канализација – Kurir.mk

Забрането пливање на познатата хрватска плажа

Ивона Петрова — Sun, 27 Aug 2023 08:12:04 +0000

Поради загадувањето не се препорачува капење на плажата Марек во центарот на Задар до понатамошно известување. Препораката е издадена врз основа на извештај од Задарскиот институт за јавно здравје поради краткотрајно загадување на морето. -Градскиот институт ќе го следи квалитетот на морето и ќе ја информира јавноста за прекин на загадувањето на морето, стои во соопштението. Неофицијално се дознава дека загадувањето настанало поради излевање на фекалии од канализацијата.

Во канализација во Њујорк пронајден вирус на детска парализа

Ивона Петрова — Sat, 13 Aug 2022 14:06:02 +0000

Здравствените власти во Њујорк вчера објавиле дека во канализација е пронајден вирус на детска парализа. Потврдени биле примероци од отпадните води дека во нив се наоѓа овој вирус. Државното Министерство за здравство во соопштението навело дека откривањето на вирусот повлекува итност за вакцинација на сите возрасни лица и деца во Њујорк, особено во поширокото градско подрачје, пренесува Тајмс. Соопштението е издадено три недели откако кај еден човек е дијагностициран случај на детска парализа, а кој останал неподвижен. Официјалните лица велат дека детската парализа во отпадните води ја има од мај месец.

The NYC Health Department and @HealthNYGov have identified poliovirus in sewage in NYC, suggesting local transmission of the virus. Polio can lead to paralysis and even death. We urge unvaccinated New Yorkers to get vaccinated now: https://t.co/ELJCZi1WOL pic.twitter.com/TTmjZWhwtd
— nychealthy (@nycHealthy) August 12, 2022

Стојкоски: Орман добива канализација

Ивона Петрова — Wed, 17 Nov 2021 08:48:28 +0000

Јамите ќе ги замениме со примарна и секундарна канализација. Орман за една година, треба да ја има. Како ново раководство на Ѓорче Петров, правиме сѐ, за и во другите населени места таа да биде изградена што поскоро, вели градоначалникот на Општина Ѓорче Петров, Александар Стојкоски. -Бев во Орман, направив увид во работите, кои течат со забрзана динамика. Целта на сите ни е канализацијата да се изгради, а потоа, сите домаќинства да бидат приклучени на неа. Свесен сум дека има и места каде со години се чека доградба на оваа мрежа. Веќе заедно со службите правиме планови, но и го усогласуваме буџетот, за што поскоро да се отпочне со завршување и секако, конечно да се заврши истата! Верувјте, да имам можност, не би чекал ни минута, а посебно со оглед дека ќе има подобар живот за сите нас! И да, ќе бараме средства за изградба на нова пречестителна станица. Ќе бидеме пример за сите други општини, затоа што Ѓорче ќе е модерно, урбано, хумано, посочува Стојкоски.

Ги мачела неподнослива миризба во спалната соба – од ова што го нашле под тепихот ќе ви се згрози животот (ВИДЕО)

Магдалена Андонова — Sat, 21 Aug 2021 18:50:25 +0000

Корисничката на Тикток, Кенди Рејн, неодамна одлучи да реновира куќа стара повеќе од половина век, а една од причините била неподносливата смрдеа што одвреме -навреме се чувствувала во спалната соба. Таа смрдеа повремено предизвикувала расправии со нејзиниот сопруг, имало и ноќи кога меѓусебно се обвинувале за испуштање гасови, но одговорот на сите прашања им го дала „тајната“ која се наоѓаше под тепихот.

@candyrainsalon ##secret ##renovation ##oldhouse ##diy ##mystery ##gross ##renovationproject ♬ original sound - Candy Rain Salon

Еднаш откако конечно го отстраниле, Кенди и нејзиниот сопруг пронашле шахта под која долго време биле поставени дренажни канализациони цевки. Со други зборови, реки од измет течеле под тепихот и покривката, мирисале толку многу што се чинело дека нешто во собата умрело. Видеото собра преку три милиони прегледи на TikTok, а во коментарите беа напишани шеги, предлог да се стави стакло украсено со LED светилки над вратилото со цел да се направи атракција.

Три недели никој не знаеше каде е, а потоа ја најдоа без облека во канализацијата (ФОТО)

Магдалена Андонова — Thu, 25 Mar 2021 15:02:11 +0000

на од Флорида е пронајдена гола во канализација скоро три недели откако беше пријавена за исчезната. Таа тврди дека се заглавила во канализациониот систем. Имено, Линдзи Кенеди беше извлечена од дупка во вторникот откако граѓаните на тротоарот ја слушнаа како вика на Флорида во САД. Службите за итни случаи излегле на лице место и успеале да ја извлечат од канализацијата долга 2,5 метри. Тимот за специјални операции „Delray Beach Fire“ успеа да ја отстрани решетката, да се спушти по скалата и да ја подигне жената од каналот. - Случаен минувач слушна звук од канализацијата. Ја слушнала жената како вика за помош. На наше изненадување, најдовме жена заглавена во канализацијата. Сега, г-ѓа Кенеди, која беше пронајдена гола и покриена со нечистотија, се опоравува во болницата - изјави Дани Москела од противпожарната и спасувачка служба на плажата Делреј. - Не можеше да стане. Не носеше облека и беше многу валкана. Имала и неколку површни рани, а колената имале модринки. Самата помисла дека некое лице може да биде доле во било кој момент е застрашувачка - рече Мосела. Нејзиното момче пред скоро три недели пријави дека ја нема. - Ова беше убедливо еден од најбизарните инциденти на кои одговорија нашите полицајци - рече службеникот за информации за јавност во полициската станица Делрај Бич, Тед Вајт. Кенеди им соопштила на детективите дека одела да плива во поток во близина на куќата на нејзиното момче, за на крај да ја најде вратата што водела кон тунелот. Го следела тој тунел долго време, сè додека не завршила во канализација.

Граѓани на Шутка со голема мака: Подрумите им се под вода, а никој не сака да им помогне

Ивана Ефремовски — Sun, 10 Jan 2021 12:59:26 +0000

Граѓаните од Шуто Оризари на голема мака. Подрумите им се под вода откако на улицата „Диме Мечето“ се прелеа канализациската вода. Жител кој живее на оваа улица, во изјава за КУРИР вели дека уличната канализација е стара и никој не води грижа за тоа што може да се случи со ваквото излевање. Тој вели дека се поплавени 19 подруми што значи дека 19 семејства го имаат овој проблем. Како што ни кажа, екипа на Водовод и канализација дошла на лице место по пријава од граѓаните, но откако направиле увид истакнале дека не е нивна работа.

Скулптура од 4 век п.н.е. пронајдена во канализација во Атина

Тале Кристо — Mon, 16 Nov 2020 07:46:40 +0000

Дел од статуетка на древниот бог Хермес, во добра, соочувана состојба, е пронајдена во центарот на Атина при работа во канализацијата. Во известувањето на грчкото Министерство за култура, се вели дека главата на богот била најдена во петокот и се чини дека датира од крајот на 4-от или почетокот на 3-от век пред нашата ера. Статуата го прикажува Хермес во неговите „зрели години“, стои во соопштението на Министерството, за разлика од неговите вообичаени прикази како млад човек. Откако се нашла во канализационата мрежа, главата во еден миг се заглавила во ѕидот на одводен канал.

Изградба на фекална канализација и пречистителни станици во општина Илинден

Ивона Петрова — Wed, 29 Jul 2020 09:36:04 +0000

Во рамките на реализацијата на капиталниот проект Изградба на фекална канализација и пречистителни станици, во соработка со Агенцијата за финансиска поддршка на земјоделието и руралниот развој, во општина Илинден во тек е изградба на канализациски систем за прифаќање и третман на отпадни води во населено место Кадино во должина од 4.982 метри, со препумпни уреди. Вкупната инвестиција за реализација на овој проект изнесува 23 милиони денари, од кои 14,5 милиони денари се обезбедени од Агенцијата за финансиска поддршка на земјоделието и руралниот развој, а преостанатиот дел од буџетот на општина Илинден. Со канализацискиот систем ќе бидат опфатени 330 домаќинства од ова населено место, како и други јавни објекти со што значително ќе се подобри животната средина и квалитетот на живот. Изградбата на овој систем што се наоѓа во најнискиот дел од Кадино каде што нема фекална канализација треба да биде завршен до крајот на оваа година. Заедно со веќе постоечкиот канализациски систем припадна површина 4, сега со фекална канализација ќе бидат опфатени над 660 домаќинства или, 80% од вкупното население од ова населено место. По завршувањето на изградбата на канализацискиот систем, како што најави градоначалникот Жика Стојановски кој на самото место се запозна со текот на градежните работите, локалната самоуправа планира да работи на подобрување на патната инфраструктура, токму на овие улици каде што минува канализацискиот систем. Во рамките на реализацијата на проектот Изградба на фекална канализација и пречистителни станици досега се изградени 4 сегменти од фекалната канализација, со 5 пречистителни станици на 5 локации, во 4 населени места, и канализациска мрежа во должина од 21.000 метри. На канализацискиот систем кој опфаќа 1500 домаќинства, досега се приклучени 1243 домаќинства. Приоритет во изградбата на сегментите имаат места, области и локации кои подлежат на високо ниво на подземните води. Главна цел е да се прочистат отпадните фекални води од домаќинствата и стопанските објекти и потоа да се пуштат во одводниот реципиент.

Поради еден дожд колабираше цела населба: Усје под вода, канализацијата се излеа (ФОТО)

Ивана Ефремовски — Thu, 04 Jul 2019 17:34:05 +0000

Читател на КУРИР ни ги испрати овие фотографии од скопската населба Усје во Кисела Вода. После дождот канализацијата не можела да издржи и ја враќала водата надвор. Граѓаните сами се снаоѓаат со штетите.

Улицата „12 Другари“ во Кавадарци добива нова канализација

Ристе Здравков — Fri, 08 Feb 2019 10:10:32 +0000

Општина Кавадарци е во фаза на реализација на комунален проект за изградба на канализација. Се работи за нова линија во должина од 250 метри на улицата „12 Другари“, под фудбалското игралиште на ФК „Габер“. За овој проект општината издвојува околу 600.000 денари, пари обезбедени од буџетото, сметка за комунална изградба.