канал – Kurir.mk

ТЕШКА СООБРАЌАЈКА УТРОВО ВО ВЕЛЕС – автомобил завршил во канал

Дарко Андоновски — Thu, 22 Dec 2022 09:34:34 +0000

Утрово, околу 7 часот се случи тешка сообраќајка кај Раштански пат, во близина на велешката фабрика Киро Ќучук. Младо момче на 24 години кое управувало со автомобил, со возилото прво удрило во неколку дрвја, па завршило во канал веднаш до коловозот. Локалниот портал batali.net пренесува дека повреден е 24-годишен возач. Тој по укажаната помош од страна на медицинскиот персонал на ИПМ, со возило веднаш е префрлен во велешката болница. „Сообраќајна незгода на патот од фабрика Брако кон Киро Ќучук во шанецот до касарната, во која е повредено 1 лице, на,24г возраст, со повреди на врат и горен дел на грбот. Со возило од ИМП пренесен во ургентен хирушки цантар во ЈЗУ Општа болница Велес“, изјави Јадранка Мишкова, дежурен лекар во Итната медицинска помош. Полицијата е на местото на настанот, по што официјални податоци следуваат во текот на денот.

Синиот канал кој ги запали мрежите: Популарно место каде што пливањето не е добра идеја

Ристе Здравков — Fri, 17 Jun 2022 13:06:23 +0000

Интересот на туристите за посета уште повеќе се зголеми во последните неколку години откако се појави синиот канал во областа. Солената пустина Боневил во северозападна Јута, САД, е хит меѓу туристите долги години. Тоа е неверојатна област покрај Големото Солено Езеро – најголемото природно солено езеро на западната хемисфера и едно од најсолените во светот. Интересот на туристите за посета уште повеќе порасна во последната година откако на интернет се појавија фотографии од синиот канал. Неодоливата боја на водата во каналот за разлика од белата средина создава пријатна композиција која многумина решиле да ја фотографираат и објават на своите социјални мрежи. Иако истражувањето на необични и скриени места е омилена активност на светските патници, сепак е важно да се следат правилата на локалното население. Синиот канал е делумно на приватен имот – насекаде има знаци за забрана – и не треба да се посетува без претходно одобрение од сопственикот. Дополнително, треба да се знае дека каналот не е природна појава, туку вештачка креација направена за индустриски цели. Имено, локалната компанија „Intrepid Potash“ го користи каналот како одводен ров во процесот на вадење минерали. Иако водата не е отровна, не е наменета за капење. Исто така, локалните власти предупредуваат дека некои делови од синиот канал може да бидат нестабилни и да пропаднат. Да се задржувате овде не е добра идеја, дури и по цена да се направи совршена фотографија за Инстаграм. Локалните полицајци почнаа да пишуваат казни за да ги спречат љубопитните луѓе да стигнат до синиот канал. Најдобро е да уживате во неговата убавина од безбедно растојание – преку нашата фотогалерија.

Во канал за наводнување кај Виница пронајден женски труп

Тале Кристо — Tue, 18 Jan 2022 13:18:06 +0000

Во канал за наводнување во близина на магистралниот пат А3 кај Виница е пронајдено безживотно тело на средовечна жена. Констатирано е дека се работи за 56-годишната Јасмина Л. од кочанската населба Оризари, која пред неколку дена во Полициската станица во Кочани била пријавена за исчезната. Смртта без траги на насилство ја констатирал лекар од Итната медицинска помош. Увид извршила увидна екипа на ОВР – Виница, а по насоки од Основното јавно обвинителство – Кочани телото на починатата е предадено на семејството.

Извлечена жена од канал во Струмица

Ристе Здравков — Fri, 21 Aug 2020 12:42:02 +0000

Претпладне околу 08:30 часот во близина на Рекиџиски мост на излезот од Струмица кон село Добрејци, пожарникарите извлекле жена падната во каналот. Таа е извадена жива и неповредена и била предадена на екипа на итната медицинска помош по што била префрлена во струмичката болница. Настанот го потврдија од Територијалната против пожарна единица на Струмица. Во извлекувањето на жената учествувале тројца пожарникари и едно техничко против пожарно возило. Дополнително ќе се утврдуваат причините за незгодата.

Се излизгал од патот и влетал во канал- кога ќе дознаете за каков луксузен „ѕвер“ станува збор и на вас ќе ви биде криво

Дарко Андоновски — Wed, 22 Jul 2020 09:37:20 +0000

На 21.07.2020 во 11.05 часот било пријавено дека на регионален пат с.Крупиште – Пробиштип, на крстосница за населба „Ванчо Прќе“, патничко возило „ауди Q8“, со германски национални ознаки, управувано од З.Т.(49) од Кочани се излизгало во канал покрај патот.

Во незгодата, со тешки телесни повреди се здобила Д.Т.(47) од Кочани, сопатничка во возилото. За настанот бил известен Јавен обвинител, а увид на местото на незгодата извршила екипа од СВР Штип.

Руските власти ископале канал околу едно село за да го стават во карантин

Магдалена Андонова — Mon, 06 Jul 2020 18:18:57 +0000

Руските власти ископале канал околу оддалечено сибирско село Шулута за да го стават во карантин, откако десетици жители биле заразени со коронавирусот, за што локалните власти веруваат дека се проширил преку традиционален шамански ритуал. Селото Шулута, што се наоѓа на околу 30 километри југоисточно од езерото Бајкал, во сибирската провинција Бурјатија, има 37 потврдени случаи на коронавирус меѓу неговите 390 жители, пренесуваат британските медиуми. -Се верува дека уште 95 лица биле во контакт со заразените и сега и тие мора да бидат ставени во карантин, изјави директорот на локалната администрација Иван Алхеев. Тој рече дека инфекцијата се појавила откако десетина селани на 10 јуни учествувале во шаманскиот обред што го предводела заразена жена. Рововите околу Шулута беа ископани на 29-ти јуни, како мерка за спречување на туристите да се возат низ селото кон блискиот Национален парк Тунка, како и да се ограничи движењето на локалните жители, од кои некои беа скептични во врска со наредбата да се замоизолираат. (МИА)

Хорор во каналот на смртта: Двајца загинаа каде што беше убиена славната пејачка

Ивана Ефремовски — Sat, 03 Feb 2018 11:45:08 +0000

Страшна сообраќајна несреќа се случи во 9:50 во Борча, на патот кон населбата Црвенка, кога автомобил "поло" слета во канал! Итна помош, полицијата и пожарникарите брзо стигнаа на местото на настанот, а автомобилот е извлечен од каналот. Дури тогаш - две безживотни тела, машко и женско, се извадени од каналот. Увидот е во тек. Низа трагедии се случиле на ова место. Онаа што го потресе Балканот е кога кај овој канал беше пронајдено мртво телото на пејачката Јелена Маријановиќ.