кандидат – Kurir.mk

Мајк Џонсон е најновиот кандидат за претседател на Претставничкиот дом на Конгресот

Тале Кристо — Wed, 25 Oct 2023 06:40:14 +0000

Републиканците го избраа конгресменот Мајк Џонсон за свој најнов кандидат за претседател на Претставничкиот дом на САД, неколку часа откако претходниот кандидат Том Емер ненадејно се повлече. Конгресменот Емер се повлече наспроти противењето на поранешниот американски претседател Доналд Трамп и некои конгресмени од редовите на Републиканската партија. Џонсон од Луизијана, кој е ниско рангиран член на републиканското раководство во Претставничкиот дом, стана четвртиот републикански кандидат по Емер и другите во циклусот политички конфликти што се појавија по смената на Кевин Мекарти од функцијата претседател на Претставничкиот дом. За време на поединечното гласање, Џонсон го освои мнозинството, но пред денешното очекувано гласање во Претставничкиот дом за победа ќе му бидат потребни гласовите на речиси сите републиканци. Американската влада ризикува да се затвори за неколку недели ако Конгресот не го усвои законот за финансирање до 17 ноември за да продолжат да работат службите и канцелариите. Американскиот претседател Џо Бајден побара од Конгресот да одобри 105 милијарди долари помош за Израел и Украина и да ја зајакне границата на САД со Мексико.

Грција ја информирала ЕУ за уапсениот кандидат за градоначалник во Албанија

Тале Кристо — Fri, 12 May 2023 13:49:12 +0000

Официјална Атина ги информирала високиот претставник на ЕУ за надворешна политика и претседателката на ЕК за апсењето во Албанија на кандидатот за градоначалник на Химара од партијата на грчкото малцинство КЕАД Дионисис Фреди Белерис, а министерот за надворешни работи на Грција смета дека доколку нема цврсти докази, апсењето на два дена пред изборите, претставува скандал, јави дописничката на МИА од Атина. Грчкото МНР веќе упати демарш до албанското МНР, амбасадорката на Грција во Тирана Константина Камици го посетила уапсениот кандидат за градоначалник во полициска станица, а реагираа и премиерот и министерот за надворешни работи на Грција. Грчкиот премиер Киракос Мицотакис, на Фејсбук напиша дека ја информирал претседателката на ЕК Урсула фон дер Лајен за „апсењето на два дена пред изборите врз основа на непостоечки обвиненија“ и додаде дека „Албанија мора да сфати дека Грција и ЕУ нема да прифатат отстапки во владеењето на правото и заштитата на правата на грчкото национално малцинство“, а на случајот се осврна и за време на неговиот предизборен митинг на островот Лезбос. Доколку Албанија сака да се приближи до Европската Унија, има обврска да обезбеди слободни и фер локални избори и веднаш да ги ослободи оние што ги затвори за да можат да учествуваат во изборниот процес, порача Мицотакис. Шефот на грчката дипломатија Никос Дендиас, кој учествува на неформалниот состанок на министрите за надворешни работи на ЕУ имал телефонски разговор со албаснкиот премиер Еди Рама, а паралелно ги информирал високиот претставник на ЕУ Жозеп Борел и шведскиот МНР. При пристигнувањето на неформалниот состанок Дендиас рече дека станува збор за „исклучително сериозно прашање“, кое грчката Влада го следи внимателно и истакна дека апсењето на членот на грчкото малцинство и кандидат за градоначалник на Химара заедно со уште еден Грк, „доколку нема цврсти докази е апсолутен скандал“. -Го повторувам она што го препозна и албанскиот премиер Рама. Апсењето на кандидат за градоначалник два дена пред изборите, доколку нема цврсти докази, претставува скандал, истакна Дендиас. Според грчките медиуми, Белери и неговите соработници синоќа биле уапсени пред ресторан, без конкретна причина.

Андрија Мандиќ кандидат за претседател на Црна Гора

Тале Кристо — Tue, 07 Feb 2023 18:32:20 +0000

Црногорската Државна изборна комисија (ДИК) денеска ја потврди претседателската кандидатура на претседателот на Новата српска демократија (НСД), Андрија Мандиќ, откако со проверката беше утврдено дека има доволно важечки потписи за неговата кандидатура да биде валидна. -За никој да не сфати погрешно, административното барање за некомплетноста на одредени потписи беше сосема поинаку од барањето за двојно државјанство. Не сакам да се мисли дека некој од ДИК нема доверба во одредени кандидати и дека нема еднаков пристап кон сите, изјави членот на ДИК Милисав Ќориќ, пренесува РТЦГ. ДИК на седницата во петокот не ја потврди кандидатурата на Мандиќ поради некомплетна документација, па беше побарано кандидатурата на Мандиќ да биде вратена на ревизија. Републичката изборна комисија на Србија (РИК) вчера испратила допис до ДИК, во кој се наведува дека ќе ги проверува наводите за државјанството на Мандиќ, како и на најавениот кандидат Милојко Спајиќ. РТЦГ потсетува дека во петокот ДИК се обрати до Републичката изборна комисија во Србија со барање да им даде информации дали Андрија Мандиќ (ДФ) и претседателскиот кандидат Милојко Спајиќ (Европа Сад) имаат право да гласаат и да престојуваат во Србија.

ВМРО-ДПМНЕ: Кандидатот на СДСМ од Маврово и Ростуше како владин повереник сомнително исплаќал народни пари на својот шура и дедо

Тале Кристо — Thu, 18 Aug 2022 06:47:21 +0000

Кандидатот за градоначалник на СДСМ за општината Марвово и Ростуше, Медат Куртовски од позиција владин повереник исплаќал сомнителни трансакции на свои блиски роднини, велат во партиското соопштение од ВМРО-ДПМНЕ. Имено Куртовски исплатил 1000 евра на својот шура и 950 евра на својот дедо. Вакви скандалозни исплати се правени и во основното училиште во Скудриње. Доколку имаше правна држава уште вчера после објавата на медиумите за оваа афера, надлежните институции ќе отвореа случај за ваквите исплати. Ама институциите молчат, а парите се таманат. Со други зборови функционерите на СДСМ арчат народни пари без око да им трепне и ги делат на свои луѓе како да се работи за семејно наследство. Ете затоа државата и општините раководени од СДСМ се во таква финансиска состојба. Ете затоа сме на ова дереџе. Народните пари ако не се поделени како хонорари, тогаш се дебели криминални тендери, ама битно во џебовите на функционерите на СДСМ. Во услови на тешка криза, 500 илјади сиромашни граѓани, колабирано стопанство, екипата на Ковачевски парите ги арчи и око не им трепнува. Ова мора да престане. Народот ќе ја порази оваа неспособна, неодговорна и криминогена структура на СДСМ, се вели во партиското соопштение на партијата.

Бен Волас нема да се кандидира за лидер на британската Конзервативна партија

Дарко Андоновски — Sat, 09 Jul 2022 12:55:56 +0000

Британскиот министер за одбрана Бен Вoлас, еден од фаворитите за наследник на британскиот премиер Борис Џонсон, денеска изјави дека одлучил да не се кандидира за позицијата лидер на Конзервативната партија. „По внимателно разгледување и разговори со колегите и семејството, донесов одлука да не се кандидирам за лидер на Конзервативната партија“, напиша Валас на Твитер. „Изборот не беше лесен, но мојот фокус е на мојата сегашна работа и на безбедна оваа голема земја“. Џонсон поднесе оставка како лидер на Конзервативната партија по бранот оставки на министри и високи функционери на британската влада, но ќе остане како британски премиер додека не се избере нов партиски лидер. Поранешниот британски министер за финансии Риши Сунак засега ја објави својата кандидатура за наследник на Џонсон.

Официјално: Кирил Петков отпаѓа од игра, Асен Василев е кандидат за премиер на Бугарија

Магдалена Андонова — Fri, 01 Jul 2022 08:06:06 +0000

Поранешниот вицепремиер и министер за финансии во владата на Кирил Петков, Асен Василев, ќе биде кандидат за премиер на Бугарија од „Продолжуваме со промената“, партијата која го има мандатот. Оваа информација за „24 часа“ ја потврдија извори од партијата на Петков која има најмногу пратеници во Собранието. Името на новиот кандидат за премиер треба да го соопшти премиерот во оставка Кирил Петков преку видео порака. Првичната верзија вклучуваше целосна реконструкција. Василев доаѓа на премиерското место, а Кирил Петков ќе стане вицепремиер и министер за финансии. Сепак, ПП продолжува да тврди дека освен со досегашните партнери од БСП и ДБ, за поддршка ќе преговараат само со независни пратеници.

Жирито занеми: Внесе оружје на снимањето на „Ѕвездите на гранд“, кандидатот среде настап им ја заледи крвта на сите (ФОТО)

Дарко Андоновски — Tue, 31 May 2022 14:14:18 +0000

Стајлинзите на некои од учесниците во „Ѕвездите на гранд“ ги шокира понекогаш не само жирито, туку и гледачите пред малите екрани. Додека некои облекуваа прекратки комбинации, други носеа змии на настапи, кандидатот Иван Симиќ на снимањето се појави во јапонска носија додека во раката држеше меч, односно катана.

View this post on Instagram

A post shared by IVAN SIMIĆ (@ivansimic)

Тој инаку и претходно ја шокираше јавноста кога среде настап кршеше чаши од главата заедно со својот ментор Александар Милиќ Мили.

Зеленски верува дека во следните недели Украина ќе добие кандидатски статус за ЕУ

Магдалена Андонова — Mon, 18 Apr 2022 18:13:46 +0000

Украинскиот претседател Володимир Зеленски денеска официјално му го предаде пополнетиот прашалник за пристапот на Украина во ЕУ на претставникот на ЕУ и рече дека верува оти потегот ќе доведе до тоа неговата земја да добие кандидатски статус во наредните недели. Прашалникот, кој служи како почетна точка за ЕУ да ги започне пристапните преговори, претседателката на Европската комисија Урсула фон дер Лајен му го предаде на украинскиот претседател за време на посетата на Киев на 8 април. Украина поднесе барање за членство во Европската унија по почетокот на руската инвазија на 24 февруари. Процесот на пристапување во Европската унија е сложен и одзема многу време, па дури и ако Комисијата позитивно ја оцени подготвеноста на земјата-кандидат, може да поминат години пред вистинското отворање на преговорите. Фон дер Лејен му вети на украинскиот претседател дека првите чекори на Украина кон членството во ЕУ ќе бидат забрзани, велејќи дека „тоа нема да биде прашање на години како и обично, но смета дека тоа ќе биде прашање на недели“. Зеленски му го предал пополнетиот документ на претставникот на ЕУ во Украина, покажува снимката од состанокот што ја објави неговата влада. - Цврсто веруваме дека овој процес (додавање кандидатски статус) ќе се случи во следните недели и ќе биде позитивен за историјата на нашиот народ, со оглед на цената што ја платија на патот кон независноста и демократијата, рече Зеленски на средбата. Заменик-шефот на кабинетот на украинскиот претседател претходно изјави дека очекува Украина да добие кандидатски статус во јуни на состанокот на Европскиот совет, на кој се собираат лидерите на земјите-членки на ЕУ. (МИА)

Синот на Гадафи е кандидат за претседател на Либија

Магдалена Андонова — Sun, 14 Nov 2021 11:41:22 +0000

Саиф ал Ислам Гадафи, син на поранешниот либиски лидер Моамер Гадафи, денеска се кандидираше за претседателските избори во земјата. Изборите се закажани за 24 декември. Саиф ал Ислам Гадафи е во затвор за воени злосторства од 2011 година, односно од револуцијата во таа блискоисточна земја каде што е убиен неговиот татко. Саиф ал Ислам, чие име значи „меч на исламот“, важеше за наследник на починатиот либиски лидер Моамер Гадафи, а пред „арапската пролет“ во 2011 година живееше во резиденција во Лондон, вредна 10 милиони фунти. Тој е добитник и на „контроверзниот докторат“ на Лондонската школа за економија и имал бројни познанства со влијателни луѓе. За време на режимот на Моамер Гадафи немал официјална работа, но непосредно пред револуцијата барал демократски реформи, а за време на востанието барал сурови мерки против бунтовниците. Кога либиските бунтовници поддржани од НАТО го зазедоа Триполи, тој побегна на југот на земјата и беше уапсен од бригадата Абу Бакр ал Садик во Сахара.

АУДИО БОМБА: Кандидатот за градоначалник на СДСМ во Ново Село уценувал самохрана мајка дека ќе ѝ го одземе детето

Тале Кристо — Thu, 21 Oct 2021 13:13:42 +0000

Во општина Ново Село, кандидатот за градоначалник на СДСМ, Звонко Ангелов, брутално ја злоупотребил својата службена должност како вработен во центарот за социјални работи во Струмица. Според нашите информации, тој вршел притисок и се заканувал на самохрана мајка дека ќе и’ го одземе детето. Жестокиот притисок и уцените се одвивале во текот на неколку недели, а причините за тоа најверојатно се одбивањето на жртвата да ги користи каналите за правна помош кои и’ ги посочил Ангелов. Во разговор со жртвата, таа го објаснува целиот случај. „Најпрво ми пристапи со понуда дека е поврзан со адвокати кои ќе ја завршат работата без проблем. Јас тоа го одбив бидејќи веќе имав ангажирано адвокат да го води случајот“. После речиси еден месец од оваа средба почнале интензивните контакти и притисоци врз жртвата: „Почна интензивно да ме бара на местото каде што работев и да ми повторува дека случајот е дефинитивно кај него и дека ќе биде многу тешко детето да ми биде доделено мене. Ми рече да не се тешам со тоа дека се познаваме“. Кога требало да се направи увид во просторните услови вели дека живеела под постојан стрес, знаејќи дека Ангелов планира да дојде во момент кога таа не е дома за нејзиното неприсуство да биде заведено во извештајот: „Кога веќе требаше да дојде на увид дали ги исполнувам просторните услови за добивање на старателството, јас во тој момент одев како на обука за работа, и тој знаеше точно во колку часот ми почнува обуката бидејќи често доаѓаше таму. Плански, дојде точно во моментот кога требаше да излезам од дома за да потврди дека не сум дома со детето“ – вели мајката“. Во моментот кога траел увидот на мајката и станало јасно дека Ангелов напишаното во изјавата било тенденциозно и со намера да и се одземе старателството, а истото не соодветствувало на реалната состојба: „Дојде во мојот дом, направи изјава а кога ја прочитав таму стоеја информации кои не беа реални бидејќи просторот и условите не беа наведени комплетно, а јас знаев дека тоа е еден од најважните фактори за да го добијам старателството“. Бидејќи жртвата доаѓала и си одела вознемирена и во солзи на работа, за малтретирањето од страна на Ангелов почнале да реагираат и граѓаните кои биле запознаени на случајот преку неговото постојано присуство. „Луѓето гледаа што прави и во еден момент и тие самите реагираа на неговите постапки и ми понудија поддршка за да се одбранам. Кога виде дека не сум сама, почна да ми пишува пораки во кои инсистираше да не го пријавувам и објавувам тоа што ме малтретираше. Објаснувањето беше дека нешто погрешно сум сфатила. Само јас знам колку стрес претрпев за тие 3-4 недели додека траеше сето тоа, со константно најадење и неспиење“, завршува мајката. Ова насилно однесување на кандидатот за градоначалник на општина Ново Село не е новост. Постојат и податоци за други слични ситуации во минатото, а на јавноста и е позната и дрскоста со која претходниот градоначалник и бегаше на полицијата кога беше фатен во шверц на цигари на границата со Бугарија. Аудиото од кандидатот за градоначалник за Ново Село од редовите на СДСМ можете да го слушнете ТУКА