Каменица Саса – Kurir.mk

Каменица Саса е освојувач на Купот на Македонија за жени

Бошко Тасиќ — Wed, 18 May 2022 17:11:28 +0000

Eкипата на Каменица Саса успеа да го подигне трофејот од Купот на Македонија по одличната игра и убедливо издвојуваната победа против Асс Јунајтед. Женското финале од Купот на Македонија се одигра денеска на тренинг центарот „Петар Милошевски”, Каменица Саса забележа убедлива победа со 4:0. Антонина Шопска го отвори резултатот на денешната средба во 7. минута. На 2:0 зголеми Ленче Андреевска во 23. минута од средбата. Истиот играч погоди на почетокот на второто полувреме за предност на Каменица Саса од 3:0. Конечните 4:0 ги постави интернационалката Чик Пејтон Тејлор во 71. минута од мечот.

Пејтон Чик прва Американка во македонскиот женски фудбал

Ивона Петрова — Sat, 29 Jan 2022 09:36:46 +0000

Актуелниот шампион во македонската женска фудбалска лига „Каменица Саса“ ги засили своите редови пред пролетниот дел од сезоната со Американката Пејтон Чик. Шампионот од Македонска Каменица објави дека Чик успешно ги минала медицинските прегледи и со неа е потпишан едногодишен договор. Чик е прва американска фудбалерка, која ќе настапува во македонскиот женски клупски фудбал, а минатата година играше за израелскиот второлигаш „Хапоел Рајана“. „Со доаѓањето на Пејтон добиваме повеќе на квалитет по крилните позиции. Со своето искуство очекуваме пролетниот дел да ни помогне да бидеме уште посилни и резултатски поуспешни“, соопшти „Каменица Саса“.

Горан Гоцевски нов тренер ФK ,,Каменица Саса”

Тале Кристо — Wed, 12 Jan 2022 16:15:02 +0000

Фудбалскиот клуб ,,Каменица Саса” доби нов тренер. За кормилар на екипата која се наоѓа на третото место во Втората фудбалска лига Исток е назначен Горан Гоцевски, поранешен фудбалер на Саса и Пирин од Благоевград, Бугарија. Гоцевски доаѓа на местото на Горан Здравков кој си замина од клупата на Каменица Саса, откако не најде заеднички јазик со новата управа на клубот. Во улогата на стратег, претходно 33 годишниот Гоцевски има работено во младинските категории на Саса, како кондиционен тренер и прв помошник на Здравков.

Во дербито во женскиот фудбал Каменица Саса подобра од Деспина Прилеп

Магдалена Андонова — Mon, 28 Sep 2020 07:44:09 +0000

Во дербито од Првата женска фудбалска лига екипата на Каменица Саса повторно ја презеде лидерската позиција на табелата откако на градскиот стадион во Македонска Каменица славеше над директниот конкурент за првото место, екипата на Деспина Прилеп. Стрелец на единствениот погодок на мечот беше Ана Димитровска од пенал. Во екипата на Каменица Саса поради позитивни на Ковид-19 недостигаа неколку стандардни играчи што според стручниот штаб уште повеќе ја прави ,,слатка” победата. Борбата за првото место продолжува во следното коло за кое претендираат три екипи со ист број на бодови, од кои ,,Каменица Саса” предничи поради подобрата гол разлика. Екипата од М.Каменица има добра шанса во следното коло да ја задржи лидерската позиција, додека екипата на Деспина Прилеп ќе игра против уште еден конкурент за висок пласман, екипата на Тиверија. (МИА)