камери – Kurir.mk

Белгија издвојува 20 милиони евра за камери за подобрување на безбедноста

Катерина Бојаџиева — Tue, 10 Oct 2023 14:06:01 +0000

Белгиската влада одлучи следната година да обезбеди 20 милиони евра за камери за препознавање на регистерските таблички на автомобилите, објавија локалните медиуми. Целта е вкупниот број на тие камери следната година да достигне 10.000. Камерите ANPR беа воведени по исламистичките напади во земјата во 2016 година и се дел од системот за национална безбедност. Тие се користат и за откривање на возачи кои возат неосигурени или возат со брзина поголема од дозволената. Финансирањето ќе се обезбеди од казните на возачите. Лани во Белгија од сообраќајни казни се собрани 543 милиони евра.

ВИДЕО: Камери го снимиле убистовото во Грција: Од четворица присутни, мета биле Оки и другарот, две жени сведочеле

Ристе Здравков — Mon, 17 Jul 2023 10:13:18 +0000

Начинот на кој бил убиен македонскиот државјанин Орхан Бајрами – Оки, покажува дека се работи за нарачано убиство, велат грчките медиуми. Сепак, останува истрагата да го докаже тоа. Според грчкиот портал „Ин.гр“, убиството е снимено. Тие објавија снимки од вилата во која биле сместени убиениот, неговиот другар и двете жени. Како што се додава, во моментот на убиството Оки бил со своето друштво во дворот од апартманот на Халкидики, каде се криел. Тој заедно со уште еден пријател и две женски лица, седеле во дворот кога се појавиле 2 лица на мотор и отвориле оган врз него. Со 19 куршуми било пукано во Оки, кој починал веднаш, неговиот пријател бил тешко ранет, а во женските лица не било пукано. Во овој контекст, се поврзува мафијашката егзекуција на 39-годишниот со уште едно убиство пред околу три месеци во Скопје. Според тврдењата, Оки бил познато име во подземјето и организираниот криминал на Македонија. Тој бил еден од водечките членови на подземната група во Скопје, наречена Дуканџик (Пазарџии). Информациите говорат дека со месеци во Скопје се води војна меѓу криминалните групи на подземјето, при што групата на Оки е цел на ривалска мафијашка група. Како што тврдат, 39-годишниот всушност се криел во Грција знаејќи дека тој е следната цел. Според информациите, се работи за бизнисмен, кој бил сопственик на казина во Македонија и фабрика за алкохол во Скопје. Истрагата е во тек и треба да покаже дали навистина се работи за нарачано убиство и од кого. Се претпоставува дека веднаш по нападот, осомничените ја преминале границата кон Македонија каде се информирани македонските власти, пишуваат грчките медиуми. Видеото и текстот на грчкиот портал, погледнете го тука.

НОВИ ИНФОРМАЦИИ: Коста два дена пред злосторството ги исклучил камерите, а никој не забележал – еве што се случува со него денес

Ивана Ефремовски — Tue, 04 Jul 2023 13:34:10 +0000

Коста Кецмановиќ, момчето-убиец, кој направи крвав маакр во ОУ „Владислав Рибникар“ кога уби девет ученици и работник од обезбедувањето на оваа образовна институција, бил фасциниран од војната и оружјето, а српските медиуми сега откриваат и како дошол до нив. Коста очигледно го подготвувал злосторството што го извршил во училиштето кога убил девет ученици и еден чувар, пишува српска Република. Имено, како што наведува гореспоменатиот портал, Коста два дена пред злосторството, на 1-ви мај, ги исклучил камерите во станот за да може да го земе оружјето на неговиот татко. Во станот на неговото семејство имало камера која гледала во плакарот каде што бил пиштолот. Како што се дознава, камерата не била во функција од 1-ви мај, а момчето-убиец намерно го исклучил за да го земе пиштолот без докази. Коста (13) кој изврши масакр во ОУ „Владислав Рибникар“ сега е сам сместен во просторија со тоалет на Детската клиника за неврологија и психијатрија на Клиничкиот центар на Србија. Тој е под посебни безбедносни мерки кои заеднички ги спроведуваат Министерството за внатрешни работи на Србија и Клиничкиот центар. -Болницата ќе функционира во вонредни услови кои личат на затвори се додека таму го прегледуваат психијатри и психолози по невиденото злосторство што го изврши на 3-ти мај, изјави информиран извор за српски Телеграф. Гледано од главниот влез на клиниката, малолетниот убиец престојува во задниот дел на установата, на првиот кат, каде што се наоѓа одделението за аутизам. Двајца инспектори во цивилна облека постојано со него се во собата и будно го следат. Фото: ПИНК

Во соба најмена преку „Ер-БНБ“, две туристки нашле 10 скриени камери

Катерина Бојаџиева — Tue, 14 Jun 2022 08:09:19 +0000

Кога се резервира сместување за патнички или туристички престој однапред, но и на самото место, најважно е местото да е чисто и уредно, но и да нема скриени камери во собите… Корисничка на Твитер по име Џоана Фокс открива што доживеала со своја пријателка, во врска со резервирањето сместување на познатата платформа „Ер-БНБ“. Проследено со повеќе слики и видеа, жената објасни дека неодамна престојувале во стан каде што на крајот пронашле 10 скриени камери, дури и кај тушевите. „Неодамна преку ‘Ер-БНБ’ отседнавме во Филаделфија и најдовме барем 10 скриени камери низ целата куќа. Вклучително и кај тушевите и во спалните соби“, вели Џоана, продолжувајќи – „Некои беа маскирани како системи за прскање, но забележавме објектив за камера. Тие беа ставени во места со идеален поглед кон луѓето. Иако за среќа – тоа беше женска дружба, јас бев гола. Морав да се пресоблечам во мојата соба“.

We also tried calling the philly police to have them on the scene, examine the cameras & make a police report. THEY DID NOT ANSWER. Sadly we had to go down to the police station.
This is so UNSAFE, & scary! thank god we noticed the cameras and got out of there! pic.twitter.com/XMbhFzvYDt
— 🍒 (@foxytaughtyou) June 13, 2022

Девојките никогаш не го запознале сопственикот, но кога се обидувале да му се јават, дури и по пристигнувањето, не можеле да го добијат на телефон. „Одговори само преку порака. Никогаш не дознавме како изгледа, звучи и дали е машко или женско“, пишува Џоана. Таа повикала и полиција на местото, заради пријава, но ни тие не реагирале. Исто така, „Ер-БНБ“ не им понудиле враќање на парите, туку само ново сместување. „За среќа, ги забележавме камерите и излеговме од таму. Но, немаме поим какви снимки има сопственикот и што прави со нив. Ни требаат одговори“, истакна Џоана. Корисниците се сложија дека ова е нешто што може да му се случи на секого.

Анонимуси хакирале надзорни камери на семејни куќи во Русија

Ристе Здравков — Fri, 18 Mar 2022 09:56:30 +0000

Анонимуси упаднаа и во надзорните камери на семејните куќи, па цел свет можеше да погледне во домовите на руските цивили, но подоцна се предомислија и решија да го отстранат пристапот до овие камери за да ја заштитат приватноста на луѓето. На страницата што ја формираа за таа цел, нарекувајќи ја „Зад непријателските линии – во живо“, тие ја опишаа нивната цел да ја запознаат руската нација за тоа што се случува во Украина и да им кажат дека државната пропаганда им го пере мозокот. Речиси 150 милиони Руси не ја знаат вистината за причините и текот на војната во Украина. Нив ги храни пропагандата од Кремљ. Во Русија нема слободни медиуми, а интернетот е цензуриран. – Имаме можност да се обидеме да пренесеме директна порака до луѓето во поробената земја – ги објаснуваат Анонимус причините за лансирањето на страницата. Им порачуваат на Русите дека цел свет ќе им помогне доколку решат да се борат со диктаторот.

Фуркан му ја заврши кариерата на Бочварски (ВИДЕО)

Ристе Здравков — Sat, 12 Feb 2022 08:38:01 +0000

Односот на ПР шефовите на Владините институции кон новинарите и снимателите е катастрофален. Ова да се случеше само еднаш, ќе поминеше со извинување, но некој што зима плата од мој данок да се однесува како шеф во јавна институција е тотално недозволиво. Спуштањето на камерите е само мал гест за да ви кажеме гласно и јасно дека нема да се толерира вакво однесување! Знаеме кај бевме до 2016, не сакаме и нема да дозволиме повторно да се вратиме таму. Ако не сакате да има слободни медиуми, донесете закон и укинете ги. Снимајте се сами, и објавувајте по социјални мрежи. Се додека не се донесе тој закон, ние сме тука за да гласно и јасно го пренесеме тоа што го мисли обичниот граѓанин. Гласно со или без микрофон, одблиску и оддалеку, ќе се прашува за теми кои се од јавен интерес, а не за теми кои вие ги бирате. Фесјбук статус на Фуркан Салиу!

Медиумите ги спуштија камерите пред Бочварски: Министерот им се извини, ќе имало многу настани за да се поправат

Ивона Петрова — Fri, 11 Feb 2022 13:37:30 +0000

Здружението на новинари и ССНМ денеска реагираа откако на настанот на кој беа повикани да го проследат пристигнувањето на авионот од првата авионска линија Софија-Скопје, медиумите беа попречени од својата работа. -За каков било ненамерен пропуст што се случил при денешната посета и средба меѓу нас и бугарските колеги би сакал да се извинам, рече денеска министерот за транспорт и врски, Благој Бочварски пред почетокот на прес-конференцијата во Клубот на пратениците каде се одвиваше средбата со неговиот бугарски колега Николај Сабев, како и со туроператорите од двете држави. Бочварски истакна дека ќе има уште многу настани како денешниот кои ќе бидат прилика владите и институциите да ги поправат сторените пропусти. -Ова е прв лет Скопје – Софија, а ние рековме дека ги отвораме вратите и ве уверуваме дека ќе има уште многу можности и летови, сите вакви пропусти ќе ги поправиме и како влади и како институции, напомена министерот откако претходно новинарот Фуркан Салиу вербално реагираше за односот кој медиумите. Салиу му порача на министерот, да не праќаат покани, ако не дозволуваат соодветно покривање на настаните. -Овој микрофон се плаќа од јавни пари и имам право да ви кажам тоа што го мислам во име на новинарите и снимателите и во име на ЗНМ и Синдикатот на новинари кои веќе реагираа. Бараме да ни овомзожите исти услови за работа како на вашите фоторепортери и сниматели. Ако сакате само тие да ве снимаат, а ние не, не праќајте покани ама да знаеме дека во оваа држава не постојат медиуми. Си имате Вие Ваш ПР центар и продолжете, рече новинарот Фуркан Салиу по што ја спушти камерата на неговиот медиум пред министерот, а тоа го сторија и уште еден снимател и фоторепортер.

ИСКЛУЧЕНИ И КАМЕРИТЕ НИЗ ЦЕЛАТА ЗЕМЈА: Срамот на неспособната власт за справување на снегот резултираше со „Error“, граѓаните гневни

Дарко Андоновски — Sat, 13 Feb 2021 18:12:41 +0000

Снегот повторно како и секоја година ги изненади надлежните. Овој пат камерите на Јавното претпријатие државни патишта се исклучени за да не гледаат граѓаните колку е натрупан снегот и не е исчистен од патарините, па се до граничните премини. Патиштата инаку денеска во текот на целиот ден не се чистат од надлежните институции, додека забрана за движење се издава речиси на секој час на критичните места во земјава. Граѓаните во се поголем дел незадоволни испраќаат фотографии од ситуацијата низ државата со снегот, додека власта мудро молчи за време на викендот кој е неработен за претпријатијата.

ФОТО: Камерите на интерно искречени со поликолор – по грешка или намерно?

Тале Кристо — Fri, 08 Jan 2021 12:15:35 +0000

Намерно или по грешка? Мајсторите кои ги варосувале просториите на Клиниката за интерна медицина – ги варосале и безбедносните камери кои пред неколку години беа поставени таму. Ова го покажуваат фотографиите кои вработени во Пулмологија ги доставија до редакцијата на Лидер и ни посочија дека вака било на цела клиника. Извор: Лидер

ВИДЕО: Сари запали цигара на трибина, неговата реакција откако сфати дека има камери ќе ве насмее до солзи

Магдалена Андонова — Sun, 02 Aug 2020 10:57:22 +0000

Тренерот на старо-новиот италијански прват Јувентус, Маурицио Сари е познат по тоа дека е страствен пушач и дека не може да издржи без цигара. На синоќешниот последен меч од продолжената сезона со Рома, на трибините седеше сам и запали една цигара. Набргу, откако ја запали цигарата, сфати дека го снимаат камери, и веднаш ја сокри, како мало дете кое се крие од своите родители. Реакцијата за кратко време стана хит меѓу социјалните мрежи, а Сари се најде на тапет на сеир кај многу твитерџии.

Maurizio Sarri illegale #mauriziosarri #juventus pic.twitter.com/TbobR2WnQQ
— dino siesto (@siesto_dino) August 1, 2020