камерен концерт – Kurir.mk

Камерен концерт „Филхармонија за филхармонија“

Ивона Петрова — Thu, 17 Feb 2022 06:37:40 +0000

Четврти концерт од серијата камерни настапи „Филхармонија за филхармонија“ ќе се одржи вечер во Филхармонија. На концертот ќе настапат музичари од оркестарот на Филхармонија во различни формации. На програмата се дела од Калвет, Брамс, Брух, Бах, Шостакович и Пјацола. Во рамки на концертот ќе настапат Брас квинтет (Стефан Илиев – труба , Јордан Колевски – труба, Благоја Василевски – хорна, Бранко Илиевски – тромбон, Александар Ниниќ – туба), Пијано трио (Мартин Димитров – виолина, Маја Михајловска – виолончело, Иван Трајковски – пијано), Трио (Здравко Ангелов – кларинет, Илза Бафтијари – виола, Шкељзен Бафтијари – пијано) „Трио Принчипеле“ (Ана Кондратенко – виолина, Марко Виденовиќ – виола, Паскал Краповски – виолончело), Пијано дуо (Маријана Николовска – пијано, Шкељзен Бафтијари – пијано) и Квинтет (Марија Трајковска – виолина, Александар Поп-Христов – гитара, Филип Петрески – хармоника, Маријана Николовска – пијано,Александра Чуруковска – контрабас).

Камерен концерт „Филхармонија за Филхармонија“

Ивона Петрова — Thu, 10 Dec 2020 06:11:13 +0000

Музичари од оркестарот на Филхармонија вечер ќе одржат камерен концерт во големата сала, насловен „Филхармонија за Филхармонија“ на кој ќе бидат изведени дела од македонскиот композитор Томе Манчев, од П.И. Чајковски, Л.В. Бетовен, Ференц Фаркаш и Бизе. Во рамки на концертот, како што информираат од Филхармонијата, ќе настапат Мојца Седеу – перкусии, Весна Ангелова Христов– пијано, Гудачки квартет „Филхармонија“ (Ана Кондратенко, Бојан Илковски, Бојан Талевски, Марија Михајловска), Дувачки квинтет (Елена Дојчинова, Владимир Лазаревски, Здравко Ангелов, Горан Јанев, Ванчо Стојановски), Дувачко трио (Владимир Лазаревски, Марина Николовска, Маја Чанаќевиќ) и Брас квинтет (Стефан Илиев, Горан Арменски, Благоја Василевски, Никола Ристевски, Александар Ниниќ).

Седум камерни концерти на фестивалот „Златна лира“

Ивона Петрова — Wed, 16 Oct 2019 06:59:53 +0000

Со концерт на клавирското дуо Гелебешеви (Катерина Гелебешева-Костадиновска и Глигор Гелебешев) вечер од 20 часот во Музејот на македонската борба ќе биде отворен 13. Фестивал на камерна музика „Златна лира 2019“, кој го организира Сојузот на музичките уметници на Македонија (СМУМ). На програмата на концертот на Гелебешеви се дела од Брамс, Барбер, Равел и Росини. Во наредните денови во истиот простор на „Златна лира 2019“ ќе настапат и пијанистката Даница Стојанова, виолинистот и виолист Љубиша Кировски, триото „Аура“ и полските музичари Хенрик Блежеј на флејта и Тереза Кабан на пијано. -Во духот на традицијата, фестивалот и оваа година ќе им го отстапи својот подиум на младите уметници. На 28 и 30 октомври ќе настапат добитниците на наградата на СМУМ на натпреварот „Охридски бисери 2019“: флејтистката Моника Трајковска, виолинистката Камелија Дукова, саксофонистот Стефан Неделковски и пијанистките Биљана Петровска, Лига Скриде и Дани Жоговска, соопшти СМУМ. Фестивалот ќе биде затворен на 31 октомври со настап на камерното трио „Аура“, во состав: Страшо Темков (флејта), Марјан Милошевски (фагот) и Ана Гацева (пијано). На завршната вечер ќе биде доделена и традиционалнита награда „Златна лира“ – за успешна работа во текот на изминатата година ќе му биде доделена на баритонот и композитор Горан Начевски, а за животно дело ќе ја добие контрабасистот Велко Тодевски, долгогодишен професор на ФМУ во Скопје. Концертите ќе се одржуваат во Музејот на македонската борба. Влезот за посетители е слободен.