камион на смртта – Kurir.mk

Обвинение и за 23-годишен Ирец за „камионот на смртта“

Тале Кристо — Sun, 24 Nov 2019 15:28:23 +0000

Британското обвинителство го обвини и 23-годишниот северен Ирец, Кристофер Кенеди, за смртта на 39-те Виетнамци чии тела минатиот месец беа пронајдени во камион ладилник. Полицијата наведе дека Кенеди е обвинет за завера за организирано шверцување луѓе и завера дека ги прекршил британските имиграциски закони. Пред судот тој ќе се појави утре. Телата на починатите Виетнамци беа откриени на 23 октомври во местото Грејс. Полицијата претходно го обвини и 25-годишниот Морис Робинсон, возачот на камионот од Северна Ирска, по 39 точки за убиство од небрежност и завера за шверцување луѓе. Во обвиненето се наведува дека тој го донел камионот до Парфлит, во Англија, каде бил преземен ладилникот што со траект пристигнал од Зебриж, во Белгија.

Меѓу жртвите во камионот- ладилник има 10 тинејџери

Катерина Бојаџиева — Fri, 08 Nov 2019 18:01:41 +0000

Меѓу 39-те виетнамски жртви, чии тела беа пронајдени на 23 октомври во камион-ладилник во близина на Лондон, има десет тинејџери, соопшти денеска британската полиција. Полицијата ги соопшти имињата во еден од најголемите случаи на шверц со луѓе во историјата на земјата. – Наш приоритет беше да ги идентификуваме жртвите, да го сочуваме достоинството на оние кои го загубиле животот и да ги поддржиме семејствата и пријателите на жртвите, истакна помошник шефот на полицијата Тим Смит. Британските власти во соработка со виетнамската полиција извршија идентификација на телата пронајдени на 23 октомври во камион-ладилник во местото Есекс. Полицијата минатата недела соопшти дека сите жртви се виетнамски државјани. Примероци од ДНК се земени од семејствата во Виетнам, кои се сомневале дека нивни роднини се наоѓаат во тој камион.

Уапсено уште едно лице поврзано со смртта на мигрантите во Велика Британија

Дарко Андоновски — Fri, 01 Nov 2019 16:49:45 +0000

Уште едно лице обвинето за убиство од небрежност поради смртта на 39 луѓе во камион во близина на Лондон е уапсено, соопшти денеска британската полиција. Исто така, британската полиција упати апел до двајцата браќа кои се вмешани во случајот да се предадат. Наводниот возач на камионот, Емон Харисон (23) од Северна Ирска веќе е обвинет по 39 точки за убиство, како и за трговија со луѓе и имиграција.

Детали од кои ќе ви се заледи крвта- еве против кого води полицијата истрага поради смртта на 39-те лица во камионот на смртта

Дарко Андоновски — Tue, 29 Oct 2019 15:37:01 +0000

Британската полиција денеска соопшти дека води истрага за двајца браќа од Северна Ирска поради смртта на 39 лица, чии тела беа пронајдени минатата недела во камион во близина на Лондон. Полицијата во Есекс соопшти дека Ронан Хјуз (40) и неговиот брат Кристофер Хјуз (34) од Арма се осомничени за убиство и трговија со луѓе. – Во моментов веруваме дека се во Северна Ирска, но тие се исто така се поврзани и со Република Ирска, рече главниот инспектор Стјуарт Хупер и додаде дека клучно за истрагата е двајцата браќа да бидат пронајдени и испитани. Возачот на камионот-ладилник Морис Робинсон, кој е обвинет за смртта на 39 луѓе, беше на суд во текот на вчерашниот ден. Детективите кои го истражуваат овој случај, покрај Робинсон, уапсија уште три лица, но тие се ослободени со кауција

Кинеската амбасада: Не е потврдено државјанството на починатите 39 лица

Ивона Петрова — Fri, 25 Oct 2019 07:16:40 +0000

Кинеската амбасада во Лондон соопшти дека британската полиција се уште не може да потврди дали 39-те лица кои беа мртви пронајдени во камион, биле кинески државјани. Медиумите претходно јавија дека британската полиција соопшти, а Пекинг потврдил дека починатите 31 маж и осум жени биле државјани на Кина. -Британската полиција рече дека го проверува идентитетот на починатите и не е во можност сега со сигурност да каже дека лицата се кинески државјани, наведува амбасадата на Кина во Лондон. Во меѓувреме, Глобал Тајмс оценува дека не е можно да се каже колкава е одговорноста за трагедијата, но напоменува дека „толку сериозна хуманитарна катастрофа се случила пред очите на Британците и Европејците“, пренесува Ројтерс.