камен – Kurir.mk

„Денес мојот пријател ме удри“ – поучна приказна за вистинското пријателство

Ивана Ефремовски — Mon, 18 Sep 2023 12:44:27 +0000

Вистинското пријателство е реткост во денешно време. Ако имате вистински пријатели, вие сте среќни луѓе. Но, за истото да го задржите мора да почитувате неколку правила. Советот кој ќе го добиете во оваа поучна приказна многу ќе ви помогне. Си биле двајца пријатели... Двајца пријатели шетале низ пустината. Во еден момент се скарале и едниот го удрил другиот. Повредениот не рекол ништо, но запишал во песокот: „Денес мојот пријател ме удри“. И така продолжиле по својот пат. По некое време наишле на една оаза и одлучиле да се одморат. Но, пријателот кој бил удрен паднал во жив песок. Другиот го спасил. Во тишината, спасениот пријател изгребал на една камена плоча: „Денес пријателот ми го спаси животот“. Оној кој го удрил и кој му го спасил животот, го прашал: „Кога те удрив, тоа го запиша во песок, а кога ти го спасив животот, тоа го забележа на камен. Зошто?“ Пријателот му одговорил: „Кога некој ќе те повреди, тоа мора да го запишеш во песок за да може ветрот на простувањето да го избрише. А, кога некој ќе направи нешто добро за тебе, тогаш тоа треба да го запишеш на камен, за ветрот никогаш да не може да го избрише и да го однесе во заборав.“

ПО 50 ГОДИНИ: Мало парче камен од Месечината вратено на Кипар

Ивона Петрова — Fri, 09 Dec 2022 10:47:48 +0000

Мало парче камен кое американските астронаути го донесоа од Месечината, конечно повторно стигна на своето одредиште, на Кипар, каде еднаш веќе беше, но исчезна пред половина век. Парче од месечева карпа од 1,1 грам било изложено вчера по повод 50-годишнината од последното слетување на американскиот Аполо на Месечината и сегашната мисија на Артемис чија капсула Орион се враќа на Земјата откако ја облета Месечината. – Имаме месечева карпа за која сметаме дека сепак стигнала во совршен момент, бидејќи поминале 50 години откако е донесена на Земјата, рече Џорџ Данос, претседател на Кипарската организација за истражување на вселената, која е домаќин на изложбата. Лунарниот примерок е спакуван во пластичен глобус со знамето на Кипар и плочка на која пишува „Овој фрагмент е дел од карпа од долината Таурус Литроу на Месечината. Даден е како симбол на единството на човечките напори и носи со себе надеж за американскиот народ за мир во светот“. Тоа ги одразува зборовите на астронаутот на Аполо 17, Јуџин Сернан, кој рекол дека каменот ќе биде „симбол на тоа што се нашите чувства, чувства за програмата Аполо, и симбол на човештвото: да можеме во иднина да живееме во мир и хармонија“. Аполо 17 било последното летало од програмата за Месечината, а тројцата астронаути се вратиле на Земјата на 19 декември 1972 година. Каменот на Кипар е еден од 270-те такви примероци донесени од мисијата на Месечината во 1969 и 1972 година, кои администрацијата на американскиот претседатеч Ричард Никсон им ги подари на други земји. Каменот на Кипар исчезна во текот на тамошната војна во 1974 година, кога е убиен американскиот амбасадот на Кипар, Роџер Дејвис. На крајот е вратен на НАСА, во САД и е заклучен во трезор. Конечно каменот се врати на Кипар благодарение на напорите на Данос и официјално ќе му биде предаден на кипарскиот народ на свеченост на 16 декември во претседателската палата во Никозија.

ФУДБАЛСКА „ВОЈНА“ ВО ТЕТОВО: Удрен помошникот судија, играчите се фатија за гуша, фудбалер доби камен во глава (ВИДЕО)

Дарко Андоновски — Sun, 08 May 2022 17:10:24 +0000

Дербито во Тетово меѓу Шкендија и Шкупи донесе голем број прекини, а последниот беше предизвикан поради удар кон помошникот на Александар Ставрев, објавува Гол.мк. Во еден момент публиката фрли некаков предмет и го погоди судијата во ногата. Тоа донесе нов прекин и нова мешаница на теренот, по која се вмешаа и фудбалерите на двата тима. Претходно во главата беше погоден гостинскиот фудбалер 21-годишниот Ардит Иљази. Пред мечот, пак, беа нападнати фудбалерите и стручниот штаб на гостинската екипа при пристигнувањето на стадионот.

Каменуван воз во кумановско

Ивана Ефремовски — Tue, 30 Mar 2021 14:46:04 +0000

На 29.03.2021 околу 18:00 часот во близина на с.Черкези, кумановско, едно лице фрлило со камен кон патничкиот воз кој сообраќал на релација Табановце – Скопје, при што скршил прозорско стакло од вагон. Повредени лица нема. Се работи на расчистување на случајот.

Домашен лек против затнати артерии, појава на камен и за зајакнување имунитет: Ги убива сите инфекции во телото!

Магдалена Андонова — Tue, 15 Sep 2020 12:58:30 +0000

Ова е одличен природен рецепт за лекување и превенција на затнати артерии. Исто така, добар е за регулирање покачени маснотии во крвта, за спречување општ замор на организмот, за спречување и лекување инфекции и настинки, за интензивно зајакнување на имунитетот, за прочистување на црниот дроб и за подобрување на ензимите на црниот дроб. Овој природен лек ја спречува појавата на слободни радикали во организмот, кои предизвикуваат тешки болести и низа други состојби поврзани со болести на срцето и на крвотокот. Состојки: 4 цели големи главици лук 4 лимони со кора помал корен од ѓумбир (3-4 см) 2 л чиста вода Приготвување: Добро измијте го лимонот, па исечете го на парчиња. Доколку станува збор за лимон кој не е органски, односно доколку е прскан, тогаш третирајте го со мешавина на оцет и вода. Излупете го лукот и заедно со лимонот и ѓумбирот ставете го во блендер. Направете соединета смеса од тоа со помош на бледерот. Така изматената смеса сипете ја во метален сад, прелејте ја со две литри вода и загрејте ја до точка на вриење. Пред да зоврие смесата, исклучете ја ринглата и оставете го сети тоа добро да се олади. Исцедете ја низ средно густа цедалка и сипете ја во стаклена шишиња. Оваа лековите напивка се пие секој ден по една чаша од 2 дл, најмалку 2 часа пред јадење, односно на потполно празен желудник. Напивката чувајте ја во фрижидер. Периодот на лекување трае 3 недели со секојдневно консумирање по една чаша, по што треба да направите пауза од една недела и потоа можете повторно да продолжите со консумирање во истиот циклус. Доколку не ви се допаѓа вкусот, можете да додадете мед. По 3 недели користење би требало да почувствувате значајна регенерација на телото. Напивката освен за наведените благодети, особено корисна е за спречување калцификација во телото, која предизвикува каменчиња во органите и затнување на крвните садови. Комбинацијата на лимон, вода и варење го неутрализира мирисот на лукот. Пред секое консумирање, протресете го шишето со овој домашен лек за талогот од лимон и лук на дното да се помеша со сокот.

Прилепчанец нападнат со камен

Ивана Ефремовски — Sun, 19 Jul 2020 12:43:41 +0000

На 19.07.2020 во 02:00 часот во Полициска станица Прилеп, Д.Д.(32) од Прилеп пријавил дека околу 00.20 часот на ул.,,Војводинска“ по претходна расправија бил физички нападнат со камен од Д.С. кој потоа бил приведен од полициски службеници од Полициска станица Прилеп. Се преземаат мерки за расчситување на случајот.

Пијан сосед со камен и го блокирал автомобилот, но таа му вратила на начин на кој на никој маж не би му текнало (ВИДЕО)

Дарко Андоновски — Thu, 24 Jan 2019 19:50:56 +0000

Американка му покажала на својот пијан сосед дека може да се справи и со него и со начинот на кој сакал да ја изнервира. Со голем камен соседот на Американката Мелиса Скрагс од Калифорнија и го блокирал автомобилот. Но, соседот не знаел дека таа е геолог и тоа доктор по геолошки науки и има со што да ги разбие камењата. Така Мелиса во 7.30 часот наутро ја извадила гласната дупчалка и го скршила каменот. Целиот инцидент таа го снимила и го објавила на Твитер, каде е вистински хит. Меѓу пораките во кои и честитаат на потегот има и такви кои велат дека им го разубавила денот.

In which my asshat neighbors decided to be complete drunken fecalwads by rolling a giant #sandstone boulder in front of my car, but forgot that I am a tiny #geologist who has access to a VERY loud auto-chipper at 7:30 am: a story in 4 pictures. #problemsolving #NowICanWrite pic.twitter.com/ZqPlheF4SM
— Melissa Scruggs (@VolcanoDoc) January 19, 2019

Исчистете ги бубрезите од камен и песок

Ивона Петрова — Sun, 21 Oct 2018 07:57:26 +0000

За шест дена каменот би требало да излезе, а песокот за три до четири дена. Со овој неверојатен рецепт, за краток временски период можете да се ослободите од камењата во бубрезите! Станува збор за целосно природен метод, а рецептот гарантира успех. Само треба да внимавате камењата во бубрезите да не се многу големи, бидејќи би можеле да предизвикаат штета кога ќе почнат да излегуваат. Овој природен лек делува ако каменот во бубрегот е со големина на зрно од пченица, а се прави од три состојки: 100 милилитри лимонов сок, 100 милилитри маслиново масло (екстра девствено) и 100 милилитри пиво. Подготовка: Сите состојки ставете ги во шише, добро измешајте ги и пијте наутро на празен стомак по 50 милилитри. Пред секоја употреба протресете го шишето. Резултати: За шест дена каменот би требало да излезе, а песокот за три до четири дена. Напомена Лимоновиот сок задолжително мора да биде од цеден лимон (органски), а треба да обрнете внимание и на големината на каменот во бубрезите, бидејќи ако е поголем од 15 мм, овој рецепт ќе го поттикне да излезе, а тој може да направи штета при исфрлувањето низ тесните каналчиња. Затоа, најдобро е пред да почнете да го користите овој природен лек да се консултирате со вашиот лекар. МИА