капини – Kurir.mk

СЛАДОЛЕД со КАПИНИ и БИСКВИТИ! Прекрасен десерт од неколку состојки!

Ристе Здравков — Wed, 31 Aug 2022 12:44:22 +0000

За љубителите на брзи кремасти десерти, доаѓа фин сладолед со плазма бисквити, чоколадо и капини, кој, се надеваме, ќе ги освои вашите срца… Уживајте! Состојки: 250 мл слатка павлака 200 мл млеко 10 лажици мелени бисквити два реда рендано темно чоколадо 150 гр капини Подготовка: Слатката павлака измешајте ја во шлаг. Во млекото додадете го ренданото чоколадо, изгмеченото овошје и бисквитите. Измешајте кратко, и додадете го шлагот, се убаво измешајте, па ставете во сад и во замрзнувач да отстои преку ноќ.

Трик како да ги одржувате малините и капините сочни и цели кога ќе ги извадите од замрзнувач

Магдалена Андонова — Wed, 03 Aug 2022 08:23:56 +0000

Во сезоната на малини и капини, многу домаќинки одлучуваат да ги подготват за замрзнување и да ги користат од есен до следното лето за правење колачи и торти. Но, бидејќи овие плодови се многу чувствителни и нежни, често се случува да се претворат во каша кога ќе се одмрзнат. За да не ви се случи тоа, треба на посебен начин да ги подготвите за замрзнување. Свежите малини и капини измијте ги, наредете ги на пластичен плех и ставете ги во замрзнувач преку ноќ. Внимавајте плодовите да не се допираат за да може секое да замрзне поединечно. Следниот ден извадете го пластичниот плех со замрзнатите малини и капини и префрлете ги во садови за еднократна употреба, пластични шишиња или кеси со широки усти и ставете ги во замрзнувач. Вака замрзнатите бобинки нема да се претворат во каша кога ќе ги одмрзнете, а плодовите ќе останат сочни. На ист начин можете да подготвите и боровинки и рибизли.

Капините се бобинки кои го штитат нашето здравје: 4 причини зошто треба да ги јадете

Ристе Здравков — Mon, 04 Jul 2022 08:57:54 +0000

Покрај убавиот и пријатен вкус, капините имаат и многу лековити својства Кога би постоела топ-листа на најздрави намирници, капините сигурно би биле во првите десет. Ова овошје е богато со моќни антиоксиданси, особено елагитанин, кој го нема во речиси ниту една друга храна. Капините се сметаат за суперхрана, пред се поради многу лековитите антиоксиданси, како што се антоцијаните, витаминот Ц, витаминот Е, елагичната киселина и слично. Капините имаат бројни здравствени придобивки, а ние одбравме четири за вас. За посилен имунитет Поради сите состојки кои ги содржат, капините се идеални за подобра работа, односно за зајакнување на имунолошкиот систем. Редовното консумирање придонесува многу за заштита на вашето тело од разни инфекции и други болести, пишува „Healthline“. Богати се со витамин Ц Витаминот Ц помага во производството на колаген, кој ја одржува вашата кожа, крвните садови, ‘рскавицата, тетивите и лигаментите здрави. Витаминот Ц е исто така антиоксиданс кој може да блокира дел од штетите предизвикани од слободните радикали, кои се произведуваат додека вашето тело ја разградува храната. За подобро варење Ако сакате да имате добро варење, консумирајте капини бидејќи тие се добар извор на влакна. Влакната од капините се многу важни за нормално функционирање на дигестивниот систем, бидејќи го регулираат запекот и го одржуваат дигестивниот систем во идеална состојба. За здрави коски Магнезиумот и калциумот кои се наоѓаат во капините се многу важни за одржување на здравјето на коските. Магнезиумот ја олеснува апсорпцијата на калциумот во организмот, додека калциумот е важен за зајакнување на коските.

Сиромашни со калории, богати со витамини: Зошто е важно да јадете капини?

Ивана Ефремовски — Mon, 15 Jun 2020 20:56:49 +0000

Капините со право се наоѓаат на листата на најзрдави намирници. Тие содржат огромно количество на антикосиданси, многу поголема количина од што имаат доматите, брокулата, па затоа и се сметаат за моќни сојузници во борба против ракот. Овие ситни темни плодови содржат голема количина на полифеноли, па затоа моќно се справуваат со слободните радикали и го чуваат здравјето на срцето и крвните садови. Капините се богати со растителни влакна, а тоа ги прави одлични за забрзување на метаболизмот и за диетите. Даваат долготрајно чувство на ситост и се одлични за губење на телесната тежина. Семчињата на капината содржат високо ниво на елегична киселина, таа пак е одлична за лечење на хронично болните. Капините се сиромашни со калории, но затоа пак богати со витамин Ц, Е, фолна киселина, калиум, магнезиум, манган. Една рака капини на ден може значително да го намали нивото на холестерол во крвта.

Бидете здрави, јадете капини: Работи кои мора да ги знаете за нивниот ефект

Ивана Ефремовски — Mon, 18 May 2020 08:16:12 +0000

Знаете ли дека капините се вкусно овошје кое има благотворен ефект на многу здравствени проблеми? Капините содржат многу витамини, растителни влакна и флавоноиди кои ги прават многу здрави. Покрај тоа, можат да се користат за правење на разни сокови и мармалади, но секако и да се јадат свежи и од листовите да се направат чаеви. Чајот од капини го намалува крвиот притисок. Виното од капини е богато со витамини и минерали и е добро за борба против анемија. Анемијата настанува како резултат на недостаток на железо во крвта. Виното од капини треба да го пиете еднаш на ден во мали количини, половина час пред јадење. Тоа делува и кај дигестивните проблеми, циркулацијата, изнемоштеност, регулирање на притисокот и зајакнување на имунитетот. Сирупот од капини можете сами да го направите. Потребни се 2 кг капини, 6 децилитри вода, 1 кг шеќер и 3 лимони. Капините иситнете ги во блендер. Водата варете ја и во неа додадете шеќер и варете додека не добиете шеќерен сируп. Потоа, сирупот прелијте го преку капините и додадете го сокот од лимони и оставете да стои неколку часа. Потоа сето тоа заедно испасирајте го и прелијте го сирупот во шише. Од капини можете да направите и многу мармалади и десерти. Доволно е само малку фантазија и ова вкусно и здраво овошје да биде на вашето мени речиси секој ден.