канаѓанец – Kurir.mk

Кинескиот суд ja потврди смртната казна на канаѓанецот Роберт Шеленберг

Тале Кристо — Tue, 10 Aug 2021 06:27:29 +0000

Кинескиот суд денеска ја отфрли жалбата на канадскиот државјанин Роберт Шеленберг на смртната казна, на која беше осуден поради шверц на дрога. 36-годишниот канаѓанец беше уапсен во 2014 година за обид да прошверцува 227 килограми метафетамин од Кина во Австралија, беше осуден на 15 години затвор во ноември минатата година, но, по жалбата, судот го осуди на смрт. Канадскиот амбасадор во Кина Доминик Бартон денеска ја осуди одлуката на кинескиот суд со која беше потврдена смртната казна за Шеленберг и повика на помилување, пренесува „Ројтерс“. Амбасадорот им рече на новинарите дека Канада останува длабоко загрижена за произволната употреба на смртна казна од Кина. Бартон рече дека не е случајно што Кина одлучи за жалбата на Шеленберг во време кога во Канада е во тек тужба против извршниот директор на „Хуавеи“, Менг Ванж.

Заврши судењето на Канаѓанец обвинет за шпионажа во Кина

Тале Кристо — Fri, 19 Mar 2021 08:00:18 +0000

Во Кина денеска се одржа судењето против Мајкл Спејвор, еден од двајцата канадски државјани обвинети за шпионажа и притворен од декември 2018 година, соопшти дипломатот во канадската амбасада во Кина Џим Никел. Американски дипломат пред судницата во Дандунг изјави дека судењето зад затворени врати започнало во 10 часот по локално време, дека завршило и дека претстои да биде изречена пресудата. Спејвор и поранешниот дипломат Мајкл Ковриг беа обвинети во јуни минатата година за шпионажа и откривање на државни тајни. Нивното приведување беше потег што се сметаше за притисок врз Отава да ја ослободи финснсиската директорка на Хуавеи Менг Ванџу. Таа беше уапсена на барање на САД на 1 декември 2018 година на аеродромот во Ванкувер. Апсењето на директорката на Хуавеи, а потоа и на двајцата Канаѓани, предизвика невидена дипломатска криза меѓу Пекинг и Отава. Судскиот процес е спроведен во време кога американскиот државен секретар Ентони Блинкенодржува средби со кинески колеги во американската држава Алјаска.

Канаѓанец заработи над 42 милиони евра на божиќниот џекпот

Дарко Андоновски — Sat, 22 Dec 2018 17:17:31 +0000

Жител на Канада заработи 66 милиони канадски долари (42,6 милиони евра), откако го освои божиќниот џекпот на канадската национална лотарија „Лото Макс“, што претставува досега најголема заработка на игрите на среќа во земјата. Добитните броеви беа 7, 21, 23, 31, 34 и 45,со дополнителен број 37. Компанијата организатор на лотаријата О-Ел-Џи информира дека добитното ливче било уплатено во провинцијата Онтарио. Покрај џекпотот, на синоќешното извлекување биле поделени и 20 од 48-те утешни награди. чија вкупна вредност изнесува еден милион канадски долари (646.800 евра). Досега најголемиот џекпот во историјата на игри на среќа во Канада, во износ од 64 милиони кандски долари (41,4 милиони евра), беше исплатен во октомври 2015 година на лотото „6 од 49“.