камион – Kurir.mk

Полициски автомобил удрил во камион и излетал од патот

Тале Кристо — Sun, 06 Aug 2023 15:09:53 +0000

Полициска кола синоќа излетала од патот по удар од товарно возило што носело дрва, информираат денеска од Министерството за внатрешни работи. - Околу 21 часот на патот кон вештачкото езеро во Прилеп, полициски службеници од ОВР Прилеп и од СВР Велес дале знак за запирање на товарно возило „форд транзит“ без регистарски ознаки, натоварено со дрва, но, возилото продолжило со движење. Притоа, совозачот фрлал дрва по патот за да го блокира патот на полициските службеници, додека пак возачот на товарното, со задната страна го удрил службеното полициско возило и го спречил да го престигне. По што, службеното возило излетало од патот, се наведува во соопштението на МВР. Товарното возило било пронајдено кај место викано „Три багреми“. Се преземаат мерки за расчистување на случајот.

Камион удри во заштитната ограда на Белата куќа

Тале Кристо — Tue, 23 May 2023 06:07:13 +0000

Уапсен е возачот на камионот, кој синоќа удри во заштитната ограда на плоштадот Лафајет во близина на Белата куќа, соопшти портпаролот на американската тајна служба. „Нема повредени меѓу членовите на Тајната служба и персоналот на Белата куќа, а причината и начинот на судирот се уште се истражуваат“, напиша на Твитер портпаролот на Тајната служба, Ентони Гуглиелми. Неколку улици и пешачки патеки се затворени, соопшти Тајната служба, а телевизијата Фокс 5 објави дека блискиот хотел Хеј Адамс е евакуиран. Телевизијата WUSA прикажа снимка од камионот запира покрај оградата и како униформирани полицајци се приближуваат до возилото. Возачот двапати удрил во оградата, објави WUSA, повикувајќи се на изјави на сведоци.

Десетици повредени во судар на автобус од Полска и камион во Германија

Ивона Петрова — Tue, 09 May 2023 16:42:04 +0000

Десетици луѓе се повредени денеска во судар на автобус од Полска и камион во источна Германија. Полицијата соопшти дека камионот странично удрил во автобусот додека ја менувал лентата на автопатот А12 меѓу градовите Сторков и Федерсдорф, во германската покраина Бранденбург. Според полицијата, повредени се 52 лица, од кои 10 потешко, а состојбата на едно лице е критична. Три хеликоптери, амбулантни возила и полиција се на местото на несреќата каде е затворен дел од автопатот.

Извршил кражба во камион „МАН“, но зажалил – многу брзо им падна во рацете на полицијата

Дарко Андоновски — Wed, 29 Mar 2023 10:25:54 +0000

Ноќеска (29.03.2023) околу 02.10 часот, полициски службеници на СВР Тетово го лишиле од слобода 27-годишниот тетовец И.М.. Тој се сомничи дека претходно извршил кражба од товарно моторно возило „ман“ со тетовски регистарски ознаки, кое било паркирано во тетовско Пршовце. И.М. е задржан во Полициската станица Тетово и по целосно расчистување и документирање на случајот ќе биде поднесен соодветен поднесок.

Ужас во Бугарија: Најмалку 18 мигранти пронајдени починати во камион

Ивона Петрова — Fri, 17 Feb 2023 15:51:23 +0000

Најмалку 18 мртви тела на мигранти се пронајдени во Бугарија во напуштен камион во село во близина на Софија, соопшти денеска бугарското МВР. -Според првите информации, камионот превезувал илегални мигранти, вкупно околу 40 лица, кои се криеле на скриено место под дрвата што се превезувале, соопшти Министерството. Преживеаните се префрлени во болница, за да им биде укажана лекарска помош.

При контрола во камион и магацин пронајдена поголема количина прехранбени артикли со изминат рок на траење, следува поднесок

Дарко Андоновски — Thu, 02 Feb 2023 10:04:18 +0000

На 01.02.2023 во 11.00 часот, полициски службеници од СВР Куманово го лишиле од слобода А.Б.(43) од село Арачиново, скопско, затоа што при контрола во возилото „мерцедес“ со скопски регистарски ознаки, кое го управувал, биле пронајдени околу 200 килограми прехранбени артикли со изминат рок на траење. Исто така, подоцна била извршена контрола и во магацин на ул.„Индустриска“ во Куманово, сопственост на Б.М.(45) од с.Романовце, кумановско, од каде ја зел стоката, при што сопственикот признал дека е негова. Во магацинот биле пронајдени дополнителни околу 600 килограми прехранбени артикли со изминат рок на траење и празна амбалажа за пакување на производите. Пронајдената стока, од Агенцијата за храна и ветеринарство е прогласена за небезбеден производ. Со сопственикот на магацинот бил извршен службен разговор во полициска станица, а по целосно расчистување на случајот, ќе биде поднесена соодветна пријава.

За зимско одржување на државните патишта на располагање 181 камион и 73 машини

Ивона Петрова — Fri, 27 Jan 2023 14:13:48 +0000

Ставена е на располагање целата зимска механизација на ЈП за одржување на регионални и магистрални патишта за претстојните зимски услови на патиштата, утврдиле министерот за транспорт и врски, Благој Бочварски и директорите на јавните претпријатија за патишта, Ејуп Рустеми и Костадин Ацевски, при денешната обиколка на автопатските пунктови за одржување на државните патишта, соопшти Министерството за транспорт и врски. На 38 зимски пунктови на ЈП за одржување на регионални и магистрални патишта низ земјата ставени на располагање се 181 камион и 73 машини за зимско одржување на државните патишта. Јавното претпријатие моментно располага со 12.800 тони сол и дополнително околу 20.000 тони кубни ризла. -Директорот на Јавното претпријатие истакна дека зимските служби работат деноноќно за да се обезбеди непречено и нормално функционирање на сообраќајот на патиштата во зимски услови, информира ресорното Министерство. Најавуваат дека преку ЈП за државни патишта и ЈП за одржување на регионални и магистрални патишта и во наредниот период ќе работат на дополнително зголемување на капацитетите на зимските служби со цел безбедно патување на граѓаните.

ВОЗНЕМИРУВАЧКО ВИДЕО: Ужас на Дакар – камион прегази човек, починал на пат кон болница

Ивона Петрова — Thu, 12 Jan 2023 13:28:20 +0000

Организаторите на најпознатото рели во светот, релито Дакар, објавија дека еден навивач загинал за време на деветтата етапа на трката во вторникот. Чешкиот возач Алеш Лопраис налетал на него со камион, на дините, бидејќи навивачот бил премногу блиску до линијата на движење на возилото. Тој наводно фотографирал жена кога го фатило тркалото од камион и го прегазило. Се видело дека 69-годишниот маж во моментот на несреќата бил сè уште жив, но подоцна доживеал срцев удар и починал на пат кон болница. Лопраис за целата несреќа дознал дури вечерта бидејќи ниту тој, ниту некој од неговата екипа не го виделе прегазениот маж.

Video from Ales Loprais explaining what has happened during stage 9 Source: facebook Ales Loprais#Dakar #Dakar2023 pic.twitter.com/RN5S89rET2
— Rally Raid News (@RallyRaidNews) January 11, 2023

Затоа не застанале и не го запреле возилото, прекршувајќи ги правилата на трката. Во 45-те изданија на релито загинаа дури 73 лица, меѓу кои и 27 натпреварувачи.

ФОТО: Камион се заби во патарина пред Куманово

Тале Кристо — Tue, 10 Jan 2023 21:21:43 +0000

Камион се заби во наплатната станица „Романовце“ пред Куманово, објави порталот Скопје1. Во моментов нејасно е како дошло до несреќата, ниту пак кои се причините. Во правецот моментално работи само една лента, бидејќи се уште камионот е заглавен. Извор: skopje1.mk

Државјанин на Турција е возачот кој со камион пропадна на плоштад, бил изведен пред суд

Ивона Петрова — Wed, 23 Nov 2022 11:17:17 +0000

Возило на приватната компанија чиј камион неовластено влегол на плоштадот Македонија, по што причинил материјална штета - нема дозвола за движење на плоштадот, иако има поднесено такво барање, се огласија од Град Скопје. Оттаму посочуваат дека возачот, странец, државјанин на Турција е приведен и изведен пред суд. За овој настан МВР ќе поднесе и соодветен поднесок. -Градот Скопје по извршениот инспекциски увид издадоа санкција која правното лице ќе треба да ја плати во рок од 10 дена, во спротивно ќе следи прекршочна и кривична пријава, се наведува во соопштението.