Камила Валиева – Kurir.mk

Скандал на ЗОИ: Чудото од дете кое пркосеше на гравитацијата Камила Валиева позитивна на допинг тест

Ристе Здравков — Thu, 10 Feb 2022 19:11:13 +0000

Младата руска лизгачка Камила Валиева во понеделникот испиша историја на Олимписките игри како прва, која успеала да направи два четирискока за време на тимскиот натпревар. Русија го освои златото пред САД и Јапонија, но церемонијата на доделување на медалите не се одржа. Причина за ова е најверојатно позитивниот тест на допинг на Валиева. Иако засега нема официјална потврда од Интернационалниот олимписки комитет, дел од руските медиуми уште вчера објавија дека Валиева била позитивна на недозволената супстанца триметазадин. Овој лек се препишува за ангина или болки во градите, па сега не е јасно дали 15-годишната лизгачка имала медицинско оправдание за користење на лекот, кој од 2014 година е на забранетата листа на супстанци на Светската анти-допинг агенција. Валиева утринава во Пекинг се појави на тренинг, но не сакаше да дава изјава за медиумите и да ги искоментира шпекулациите. ИОК засега останува на својот став дека церемонијата на доделување на медалите во тимското натпреварување не се одржало поради правни проблеми. Според правилата, малолетник кој е позитивен на допинг не смее да биде објавен јавно со име и презиме и треба дозвола од родителите.

Скандал во Пекинг: 15-годишната руска лизгачка позитивна на допинг

Тале Кристо — Thu, 10 Feb 2022 08:43:23 +0000

Руската лизгачка Камила Валиева (15), најзаслужна за екипното злато на овој тим, била позитивна на допинг тестот пред ЗОИ во Пекинг. Таа земала триметаздин, лек кој се користи при срцеви заболувања. Тоа, како што се наведува, ѝ помогнало да се зголеми протокот на кртва и да се подобри издржливоста, а овој лек се наоѓа на листата на забранети супстанци на Светската антидопинг агенција. Валиева дала примерок од крв по Европското првенство во Естонија минатиот месец. Уште не е јасно дали Русија ќе се жали, а нејзиното појавување на денешниот тренинг покажа дека ОК Русија не ја прифаќа оваа одлука, која би ја елиминирала од понатамошно натпреварување. -Таа не е суспендирана, вели портпаролката на ОК Русиjа, Олга Јермолина. Позитивниот тест на Валиева може да ја чини Русија златен медал. Најпознат случај на допинг со овој лек е оној од 2014 година коха кинеската пливачка ѕвезда Сун Јанг беше позитивен на него, а беше суспендиран на три месеци.

ВИДЕО: Камила Валиева (15) испиша историја, изведе „невозможен“ скок за олимписко злато

Ивона Петрова — Tue, 08 Feb 2022 06:53:51 +0000

Руската репрезентација се закити со најсјајното одличје на тимското натпреварување во уметничко лизгање, за тоа најзаслужна е тинејџерката Камила Валиева која има само 15 години и е веќе потврдена како екстра квалитет во овој спорт. Валиева е првата во уметничко лизгање во историјата што извела четирискок на Олимписки игри. Оваа фигура таа успеа да ја направи два пати при својот настап.