камчев – Kurir.mk

Тројно аболираниот Заев „блеска“: Сите треба да бидат еднакви пред законот!

Љупчо Цветаноски — Mon, 22 Jun 2020 12:04:32 +0000

Секој е невин додека не се докаже вината. За господинот Орце Камчев како еден од бизнисмените кои се посилни во државата можам да зборувам од она што го имам прочитано во медиумите, рече три пати аболираниот лидер на СДСМ Зоран Заев на денешната прес-конференција одговарајќи на новинарско прашање. Според Боки 13, парите од рекетот на Камчев завршиле во семејството на лидерот на СДСМ. Тој напомена дека секој бизнисмен и политичар кој се огрешил пред законот мора да одговара. -Презумцијата на невиност треба да ја почитуваме сите, но кога луѓето забегуваат со пари коишто веројатно се крадени пари, пари коишто не се стекнати со пот и труд често се проблематични во светот и во нашата земја. Затоа постојат Агенции за борба против перење на пари или Управа за финаниско разузнавање. Затоа што парите стекнати на незаконски начин купуваат човечки души, купуваат влијание, купуваат моќ , уништуват цели системи. Затоа треба процесите за секој да разјаснат што е што. И апсолутно никој, вклучително Заев, Мицкоски и било кој политичар, бизнисмен дали е тоа Камчев сите мора да бидат еднакви пред законот, вели лидерот на СДСМ, Зоран Заев. Првата аболиција на Заев е за аферата Глобал“ тешка 8 милиони евра од тогашниот претседател Бранко Црвенковски, втората од Ѓорѓе Иванов за „Пуч“ и третата од Добила Кацарска за „Поткуп“, која го поништи обвинението за случајот во кој цела Македонија виде јавно како се бара поткуп во „Едно евро за Вицето.“. Според последните изјави на Боки 13, торбата со Рекет токму од Орце Камчев завршила кај Заеви, а Ден Дончев со денешната аудио-видео снимка го вмеша Заев директно во аферата Рекет 2 со фирмата Дијамед.

Заев ветил дека ќе стори се да им ја олесни истрагата на Мијалков и Камчев

Тале Кристо — Thu, 07 May 2020 16:34:39 +0000

Заев ветил дека ќе стори се што може да се олесни позицијата и на Камчев, Мијалков и на останатите за кои што тогашното СЈО водеше истраги, реше на денешното рочиште првообвинетиот во случајот „Рекет“ Бојан Јовановски. -Зоран Милески, ми кажуваше дека со Ана Камчева биле во неколку амбасади и неколку пати во кабинетот на тогашниот премиер Зоран Заев. Тогашниот премиер им ветил дека ќе стори се што може да се олесни позицијата и на Камчев, Мијалков и на останатите, за да не трпи многу и бизнис-заедницата, рече денеска во судницата Јовановски.

Одбраната на Јанева ќе ги спори снимките на Камчев да не бидат докази во истрагата

Дарко Андоновски — Sat, 21 Sep 2019 07:40:03 +0000

Адвокатката на Катица Јанева, Ирена Фрчкоска во нејзиното гостување во емисијата „360 степени“ изјави дека ќе бара снимките на Орце Камчев да не бидат користени како докази, бидејќи се прибавени на нелегален начин. -Сега ќе треба да видиме дали тие снимки ќе можат да се користат како докази во постапката, бидејќи се прибавени на нелегален начин. Не може како „бомбите“ кои се користат како докази, бидејќи тие иако беа прибавени на нелегален начин, беа озаконети со Законот за специјално обвинителство. А, овие снимки се третираат како докази прибавени на незконит начин и како такви треба да бидат издвоени во постапката, изјави Фрчкоска на гостувањето во емисијата „360 степени“. Според неа е спорно и што во образложението за разрешување на Јанева се користи терминот „незаконито дејствие“. -Јас очекував да ја разрешат од функцијата специјален јавен обвинител. Спорна е одлуката со која таа е разрешена од функцијата јавен обвинител во Гевгелија и како тоа беше поистоветено со разрешување од специјален обвинител. За мене е спорна употребата на терминот „незаконито дејствие“, бидејќи тоа се одредува само со судска пресуда. Ниту Советот на јавни обвинители, ниту Парламентот не можат да утврдат незаконитост, вели Фрчкоска.

Заев тврди дека не е поврзан со случајот „Рекет“ и дека не разговарал со Боки 13 за Камчев

Дарко Андоновски — Sat, 10 Aug 2019 09:59:37 +0000

Премиерот Зоран Заев на социјалните мрежи даде свој став за случајот „Рекет“, откако во најновиот аудио запис се споменува неговото име од страна на Боки 13 кој вели „Знам јас што збори он, знам што сум зборел со него за тебе, што не знае никој“, раскажувајќи му на Камчев. „Во најновиот објавен разговор некои од осомничените го спомнуваат и злоупотребуваат моето име. При тоа се изнесуваат лаги и бесмислици со цел едниот соговорник да ја зајакне својата позиција на моќ и авторитет пред другиот соговорник. Најостро, категорично и одговорно отфрлам било каква поврзаност, соработка или комуникација со осомничениот Бојан Јовановски во врска со случајот “Рекет” и за било какви други прашањата кои се предмет на истрагата за овој случај. Со Бојан Јовановски единствено имам разговарано за хуманитарни активности на неговиот Меѓународен сојуз, после што ниту јас ниту Владата не сме имале никаква натамошна соработка, ниту формална, ниту неформална. Се имам појавено и на интервјуа во 1тв, како што редовно се појавувам на сите други телевизии и медиуми, во интерес на отвореноста кон јавноста. Уште еднаш, ги повикувам сите истражни органи во целост, ама во целост да го истражат случајот и да носат одлуки. Институциите на извршната власт им стојат на располагање со цел свој капацитет на истражните и правосудните органи. Северна Македонија е подготвена за правда, колку и тоа да е тешко и трауматично. Правдата доаѓа. Секој ќе си одговара за сопствените постапки и тоа во фер, транспарентна и законита процедура. Во изминативе повеќе од две години како премиер, сѐ што правам е само и единствено во корист и интерес на граѓаните на земјава. Бидете уверени дека на непријателите на нашата земја нема да им успее планот преку користење на криминалци, манипулатори и измамници да го спречат успехот на земјава, членството НАТО и почетокот на преговорите со ЕУ“, тврди Зоран Заев.

Новата бомба на „Ла Верита“ открива дека Боки 13 се среќавал со Заев: Дали премиерот бил вмешан во случајот „Рекет“? (ВИДЕО)

Дарко Андоновски — Sat, 10 Aug 2019 07:45:50 +0000

Во денешното трето продолжение кое што го објави италијанскиот весник „Ла Верита“ за случајот „Рекет“, Боки 13 му објаснува на Камчев дека ќе се сретнел со премиерот Зоран Заев. Во врска со инвловираноста на Заев, прочитајте го транскриптот и погледнете го видеото… ВЈ: Утре се гледам со него ЈК: Со Дејан? БЈ: Не ЈК: Со Жаре? БЈ: Со Зоки ЈК: Со Зоки? БЈ: Со Заев ЈК: Мислам дека он нема да праи проблеми, но ти ќе си збориш и ќе ми кажеш БЈ: Знам што збори он, знам што сум зборел со него за тебе, работи кои никој не ги знае ЈК: Ок шефе БЈ: Ќе ме испратиш до врата? ЈК: Апсолутно