камила – Kurir.mk

„Таа е злобна маќеа“: Камила е причината поради која Кралот Чарлс ги избрка Хари и Меган од дома – еве што се случило

Ивана Ефремовски — Fri, 03 Mar 2023 19:59:44 +0000

Кралот Чарлс реши да им го одземе британскиот дом на Хари и Меган откако дозна дека војводата ја „оцрнил“ маќеата Камила. Се вели дека Чарлс почувствувал дека неговиот син „ја преминал границата“. Изворите рекоа дека кралот бил огорчен од низата обвинувања од страна на Хари, како што е неговото тврдење дека Камила е одговорна за „протекување“ на приказни до медиумите. Војводата, исто така, ја нарече кралицата негативец во ТВ интервјуа кои ги промовираа неговите мемоари. Чарлс презеде решителна акција веднаш откако помошниците му предадоа досие со наоди кои откриваат детали од контроверзната книга. Кралските упатени извори рекоа дека откритијата предизвикале непоправлива штета на односите на Хари со неговиот татко Чарлс и брат принцот Вилијам. Хари рече дека се плаши дека Камила ќе се претвори во „злобна маќеа“. Војводата од Сасекс призна дека на крајот само сакал Камила да биде среќна за да биде помалку опасна. Во едно ТВ интервју, Хари додаде: „Таа беше негативецот. Таа беше третата личност во нивниот брак“.

Камила ќе ја носи круната на кралицата Марија, прабабата на Чарлс Трети

Ивона Петрова — Fri, 24 Feb 2023 08:19:40 +0000

На крунисувањето на британскиот крал Чарлс Трети и сопругата на кралот на почетокот на мај, Камила ќе ја носи круната на кралицата Марија, објави Бакингемската палата. Круната е стара повеќе од еден век и е нарачана од кралицата Марија за нејзиното крунисување во 1911 година. Ќе биде изменета за важната церемонија на 6 мај. Ова е првпат во поновата историја постоечката круна да се користи за крунисување на кралица, наместо да се нарача нова, велат од палатата. Се вели дека потегот е направен „во интерес на одржливоста и ефикасноста“. Круната ќе биде обновена со неколку дијаманти Кулинан - исечени од најголемиот дијамант некогаш ископан кој бил откриен во Јужна Африка во 1905 година - како почит на покојната кралица Елизабета Втора. Дијамантите со години беа дел од нејзината лична колекција накит и често ги носеше како брошеви. Некои од дијамантите биле вметнати во круната на кралицата Марија за крунисувањето во 1911 година. Отстранета е од својата редовна изложба во Лондонската кула бидејќи златарот ќе направи некои други мали промени на круната. Кралот Чарлс Трети ќе ја носи круната на Едвард на крунисувањето во Вестминстерската опатија. Веќе е модифицирана и вратена во кулата. Подготовките за крунисувањето на 6 мај, на кое ќе присуствуваат високи личности од целиот свет и ќе го следат милијарди луѓе, продолжуваат да се забрзуваат.

ФОТО: Чарлс Трети ја објави првата божиќна честитка како крал

Ивона Петрова — Mon, 12 Dec 2022 09:04:41 +0000

Бакингемската палата во неделата објави фотографија за првата божиќна честитка на кралот Чарлс како монарх. Тој е сликан со сопругата Камила на Игрите Браемар во Шкотска. Станува збор за прослава на традиционалните шкотски игри, спортови и танци во Браемар, село на околу сто километри западно од Абердин, кое се наоѓа во соседството на летната резиденција на кралот, Балморал. Фотографијата која ја избраа Чарлс и Камила е направена на 3 септември, непосредно пред неговото доаѓање на тронот. Кралицата Елизабета, која го пропушти тој настан оваа година за првпат во своето 70-годишно владеење, почина помалку од една недела подоцна.

🎄✉️ We’re pleased to share this year’s Christmas Card from The King and The Queen Consort. 📸 @samhussein, taken at the Braemar Games in September 2022. pic.twitter.com/Dzpqf62TWf
— The Royal Family (@RoyalFamily) December 11, 2022

Оптичка илузија која открива висок коефициент на интелигенција: Дали можете да ја забележите скриената камила?

Ристе Здравков — Thu, 03 Nov 2022 12:31:25 +0000

Луѓето со висок коефициент на интелигенција можат да ја забележат скриената камила на оваа фотографија за 21 секунда. Дали сте меѓу нив? Оваа оптичка илузија ве предизвикува да ја пронајдете камилата скриена на сликата. На сликата можете да видите двајца Арапи кои стојат во пустината. Значи, најтешкиот дел од оваа оптичка илузија е да се забележи скриената камила. Фотографијата остави илјадници возрасни луѓе да се „чешаат за глава“ додека се обидуваат да ја забележат скриената камила во пустинската слика. Можете ли да ја забележите скриената камила? Можеби изгледа премногу тешко да се најде камилата, но навалувањето на сликата надесно може да помогне. . . . . . . . . . . . . . . . . .

Кралот Чарлс Трети прекинува традиција долга 185 години

Ивона Петрова — Sun, 16 Oct 2022 20:56:44 +0000

Кралот Чарлс Трети и кралицата сопруга Камила не планираат да се преселат во официјалната резиденција во која живеела кралицата Елизабета, во Бакингемската палата, пренесуваат британските медиуми. Кралската двојка не планира да се всели во официјалната кралска резиденција, каде што живеат сите британски кралеви и кралици од 1837 година, кога на тронот дојде кралицата Викторија. Палатата се реновира и треба да биде отворена во 2028 година. Неговото височество и сопругата кралица Камила одлучиле да останат во нивната резиденција Кларенс Хаус, која е на неколку минути пешачење од Бакингемската палата, каде што живеат од 2003 година. Бакингемската палата ќе продолжи да биде официјална резиденција на монархијата. Кралот Чарлс смета дека палатата не е прилагодена на модерниот начин на живот и модерните погледи на светот, ниту во финансиска, ниту во еколошка смисла. Тој сака да ја отвори Бакингемската палата за јавноста. Како што пишуваат британските медиуми, кралот Чарлс смета дека сè треба да еволуира, а во модерната ера луѓето сакаат да ги посетуваат палатите. Тие треба да бидат јавен простор за посетители. Во Бакингемската палата наводно се размислува за постојана изложба во чест на кралицата Елизабета Втора.

Човек кој со години тврди дека е таен син на кралот Чарлс и кралицата Камила, сега бара ДНК тест

Магдалена Андонова — Thu, 15 Sep 2022 10:17:04 +0000

Австралиецот Сајмон Доранте-Деј (56) со години се обидува да ја убеди јавноста дека е син на кралот Чарлс Трети (73) и кралицата Камила (75), а сега овој човек, чие средно име е Чарлс, бара и ДНК анализа за да ги потврди своите тврдења пред сите. Сајмон е роден на 5 април 1966 година во Хемпшир и живее во Австралија. Семејството во кое бил израснат го посвоила кога имал само 18 месеци. Неговата посвоена мајка била Винифред, поранешна вработена кај кралицата Елизабета Втора и принцот Филип. Таа наводно многу често му кажувала за неговитеродители, а јасно го открила нивниот идентитет. Роден е кога Чарлс имал 17, а Камила 18. Инаку, Доранте-Деј со својата приказна дека е син на кралот Чарлс и кралицата Камила излезе во јавноста во 2019 година, а потоа тврдеше дека бил убеден дека е зачнат за време на првата афера на кралската двојка кога Чарлс имал само 17 години и Камила имла 18 години. Своите тврдења дека припаѓа на кралското семејство ги поткрепи со фотографии од младоста на кои има неверојатна сличност со кралот и војвотката од Корнвол. Наводно, и покојната принцеза Дијана била свесна за фактот дека тој е вонбрачен син на кралската двојка. - Верувам дека принцезата Дијана знаеше дека постојам и дека ги „склопуваше коцките“. Мислам дека наоѓаше се повеќе одговори за нејзиниот живот, за тоа какво зло и е направено и сакаше да излезе во јавноста со тоа пред нејзината смрт - изјави Сајмон за австралиското списание New Idea. Да потсетиме, Чарлс зад себе има пропаднат брак со принцезата Дијана со која беше од 1981 до 1996 година. Во бракот имаа два сина, Вилијам и Хари. Осум години по смртта на принцезата Дијана, Чарлс се оженил со Камила, во која бил вљубен уште од раната младост.

Камила признаена како Кралска дама: Воведена во британскиот „највозрасен ред“ на витештвото

Катерина Бојаџиева — Tue, 14 Jun 2022 12:25:08 +0000

Војвотката од Корнвол, Камила слави свечен настан заедно со британската кралица Елизабета Втора и нејзиниот син-престолонаследник, принцот Чарлс. Имено, вчера, кралицата формално ја воведе војвотката (74) во „највозрасниот ред“ на витештвото во Обединетото Кралство – Редот на жартиерот. Во чест на оваа пригода, Бакингемската палата објави нов портрет на Камила заедно со Чарлс (73) и 96-годишниот монарх. Приватната свеченост се одржа во Собата на жартиерот во замокот Виндзор. Таа сега и формално е признаена како Кралска дама, во Редот на жартиерот. Жартиер, инаку, е подврска за придржување на чорапите, појасче коешто се врзува веднаш под коленото. Камила е почестена и „многу задоволна“ од новата титула, изјави за „Пипл“ извор од кралското семејство. Во традиционалната пригодна кадифена облека и капа, Камила застана до кралицата Фотографијите ја симболизираат иднината на монархијата. Кралицата, која страда од постојани проблеми со подвижноста и користеше бастун за време на службата, не им се придружи на членовите на нејзиното семејство во јавниот дел од кралскиот настан вчера. Таа беше домаќин на приватниот состанок и ручекот внатре во замокот. Секој јуни, Големата поворка на витезите се одржува во замокот Виндзор, придружувана од марш на музичари и офицери на Редот, во свечена облека. Витешкиот Ред на жартиерот бил основан од кралот Едвард Трети во 1348 година.

Ја сметаа за виновна за смртта на принцезата Дијана: Еве каква е всушност Камила – познаник на двете ја шокираше јавноста со оваа изјава

Магдалена Андонова — Mon, 06 Jun 2022 20:08:29 +0000

Принцот Чарлс се ожени со Камила четири години по смртта на принцезата Дијана, што јавноста не можеше да го поднесе, обвинувајќи ја за прекин на врската на кралската двојка. Фотографот Артур Едвардс сега тврди дека Камила е многу попристапна и пољубезна од покојната Лејди Ди. -Дијана е мртва 25 години, па полека паѓа во заборав кај луѓето и тие сега ја прегрнуваат Камила. И знаете што? Камила е пољубезна од Дајана, со неа е полесно. Дијана знаела да е нерасположена и во тоа време не разговарала со сопствената мајка, но и со Сара Фергусон поради смешни кавги. Тоа нема да го доживеете од Камила, изјавил Артур за магазинот Stellar. Откако кралицата Елизабета ја одобрила свршувачката, парот се венчал на 9 април 2005 година во замокот Виндзор.

ПО СМРТТА НА ПРИНЦЕЗАТА ДИЈАНА, ЦЕЛИОТ СВЕТ ЈА МРАЗЕШЕ КАМИЛА: Дури сега стана јасно каква личност навистина е таа!

Ивана Ефремовски — Mon, 06 Jun 2022 07:05:09 +0000

По трагичната смрт на принцезата Дијана, многумина не можеа да ја поднесат новата сопруга на принцот Чарлс, Камила Паркер Боулс. Сепак, кралскиот фотограф Артур Едвардс сега тврди дека Камила, војвотката од Корнвол, е пољубезна и многу попристапна од покојната принцеза од Велс. -Дијана е мртва 25 години, па полека паѓа во заборав кај луѓето и тие сега ја засакаа и прифатија Камила. И знаете што? Камила е пољубезна од Дијана, со неа е полесно. Дијана знаела ќесто да е нерасположена и во тоа време не разговарала со сопствената мајка, но и со Сара Фергусон поради смешни кавги. Тоа нема да го доживеете од Камила, изјави Артур за списанието Stellar. Да потсетиме, Камила пред неколку месеци ја посети украинската заедница во Велика Британија, кога не можеше да ги сокрие солзите за време на целата посета што ја забележаа камерите. Имено, принцот Чарлс и Камила сакале да ја изразат својата поддршка за Украина, па ја посетиле нивната заедница во Велика Британија. „Се молиме за вас“, рече кусо војвотката од Корнвол, добивајќи дополнителни симпатии и поддршка од јавноста. Чарлс и Камила се венчаа на 9-ти април 2005 година во замокот Виндзор, откако кралицата Елизабета му дозволи на нејзиниот син да има врска со Камила и ја намали контроверзноста околу нивната врска. Војвотката од Корнвол никогаш не била популарна во јавноста поради улогата во врската меѓу принцот Чарлс и покојната принцеза Дијана, но се чини дека тоа се променило со текот на годините, а многумина шпекулираат дека таа би можела да биде новата кралица.

Шок во Англија по одлуката дека Камила ќе стане кралица – сега сите се прашуваат што ќе се случи со нејзините деца од првиот брак, еве го законот!

Дарко Андоновски — Mon, 07 Feb 2022 14:12:46 +0000

Кралицата на Велика Британија, Елизабета Втора годинава ја прославува 70-годишнината на стапувањето на престолот, одбележувајќи ја, меѓу другото, и со изјава дека сака Камила Паркер Боулс да стане кралица на денот кога нејзиниот син ќе стане крал. Последниве 17 години, откако Камила и принцот Чарлс се во брак, се сметаше дека таа нема да ја преземе титулата кралица и оти на денот кога Чарлс ќе стане крал, таа ќе остане „принцеза сопружничка“. Одлуката Камила да биде „само“ принцеза беше донесена поради атмосферата што владее околу неа последните речиси 40 години. Законски, Камила ја има титулата принцеза од Велс, но не ја користи. Кралското семејство проценило дека јавноста лошо ќе реагира доколку Камила ја преземе титулата на покојната принцеза Дијана, за која Британците тагуваат веќе 25 години од нејзината смрт. Освен тоа, Камила е сметана за одговорна за пропаѓањето на бракот на Дијана и Чарлс. Но, она што беше сосем незамисливо пред 20 години ќе стане реалност – по волја на кралицата на Велика Британија, ако принцот Чарлс стане крал, тој ќе има право на својата сопруга да ѝ ја додели титулата кралица. Но, Камила ќе биде и првата кралица во историјата која зад себе има поранешен сопруг и деца од првиот брак. Таа била мажена за Ендрју Паркер Боулс и има две деца – Том и Лора. Според официјалните кралски правила и решенија, тие двајца нема да добијат никакви титули. Член на кралското семејство може да се стане само со раѓање или преку брак. Тоа значи, не постои можност Том и Лора, во овој случај посинокот и поќерката на идниот крал, да добијат некакви кралски титули и привилегии. А пак, правото на британскиот престол може да се стекне само со раѓање. Така што, и гласините дека Камила би можела да стане монарх по евентуална смрт на Чарлс, се целосно неосновани.