каменување – Kurir.mk

Аџиите симболично ја каменуваа сатаната

Дарко Андоновски — Fri, 31 Jul 2020 18:25:25 +0000

Муслиманските аџии во Саудиска Арабија денеска учествуваат во симболичниот ритуал на каменување на сатаната, почитувајќи ја физичката дистанца. Верниците облечени во бело и со маски за лице фрлаа камења врз огромен ѕид, кој ја симболизира сатаната. Аџиите и во следните два дена ќе го каменуваат ѕидот пред да одат во Мека да се молат во Голема џамија. Мека минатите години за време на муслимаснкиот празник Курбан бајрам беше посетата од околу три милиони верници, но годинава поради пандемиајта со Ковид-19 се собраа само неколку илјади аџии – Саудијци и странци кои живеат во Саудиска Арабија.

Двајца навивачи на Работнички се повредени по каменувањето на автобусот среде Скопје (ФОТО)

Дарко Андоновски — Mon, 06 May 2019 21:07:30 +0000

Двајца повредени е билансот од вечерашниот инцидент кој се случи во центарот на Скопје откако беше каменуван автобусот со навивачите на Работнички. Повредените со возило на итна медицинска помош се пренесени на градските клиники. Инцидентот инаку се случил по завршувањето на натпреварот во спортскиот центар „Јане Сандански“, а во близина на хотелот „Хилтон.“ МЗТ Скопје вечерва го победи Работнички со 85-63 (48-36), во мечот од шестата рунда во Суперлигата. МЗТ е прв на табелата во Суперлигата со скор 22-3, пред Работнички со 20-5.

ХАОС ВО БРАЗИЛ: Нејмар и соиграчите каменувани поради дебаклот на Мундијалот во Русија (ВИДЕО)

Матеја Петровски — Mon, 09 Jul 2018 08:50:04 +0000

Фудбалерите на Бразил по доаѓањето во татковината после дебаклот на Мундијалот во Русија беа дочекани бурно. Нема сомнение дека големите фаворити за освојување на трофејот, ја растажија нацијата со испаѓањето во четвртфиналето од Белгија, но вака бурен “дочек“ малку кој очекуваше. Навивачите покрај патот го пречекаа автобусот кој ги превезуваше првотимците на јужноамериканската репрезентацијата и го каменувале. Бразилците не можеа да се помират со раната елиминација па целиот бес го истрошија на автобусот.

Автобус на ЈСП насила запрен и каменуван- еве ги деталите

Катерина Бојаџиева — Tue, 15 May 2018 12:04:00 +0000

Две лица од село Сингелиќ, А.Ј. (18) и 16-годишник, вчера поладне со патничко возило „Пежо 206“ со кумановски регистарски ознаки запреле автобус на ЈСП број 65, што сообраќал од Транспортен центар кон село Стајковци. Лицата му се испречиле на автобусот додека се движел по улицата „Алија Авдовиќ“. Откако го запреле, излегле од возилото и побарале од возачот да ги отвори вратите. Возачот одбил, по што 16-годишникот со камен скршил едно странично стакло на автобусот. Од оштетувањето на автобусот, две лица се пожалиле на повреди во пределот на грбот, по што биле упатени на преглед во Градската општа болница. Случајот е пријавен веднаш. Полициски службеници излегле на местото на настанот и ги привеле лицата. Тие во полициска станица изјавиле дека го запреле автобусот зашто во него се возеле три лица кои претходно нив ги нападнале. Се преземаат мерки за целосно расчистување на случајот.

Каменуван товарен воз во близина на „Скопје Север“

Ивона Петрова — Thu, 04 Jan 2018 11:36:06 +0000

Непознати лица вчера каменувале товарен воз во близина на железничката станица „Скопје Север“. Возот сообраќал на релација граничен премин „Блаце“ - железничка станица „Трубарево“. Повредени лица при каменувањето нема. - Во полиција е пријавено дека помеѓу железничката станица „Ѓорче Петров“ и железничката станица „Скопје Север“, поточно на влезниот сигнал на железничка станица „Скопје Север“, непознати лица каменувале товарен воз, кој сообраќал на релација граничен премин „Блаце“-железничка станица “Трубарево“, информираат од МВР. Оттаму посочуваат дека се работи на целосно расчистување на случајот.