капиштец – Kurir.mk

Неколку пати пукал во него, па му ја смачкал главата: Убиецот од Скопје уште е во бегство, започна истрага против него

Ивана Ефремовски — Wed, 12 Apr 2023 14:12:43 +0000

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторил кривично дело – Убиство од член 123 став 1 од Кривичниот законик. Осомничениот 44-годишник, на 31 март, во казино на булеварот „Митрополит Теодосиј Гологанов“ во Скопје со умисла лишил од живот едно лице. Осомничениот, жртвата и уште две лица заедно дошле во казиното и играле на покер апаратите. Помеѓу осомничениот и оштетениот дошло до вербална расправија и започнале да се туркаат, по што осомничениот успеал да го земе пиштолот што оштетениот го носел во појасот и пукал неколку пати во него. Потоа повеќе пати со рачката од пиштолот го удрил оштетениот во пределот на главата и избегал. Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот. Бидејќи тој во моментот е недостапен на органите на прогонот, доколку биде прифатен предлогот на обвинителот, мерката ќе започне да се извршува од неговото пронаоѓање и лишување од слобода.

ПИЈАН ИСПУКАЛ КОН НЕГО НЕКОЛКУ КУРШУМИ, ПА СО КУНДАКОТ ГО УДИРАЛ ДОДЕКА УМИРА – ОЈО со хорор детали од убиството во казино утрово!

Тале Кристо — Fri, 31 Mar 2023 10:11:29 +0000

Дежурен јавен обвинител од Основното јавно обвинителство Скопје изврши увид на лице место во казино на улицата „Митрополит Теодосиј Гологанов“ во Скопје, каде едно лице беше лишено од живот утринава. Според првичните сознанија, починатиот маж на возраст од 46 години, во казиното пристигнал заедно со уште три лица, во видно алкохолизирана состојба. Извесно време играле на апаратите, а потоа жртвата започнал да се расправа и да се турка со едно од лицата со кои бил заедно во казиното. Другите двајца се обиделе да ги раздвојат, но осомничениот извадил пиштол и неколкупати пукал во оштетениот. Потоа со кундакот од пиштолот го удрил повеќе пати во пределот на главата. Жртвата им подлегнала на повредите на лице место. Се трага по лицето за кое постои сомнение дека го извршило убиството. По наредба на јавен обвинител, телото на починатиот е предадено на обдукција. Ќе се врши вештачење на траги и докази подигнати од лице место и ќе се разговара со сведоци на настанот. Обезбедени се снимки од видео надзорот на објектот.

Пукање во Капиштец, едно лице е убиено

Тале Кристо — Fri, 31 Mar 2023 08:33:14 +0000

Утрово околу осум часот жителите на скопската населба Капиштец во близина на локацијата позната како Млечен ресторан биле разбудени и вознемирени од пукотници. Во пукањето едно лице е убиено. Од Министерството за внатрешни работи најавени се детели за пукањето од кое граѓаните се вознемирени утрово. За сега не е познат идентитетот на жртвата, објави МКД.мк. Од МВР повеќе детали најавуваат за подоцна во текот на денот. Според информациите на МКД.мк пукотницата се случила пред казино околу кое има и многу други дуќани во кои жителите од овој дел на Скопје токму рано наутро одат да ги испазарат секојдневните намирници. Во 08.05 часот во казино лоцирано на бул.„М.Т.Гологанов“ кај Млечен ресторан во Карпош пријавено е пукање, при што Н.А. (46) од с.Арачиново подлегнал на повредите. Се преземаат мерки за расчистување на случајот дознава 24 инфо од полициски извори.

Герасимовски: Ќе најдеме решение за бучавата во Капиштец

Ивана Ефремовски — Thu, 17 Nov 2022 09:20:41 +0000

На вчерашната трибина „Заедно одлучуваме“ која се одржа во ООУ „Киро Глигоров“ во Капиштец, градоначалникот на Општина Центар, Горан Герасимовски ги слушна предлозите, барањата но и поплаките од граѓаните во оваа населба. Речиси сите се однесуваа на проблемот со бучавата од околните кафе барови кој се провлекува години наназад. Градоначалникот Герасимовски по поплаките рече дека искрено и посветено ќе се заложи за изнаоѓање решение за овој проблем и притоа ги повика граѓаните да му се придружат. „Се согласувам дека не е решението да пишуваме само една две или пет казни туку решението е во заедничкото делување. Во наредниот период заедно со вас ќе организираме и посебен состанок само на оваа тема и со претседатели на куќни совети за да најдеме трајно решение. Знаеме дека е огромен проблем со години. Ние според ингеренциите праќаме инспектори и пишуваме казни но очигледно не е доволно“, изјави Герасимовски. За проблемот со бучавата Герасимовски истакна дека се провлекува со децении не станува збор само за бучавата туку е и проблем со недостаток места за паркирање на станарите. На трибината „Заедно одлучуваме“ Герасимовски се осврна и на досега реализираните проекти во општината како инфраструктурните зафати со уличната мрежа, реконструираното детско игралиште, новиот пензионерски клуб во т.ц. Беверли Хилс и катната гаража со капацитет од 260 возила која треба за почне со изградба. Трибините „Заедно одлучуваме“ на која граѓаните даваат свои предлози кои се разгледуваат и според потребите ќе бидат вградени во Буџетот за следната година, утре продолжуваат во ООУ „Ј.Х. Песталоци“.

Две жени цел месец живеат на улица во скопски Капиштец: Имаат здравствени проблеми, а нема кој да им помогне

Ивана Ефремовски — Sat, 08 Aug 2020 10:55:38 +0000

Во скопски Капиштец има две бездомни жени, од кои едната е на 90 години, другата околу 60 години и можно е да има психолошки проблем. На улица се повеќе од месец дена, беа згрижени на краток период, но еве ги повторно на улица. Повозрасната жена никој не ја прима бидејќи има пензија од 14.000 денари и е сенилна и наглува. За овој случај на социјалните мрежи алармираше и актерката Ирена Ристиќ:

Дел од Капиштец утре без вода

Ивона Петрова — Wed, 12 Dec 2018 14:45:04 +0000

Дел од корисниците од улиците „ Козара“, „Бел камен“ и „Шарски одреди“ во општина Центар утре од 9:00 часот ќе останат без вода за пиење. Како што информираат од Регионалниот центар за управување со кризи на град Скопје, причина за прекинот во водоснабдувањето е изведување водоводен приклучок со пречник од 80 милиметри на улица „Козара бб“ во Капиштец. Водоснабдувањето ќе биде прекинато се додека екипите на ЈП „Водовод и канализација“ Скопје не завршат со работата.

Голема полициска акција во моментов пред Зебра во скопски Капиштец, уапсен вработен во УЈП

Дарко Андоновски — Mon, 05 Nov 2018 15:16:52 +0000

Голема полициска акција во моментов се случува пред трговскиот центар Зебра во скопски Капиштец. Очевидци велат дека пред малку, полициски службеници уапсиле едно лице во кафулето во трговскиот, откако кај него пронашле плав плик во кој веројатно имало пари. Според информациите , мажот на возраст од околу 50 години седел во кафулето кога му пришло едно лице. Седнало на неговата маса и му предало син плик. Веднаш по тоа во кафулето влетала полиција и го уапсила мажот. Во моментов, како што информираат очевидци, приведениот е пред кафулето каде полицијата го има спуштено на колена и му ставила лисици. Од МВР се уште не можеме да добиеме официјална потврда за случајот ниту пак за идентитет на приведениот. пресс24.мк

Со закана со пиштол две маскирани лица од казино во Капиштец одзеле 50 илјади денари

Дарко Андоновски — Wed, 29 Aug 2018 13:22:53 +0000

Две маскирани лица вчера околу 10:30 часот со закана со пиштол извршиле разбојништво над вработената во казино на улица „Народен фронт“ и од касата одзеле околу 50.000 денари, по што со употреба на физичка сила од А.Ф.(24) од Радовиш и М.Н.(29) од Скопје, кои биле посетители во казиното, одзеле вкупно 5.500 денари. Се преземаат мерки за пронаоѓање на сторителите и целосно расчистување на настанот.