капитални инвестиции – Kurir.mk

ВМРО-ДПМНЕ: Капиталните инвестиции се фокусот на општините од Пелагонискиот регион

Тале Кристо — Wed, 23 Nov 2022 18:11:52 +0000

Капиталните инвестиции и мерките за ублажување на ефектите од енергетската криза во фокусот на општините од Пелагонискиот регион. Размена на искуства и идеи со цел подобро планирање на општинските буџети, како и мерки за ублажување на ефектите од светската економска и енергетска криза беа главни теми на кои се дискутираше на регионална средба и трибина на општините од Пелагонискиот плански регион. На средбата, која што се одржа вчеравечер во Битола, учество зедоа претставници на локалната самоуправа од општините каде градоначалниците и мнозинството во Советот се од ВМРО-ДПМНЕ, поточно од општините Битола, Прилеп, Ресен, Могила, Новаци и Демир Хисар, како и претставници на повеќе комисии на ВМРО-ДПМНЕ.

Стојаноски: Лага се планираните капитални инвестиции на Владата за 2022, пет години ништо, сега ќе реализирале 615 милиони евра за 12 месеци – невозможно

Ивана Ефремовски — Fri, 10 Dec 2021 13:35:48 +0000

Пратеникот од ВМРО-ДПМНЕ, Бојан Стојаноски на денешната седница на Собранието на која се аргументира Буџетот на државата, истакна дека голема лага се планираните капитални инвестиции на Владата за 2022, пет години ништо, сега ќе реализирале 615 милиони евра за 12 месеци, што е невозможно, пратеникот вели исто така дека ќе се задолжиме 787 милиони евра само следната година. -Она што е загрижувачки е лагата, владината амбиција за капитални инвестиции. Таа во 2022 планира во инфраструктура да вложи дури 615 милиони евра, додека, пак, зголемувањето е 27 отсто во однос на планот за 2021 година. Познато е колку слабо низ годините наназад се реализират капиталните инвестиции, а ништо подобра не е состојбата ниту оваа година. Највисок износ на капитални инвестиции до сега Владата на СДСМ реализирала во 2017 година во износ од околу 19 милијарди денари. Денес Министерот за финансии не убедува дека оваа иста Влада ќе реализира 37 милијарди денари капитални расходи. Влада која за 5 години нема шајка заковано, сега ќе реализира за 12 месеци 615 милиони евра. Невозможно, вели Стојаноски. Стојаноски вели дека нејасно е по која основа Владата се обврзува дека идната година ќе инвестира дури 615 милиони евра во капитални инвестиции, а ако се направи анализа на веб страницата на Министерството за финансии може да се види колку слабо е реализиран буџетот за оваа година. -За девет месеци, период во кој требало да се реализираат околу 75 % од капиталните расходи, процентот на остварување е многу понизок и изнесува само 47,6 %. Пластично, ако биле планирани за годинава 455,7 милиони евра, што е многу помалку од планот за идната 2022 година, за девет месеци биле потрошени само 217 милиони евра, вели тој. Стојаноски збореше и за задолжувањата па посочи дека со вака концепиран Буџет во наредната година ќе се задолжиме 787 милиони евра. Покривањето на овој износ се планира од домашни извори во висина од 441 милиони евра, а од странство 346 милиони евра.Јавниот долг на крајот од 2022 година треба да биде 65,9% од БДП. -Европската Комисија со критики за растечкиот буџетски дефицит, кој го зголемува и јавниот долг на државата. За нив е нејасен начинот како Владата планира да ја намали буџетската дупка, која достигна 5,6%, а оптималното ниво е 3% од БДП. Загрижува и јавниот долг кој во моментов изнесува 64 %, а ќе достаса до 65,9 %.Комисијата критикуваше и за нереализираните капитални инвестиции, кои се двигател на економскиот раст. Секој трет Македонец е под ризик на сиромаштија, покажуваат последните податоци на Еуростат, аргументираше Стојаноски.

ВМРО-ДПМНЕ: За седум месеци едвај 30% капитални инвестиции

Дарко Андоновски — Thu, 26 Aug 2021 10:00:03 +0000

Капиталните инвестиции за 7 месеци достигнаа едвај 30%, покажува платформата Капитални инвестиции. Владата повторно потфрла во реализацијата на расходите кои имаат развојна компонента и кои треба да ја придвижат економијата, ова денеска преку соопштение до јавноста го истакнаа од ВМРО-ДПМНЕ. -Според платформата, од 96 буџетски корисници дури 16 институции имаат 0% или блиску до 0% реализација на капиталните инвестиции. Меѓу нив се Управата за јавни приходи, Бирото за регионален развој, Агенцијата за стокови резерви, Државната изборна комисија, Државниот пазарен инспекторат и други. Околу 30 од институциите имаат реализација под 10%. Меѓу нив се Собранието, Министерството за одбрана, Министерството за надворешни работи, Фондот за пензиско и инвалидско осигурување, Државниот инспекторат за труд и други. Најголема реализација на капиталните инвестиции од сите буџетски корисници има Агенцијата за разузнавање со над 98% реализација, велат од партијата. Од ВМРО-ДПМНЕ додаваат дека дополнително, квалитетот на капиталните инвестиции не може да се види од бројката на реализација. Во капитални инвестиции, покрај патишта, училишта и болници, влегуваат и набавка на мебел и возила. Со ребалансот на буџетот, се зголемија токму ставките за набавка на возила и на мебел. Следствено, возилата на Владата и луксузното опремување на новото Министерство за политички систем ја билдаат и оваа слаба реализација, а сепак немаат никаква развојна компонента. -Додека реализацијата на капиталните расходи потфрла, тековните расходи се реализираат сосема добро, покажува извештајот на Министерството за финансии за реализација на буџетот во јули. Платите и надоместоците се реализирани со 57%, трансферите со 55%. Заклучно јули направен е дефицит, или буџетска дупка, од 306 милиони евра. Ова е само 40% од 752 милиони евра буџетската дупка предвидена за годинава со ребалансот на буџетот, истакнуваат од ВМРО-ДПМНЕ.

Нелоски: Четири години Град Скопје нема еден капитален проект, скопјани од Шилегов не добија ништо конкретно освен лаги

Тале Кристо — Tue, 25 May 2021 09:42:30 +0000

Скопје и скопјани немаат добиено ништо конкретно освен лаги и манипулации од страна на градскиот татко Петре Шилегов рече претседателот на Градскиот комитет Скопје на ВМРО-ДПМНЕ Владимир Нелоски во гостување во емисијата „Утро со Златев“ на Радио Лидер. Имено, тој истакна дека Скопје на чело со Шилегов во изминатите четири години нема изградено ниту еден значаен капитален проект. За жал Скопје и скопјани не добија ништо конкретно изминатите четири години освен лажни ветувања освен “ќе“ ветувања кои што ги добиваат. Скопје четири години стагнира. Скопје од 2017 до 2021 нема ниту еден капитален проект што е тажно. Значи зборуваме за град кој што има над 100 милиони евра буџет. Значи скоро пола милијарда евра за четири години се потрошени немаме едно капитално нешто кое што ќе остане. Дополнително , Нелоски потенцираше дека Шилегов континуирано се брани и бара алиби зошто нема ништо сработено од она што го ветил пред да стане градоначалник. Нелоски дополни дека повеќе од јасно е и видливо дека таткото на градот Шилегов нема реализирано ниту еден проект капитален и позначаен за градот кој треба да остане во служба на граѓаните со потрошени повеќе од пола милијарда евра за четири години од буџетот што е поразително. И сега Петре ќе вели дека задачата на градоначалникот не е да гради пирамиди како фараоните и оставштина. Што е задачата на градоначалникот? Да ги реализира ветувањата дадени на избори. Да го реализира ветеното појасни Нелоски.

Перински: Златко Марин и Општина Аеродром на дното во државата по капитални инвестиции, каде одат парите кои не се трошат на инвестиции?

Тале Кристо — Mon, 28 Dec 2020 13:39:06 +0000

Златко Марин и Општина Аеродром на дното во државата по капитални инвестиции, споредено со вкупната сума за расходи, пишува на својата Фејсбук страница Златко Перински од ВМРО-ДПМНЕ. Од вкупниот износ за капитални инвестиции троши само 5 проценти, а подобро од Аеродром стои едно Арачиново, Кратово, Шуто Оризари, Струга и Велес. Тоа значи дека само 5 проценти одат за инвестиции од милионскиот буџет кој се троши секоја година. Сега е јасно зошто Аеродром има едно чудо нерешени проблеми. Вистинското прашање е каде одат парите кои не се трошат на инвестиции, прашува преку својата објава Перински.

ВМРО-ДПМНЕ: СДСМ за половина година не успеа да реализира ниту една четвртина од предвидените капитални инвестиции

Љупчо Цветаноски — Tue, 21 Jul 2020 09:28:53 +0000

СДСМ покажа што значи класична неработа. За половина година не успеале да реализираат ниту една четвртина од годишно планираните капитални инвестиции, посочува ВМРО-ДПМНЕ. „Закочена е изградбата на гасоводите, автопатот Кичево – Охрид кој го почна претходната власт на ВМРО-ДПМНЕ и уште стои во фаза на изградба како пред 3 години, експресните патишта кои беа испланирани и проектирани одамна и до сега со ВМРО-ДПМНЕ ќе беа завршени Македонија со СДСМ стагнира. Ниво на реализација од 22.51% е срамно и доказ за класична неспособност. Половина година Македонија не се гради ништо, развојот на државата е закочен. На Зоран Заев поважно му беше да го реализира предизборниот поткуп, наместо да се фати за работа. СДСМ се впушти во купување на гласови, наместо на градење, и тоа ни се случува три години по ред. Откако е СДСМ на власт нивото на реализација на капитални инвестиции за цела година е околу 60%. СДСМ не се способни да ја придвижат државата напред и да генерираат раст и развој,“ потенцираат од ВМРО-ДПМНЕ. .

Славески: ВМРО-ДПМНЕ ќе обезбеди помош од 200 евра за сите лица кои ги изгубиле своите работни места поради кризата

Тале Кристо — Tue, 30 Jun 2020 09:44:25 +0000

Денес ќе презентирам дел од преодната стратегија на ВМРО-ДПМНЕ за справување со здравствено-економската криза, кој се однесува на мерки поврзани со консолидирање на јавните финансии и финансиско консолидирање на земјата, како и мерки кои се однесуваат на финансиска поддршка за граѓаните кои на некој начин се погодени од кризата, истакна на денешната прес кон-конференција членот на ИК на ВМРО-ДПМНЕ Трајко Славески. Во продолжение интегрално целата прес-конференција на Славески: Во изминатите неколку месеци бевме сведоци на низок капацитет на Владата во менаџирањето со јавните финанасии за што говори податокот дека во првите 5 месеци од годината имаме буџетски дефицит од 307 милиони евра, од кој само во мај буџетскиот дефицит изнесува 110 милиони евра. Според проекциите на МФ годинава ќе ја завршиме со буџетски дефицит од 750 милиони евра што ќе го приближи јавниот долг на Република Македонија до 60% од БДП на земјата. Она што е позагрижувачки е тоа што најголем дел од овие трошења се за непродуктивни цели, а многу помалку за справување со кризата. Поради сето ова е потребна сериозна консолидација на јавните финансии што ВМРО-ДПМНЕ ќе ја направи веднаш по формирањето на новата Влада: - За таа цел ќе подготвиме итен ребаланс на буџетот со кој ќе се изврши целосно кратење на сите непродуктивни и неприоритетни трошоци кои не се во насока на справување со кризата и немаат дополнителна додадена вредност за економијата; - Ќе се подготвиме план за реализација на сите планирани капитални инвестиции за 2020 година со цел стимулирање на домашната економија преку поддршка на градежниот сектор и сродни на него сектори; - Дополнително, во буџетот за 2021 година ќе бидат планирани капитални инвестиции во износ поголем од 3,5% од БДП. Исто така, ќе се разгледа можноста за натамошно одложување на кредитните обврски за оние граѓани кои сè уште ги чувствуваат ефектите од кризата и евентуално олеснување на кредитните услови за нив. Државата ќе ја разгледа можноста за покривање на дел од трошоците за камата за најзагрозените граѓани до крајот на 2020 година. Дополнително, новата Влада на ВМРО-ДПМНЕ ќе обезбеди сериозна поддршка за сите граѓани кои на некој начин се погодени од оваа економска криза. Мерката која се однесува на еднократна парична помош за една ограничена категорија на граѓани преку платежни картички е проблематична од повеќе аспекти. Прво, временскиот момент за нејзино имплементирање непосредно пред избори го поставува прашањето за намерите – дали истата е креирана вистински да се помогне на нашите граѓани или да се манипулира предизборно со нив. Второ, таа е технички проблематична за што потврда се негативните реакции на голем број граѓани за нефункционалноста и неприменливоста на системот. Трето, дискутабилно е селектирањето и ограничувањето на потенцијалните корисници на еднократната помош. ВМРО-ДПМНЕ смета дека поддршката треба да биде многу посеопфатна, со оглед на фактот што речиси сите граѓани во Македонија се економски и финансиски погодени од кризата. За таа цел, мерката ќе биде проширена и поедноставена со цел поголем број граѓани да добијат парична помош од државата за полесно справување со кризата. Во таа насока, предвидуваме: - Обезбедување дополнителна еднократна парична помош во висина од 100 евра за сите вработени лица во државата чии примања не надминуваат 15.000 денари. - Обезбедување еднократна парична помош во висина од 150 евра за сите невработени лица кои не добиле помош со мерката за национални платежни картички. - Обезбедување еднократна парична помош во висина од 200 евра за сите лица кои ги изгубиле своите работни места поради кризата. Со овие мерки вистински ќе им помогнеме на нашите граѓани, но истовремено ќе им помогнеме на домашното стопанство и на туризмот со поттикнување на домашната потрошувачка, што, пак, ќе има дополнителни мултипликативни ефекти за националната економија. Дополнително, ќе обезбедиме помош и поддршка за граѓаните во форма на поволни (бескаматни) кредити и грантови за сопствениците на приватни куќи и станови за поставување нови енергетски ефикасни фасади, прозорци, изолација на покрив и под, со цел намалување на потрошувачката на енергија.

Мицкоски со пакет мерки за стопанството: Државни капитални инвестиции најмалку 90% и над 4 милијарди инвестиции

Ивана Ефремовски — Sat, 08 Feb 2020 13:41:08 +0000

Лидерот на ВМРО-ДПМНЕ, Христијан Мицкоски истакна дека се обврзува на обнова која ќе донесе 4 милијарди евра домашни и странски инвестиции за еден мандат. -Ова значи повеќе поддршка од државата за домашната економија и компании и привлекување на странски директни инвестиции преку реформиран модел кој ќе биде привлечен за светски големи компании. Можам да кажам дека веќе водиме разговори со неколку големи европски компании кои се одвратени поради корупцијата, беззаконието и лошата бизнис клима во овие три години да инвестираат во државата. Чекаат и тие поволна клима после 12-ти април да започнат со инвестирање. Се обврзуваме за обнова која ќе донесе раст на БДП за минимум 4% годишно. Се обврзуваме за обнова која ќе донесе повеќе пари за бизнисот, помалку давачки и бирократија. Ова значи намалување на парафискални давачки за фирмите кои што се резултат на анализата и средбите со стопанските комори и стопанствениците кои што ги имавме изминатиов период, но не само за парафискалните давачки, тука имаме и детална анализа за сите оние административни бирократски процедури, истакна тој. Рече дека дел од нив целосно ќе бидат напуштени, а за дел од нив роковите на одговор на институциите ќе биде намален. -Се обрзуваме за повеќе од 90% реализација на планираните капитални државни инвестиции годишно, внимателно планирање и испорака на тоа што е испланирано. Сега имаме историско најниско ниво кое се движи околу 69 проценти и тоа после ребалансот на буџетот. Над 90 проценти реализација на капитални државни инвестиции подразбира повеќе работа во градежништвото, повеќе работа во трговијата и повеќе бизнис за претприемачите. На крајот за да имаме подобра бизнис клима морам да искоментирам во следнава насока, мора да го подобриме економскиот рејтинг на државата што подразбира не само економски и институционални мерки, туку и борба против корупцијата и криминалот, истакна лидерот на ВМРО-ДПМНЕ.

Славески: Фактите говорат дека е очајна реализацијата на капиталните инвестиции

Ивона Петрова — Mon, 27 Jan 2020 08:56:49 +0000

Фактите говорат дека е очајна реализацијата на капиталните инвестиции. Тука имате состојба во која што собирате даноци и други давачки средства, а нив не ги враќате во економијата на реален начин, вели професорот и член на Извршниот комитет на ВМРО-ДПМНЕ Трајко Славески во емисијата Утрински брифинг. Славески посочи дека ВМРО-ДПМНЕ се залага за укинување на прогресивниот данок а не негово одлагање на 36 месеци, и враќање на рамниот данок. -Ние сме веднаш да се промени законот и да се укине прогресивниот данок, да се врати рамниот данок, а не само да се одложи и намалување на стапката на персоналниот доход и на данокот на добивка од 10 на 9 проценти, посочи тој. Според него инвестирање на човечкиот капитал не е зголемување на платите на вработените од 400тини или 500тини денар, туку инвестирање во човечкиот капитал подразбира инвестиција во образованието, обуки на вработените од страна на домашни и странски компании, се со цел подобрување на состојбите на пазарот на трудот. -Не е инвестирање во човечки капитал ако вие им зголемите плата на вработените од 400тини, 500тини или 1000 денари. Инвестирање во човечкиот капитал подразбира инвестиции во образованието, во подобрување на здравствената заштита, во подобрување на состојбите на пазарот на труд, обуки на вработените, односно компании без разлика дали се домашни или странски кои што ќе ги обучуваат вработените, ќе им даваат вештини кои што се современи итн. Значи тоа е инвестирање во човечки капитал, нагласи Славески. Тој додаде дека тимови на ВМРО-ДПМНЕ е во постојана комуникација со граѓаните се со цел да се направи програма која ќе значи решавање на проблемите и подобрување на квалитетот на живеење на граѓаните. -Имаме одлични тимови кои што се во дослух со она што се случува во реалноста, го посетуваат теренот на граѓаните вклучително и на бизнисот и на работниците и секако ќе се најде одговор на нивните проблеми. Она што најмногу ги засега граѓаните според сите анкети се прашањата околу животниот стандард, платите, владеењето на правото, заштита на човековата околина, квалитетот на живеење, образованието, здравството итн, нагласи Славески.

Катастрофална реализација на капиталните инвестиции: Не се искористени ниту пола од планираните пари за училишта, болници, градинки…

Ивана Ефремовски — Wed, 25 Dec 2019 16:26:02 +0000

Заклучно со крајот на минатиот месец, реализирани се 49,02% од капиталните инвестиции. Тоа значи дека Владата предводена од СДСМ и Зоран Заев за цела 11 месеци не потрошиле ни колку што требаа да вложат за 6 месеци. Односно, не се искористени повеќе од половина од планираните пари од буџетот за училишта, болници, градинки, патишта... Ако не го сметаме ребалансот на буџетот, тогаш оваа сума е уште помала и изнесува 45,7% од сумата планирана за капитални инвестиции во 2019-та година. Овие бројки се доказ за низа неисполнети ветувања и за не постоењето на посветеност и работа да се вложи во работи кои се важни за граѓаните. Заев ветуваше дека реализацијата на капиталните инвестиции ќе биде над 80%. -Согласно сите напори што ги нарпавија сите министри, Бектеши, Анѓушев, тогаш Тевдовски и Николовски и Сугарески даваат можност да гледам како што се проектирани капиталните инветсиции да имаат извесност на реализација поголема од 80 отсто. Тој дел помеѓу 90 и 100 отсто ќе го скратиме и ќе го реалоцираме таму каде што може да се реализира, рече премиерот во јули годинава. Но бројките и официјалната статистика по којзнае кој пат го демантираа Заев на очиглед на целата македонска јавност.