Муцунски: Бројките укажуваат дека ние имавме Влада која што ниту имаше капацитет, на голема жал, ниту подготвеност, да се справи со оваа криза

Тале Кристо — Wed, 24 Jun 2020 20:01:30 +0000

Тимчо Муцунски, кандидат за пратеник од редовите на ВМРО-ДПМНЕ во вечерашната Дебата на Македонската радио телевизија посветена на парламентарните избори 2020 година истакна дека оваа Влада немаше слух за предложите и реагирањата на опозицијата во однос на справувањето на економската и здравствената криза која што е предизвикана од пандемијата на корона вирусот. Тој истакна дека далеку сме од тоа да тврдиме дека Македонија добро се справила со здравствената криза кога имаме најголем број на заболени и починати од семјите во регионот. -Факт е дека секојдневно имаме троцифрени бројки на заболени, секојдневно имаме по седум-осум починати наши граѓани. Што значи дека не сме се справиле добро од гледна точка на здравствената политика која што беше креирана. Бројките се неприкосновени и граѓаните можат сами да видат дека во однос на бројките од регионот на земји кои што имаат приближно слично или поголемо население од нас имаат многу помали бројки и на заболени и на починати. Така да адалеку од тоа е дека ние добро сме се справиле со здравствениот дел од кризата, потенцираше Муцунски. Во однос на економскиот дек од кризата, Муцински појасни дека ВМРО-ДПМНЕ беше првиот сувјект кој што алармираше на можните последици, што на крај и се потврдија, но за кои за жал Владата повторно немаше слух за тоа. Таа смируваше дека нема простор за паника, дека буџетот е во одлична кондиција за после кратко време од кризата да видиме дека македонскиот буџет воопшто не е ликвиден. Муцунски се осврна и на економските мерки кои што ги превземаше Владата за сравување со економската криза за кои што потенцираше дека беа задоцнети и дека не ги задуволуваа основните потреби на засегнатите сектори. -Од мерките кои што власта ги превземаше за стравување со економската криза нуту еден од засегнатите сектори не беше задоволен. Факт е дека во периодот на оваа криза во Македонија имаме 15.000 граѓани кои што ги изгубиле своите работни места. Факт е дека за месец април 30.000 наши сограѓани не примиле плата и се очекува тој број да биде уште повисок за месец мај. Што значи дека таа тенденција има процес на пораст, рече Муцунски. Фактите и бројките се нотарни, додаде тој, и тие на нас ни укажуваат дека ние имавме Влада која што ниту имаше капацитет, на голема жал, ниту подготвеност, да се справи со оваа криза. Муцински истакна дека е време на нашите граѓани да им обезбедиме поголема економска предвидливост а тоа ќе го направиме со помош на нивната изборна програма.

капацитет – Kurir.mk

Муцунски: Бројките укажуваат дека ние имавме Влада која што ниту имаше капацитет, на голема жал, ниту подготвеност, да се справи со оваа криза