш до двапати годишно. Ерупциите траат од неколку часа до неколку дена. Претходната ерупција бешена 15 март 2019 година. Најсилната ерупција на Безимјањи се случи во 1956 година кога по активноста врвот на вулканот од 3.080 се намали на 2.800 метри. Вулканот се наоѓа на 385 километри од Петропавловск, град со 180.000 жители.

Земјотрес со јачина од 5,2 степени на Камчатка

Дарко Андоновски — Tue, 01 Sep 2020 06:09:18 +0000

Земјотрес со јачина од 5,2 степени утрово ја погоди Камчатка, објавено е на интернет страницата на Европскиот сеизмолошки центар. Епицентарот бил на длабочина од 10 километри. Други информации за последиците се очекуваат во текот на денот.

На Камчатка прогласена вонредна состојба поради големите шумски пожари

Тале Кристо — Mon, 22 Jun 2020 13:48:43 +0000

Регионалните власти во Камчатка денеска воведоа вонредна состојба во шумските области на овој руски полуостров на крајниот исток од земјата, како резултат на пожарите што досега зафатија вкупно 53.650 хектари шуми. Од регионалното Министерство за вонредни ситуации јавуваат дека во моментот се активни 36 шумски пожари, истакнувајќи дека пожарот во повеќето случаи бил далеку од населените места и градови, а единствено чад бил забележан во местото Каменско, што бил предизвикан од големиот шумски пожар на 20 километри од градот. Тасс јавува дека регионалните власти во Камчатка денеска побарале помош од руските федерални власти, поради ситуацијата со шумските пожари.

Земјотрес регистриран на Камчатка

Ивона Петрова — Fri, 17 Jan 2020 06:33:51 +0000

Земјотрес со интензитет од 5,5 степени според Рихтеровата скала утрово е регистриран во Тихи Океан во близина на брегот на Камчатка на рускиот Далечен Исток, соопшти руското Министерство за вонредни ситуации. Епицентарот на земјотресот бил на 94 километри од градот Петропавловск-Камчатски на длабочина од 20 километри. Нема информации за евентуално настрадани луѓе и причинета материјална штета.

Нема штета, ниту цунами по силниот земјотрес на Камчатка

Ивона Петрова — Thu, 20 Dec 2018 20:33:11 +0000

Земјотресот со јачина од 7,5 степени по Рихтеровата скала, кој го погоди брегот на Камчатка, на рускиот Далечен исток, не предизвика штета, а мина и опасноста од цунами, соопштија локалните власти.

Потресот се случи на длабочина од 88 километри западно од областа Николскоје, а епицентарот бил на длабочина од 33 километри. Пацифичкиот центар за предупредување од цунами претходно објави тревога од цунами во радиус од околу 200 километри од епицентарот. МИА