каменуван автобус – Kurir.mk

Каменуван автобус на ЈСП, повредена патничка

Ивана Ефремовски — Thu, 29 Aug 2019 14:01:09 +0000

На 28.08.2019 во 23:30 часот во СВР Скопје, И.Ј.(51) од с.Јурумлери, скопско, вработен како возач во ЈСП, пријавил дека автобусот со број 53 бил каменуван од непознато лице, додека управувал со него во с.Јурумлери на улица ,,1’’. Поради кршење на стаклото во автобусот, на патничката У.Б(50) од с.Јурумлери, ѝ биле нанесени телесни повреди. Увид на местото на настанот извршила екипа од СВР Скопје. Се превземаат мерки за расчистување на случајот.

ФОТО: Каменуван автобусот со навивачи на Работнички по мечот со МЗТ Скопје- има повредени!

Дарко Андоновски — Mon, 06 May 2019 20:43:44 +0000

Автобус кој превезувал навивачи на кошаркарскиот клуб Работнички вечерва е каменуван близу хотелот „Хилтон“ во Аеродром, по дерби мечот со МЗТ Скопје во спортскиот центар „Јане Сандански“, потврдија од МВР за САКАМДАКАЖАМ.МК Сè уште нема детали за нападот, но неофицијално, на враќање од натпреварот врз автобусот се фрлени камења, а има и повредени кои се однесени со Брза помош. Целиот текст можете да го прочитате ТУКА.

Каменуван косовски автобус во Србија, Пацоли и порача на српската полиција да се угледа на косовската

Ивона Петрова — Mon, 10 Sep 2018 06:26:13 +0000

Автобус кој сообраќал од Германија за Косово е каменуван синоќа додека минувал низ Србија, јавија медиумите во Приштина, повикувајќи се на информации добиени од патниците на автобусот. Како што јави дописникот на МИА од Приштина, на автобусот, кој сообраќа на релацијата Келн-Приштина и кој превезувал главно Косовци кои живеат во Германија, му е скршено предното стакло, но нема повредени патници. Приштинските медиуми објавија и фотографии испратени од патниците во автобусот. По објавувањето на информацијата за каменувањето на автобусот, реагираше шефот на косовската дипломатија Беџет Пацоли, кој побара од надлежните органи во Србија да им обезбедат заштита на луѓето кои се на пропатување низ државата. Пацоли им порача на српските безбедносни институции „да се угледаат на професионалноста, посветеноста и одговорното однесување на полицијата на Република Косово кон сите државјани и граѓани во Косово“. - Нападот, со цврсти предмети, кој за среќа помина без повредени лица, што денеска се случи врз автобусот на една косовска компанија, додека транзитно поминуваше низ територијата на соседната држава Србија, е неприфатлив и треба итно да биде осуден од ЕУ, меѓународната заедница и самите институции на редот и законот во Србија, напиша Пацоли на Фејсбук. МИА

Каменувана „50“ на ЈСП, искршени три стакла

Ивона Петрова — Thu, 22 Mar 2018 09:58:02 +0000

Автобус на ЈСП кој сообраќал на линијата со број 50 вчера бил каменуван на булеварот „Крсте Мисирков“, при што оштетени биле три скала. Од полицијата информираат дека по преземени мерки, од слобода е лишен А.М. (22) од Скопје. Тој бил приведен во Полициската станица Бит Пазар, а по целосно документирање на настанот против него ќе биде поднесен соодветен поднесок. Се преземаат мерки и активности за целосно расчистување на случајот.

ПРИВЕДЕНИ 20 ЛИЦА: Детали за вчерашниот инцидент во Скопје

Катерина Бојаџиева — Fri, 02 Feb 2018 10:36:38 +0000

Синоќа околу 19:30 часот во Единицата за информации и команда Скопје, возач во Јавното сообраќајно претпријатие Скопје пријавил дека на улица „Алија Авдовиќ“ имало тепачка помеѓу две групи малолетници. Притоа, едната група го каменувала автобусот со број 65-б, кој сообраќал на релација Транспортен центар-Брњарци, од што биле искршени четири стакла од вториот кат на автобусот. Еден камен го пробил стаклото и удрил 15-годишник од село Стајковци, скопско. Во врска со настанот, во полициската станица Гази Баба биле приведени 20 лица од двете групи. Се преземаат мерки за целосно расчистување на случајот.

Детали за инцидентот во Сингелиќ, приведени околу 15 лица

Ивона Петрова — Thu, 01 Feb 2018 20:01:41 +0000

Околу 15 лица се приведени во инцидентот кој доцна попладнево се случи на последната автобуска постојка на 45 во скопско Сингелиќ. Според првичните информации со кои располага МВР, околу 19:35 часот на улицата „Алија Авдовиќ“ дошло до тепачка меѓу две групи, при што едната група го каменувала автобусот со број 65-б. Од каменување биле искршени четири прозорци на вториот кат од автобусот. Приведени се околу 15 лица од двете групи и однесени се во полициска станица на разговорот. Засега нема информации дали во инцидентот има повредени лица.