капитен – Kurir.mk

Барди ќе биде нов капитен на Македонија

Ристе Здравков — Wed, 30 Aug 2023 11:06:48 +0000

Стефан Ристовски го нема во националниот тим, и Енис Барди ќе биде новиот капитен на репрезентацијата. Играчот од средниот ред му беше заменик на Ристовски досега, а сега ќе ја добие улогата на прв капитен. Неговиот заменик ќе биде голманот Столе Димитриевски. „Не сум размислувал за капитен, но од претходно Барди беше втор капитен, и тој веројатно ќе ја презеде улогата на прв капитен сега. После него следува Димитриевски“, образложи Милевски. Селекторот Милевски објасни зошто повик доби Александар Трајковски и покрај тоа што е без клуб. „Трајковски е без клуб, но Аце е професионалец кој го познавам многу добро, изрази желба да се стави во функција на тимот, физички е повеќе од подготвен, но повторно ќе кажам и за него и за останатите играчи ќе се направи подетална проценка за нивото на подготвеност, и за сите кои имаа проблеми во клубовите, и ќе одлучиме дали и каква минутажа ќе добијат. Имав некои идеи, но тоа ќе ги оставиме за понатаму, затоа што и младиот тим ги почна своите квалификации во септември“, изјави Милевски.

Килијан Мбапе повеќе не е капитен на ПСЖ

Ристе Здравков — Wed, 23 Aug 2023 07:40:01 +0000

Играчите на ПСЖ го одбраа новиот капитен на тимот за следната сезона. Изборот преставуваше нов шок за Килијан Мбапе кој ја доби само улогата на заменик, додека капитен на тимот ќе биде Маркињос. Во најтесниот избор беа и Преснел Кимпембе, но Бразилецот на крајот доби најмногу гласови. 29-годишниот стопер веќе 10 години е дел од ПСЖ, а претходно играше за Рома и Коринтијанс. Тренерот Енрике одлучи играчите сами да одлучат кој ќе биде капитен. Мбапе не ја доби довербата поради неговата сага на заминување. Французинот беше пред суспензија, односно беше ставен пред чин да не игра цела сезона, доколку се решеше да замине како слободен идното лето. Но, двете страни на крајот најдоа решение, и Мбапе се врати на тренинзите и на натпреварите во првиот тим на ПСЖ.

Гоце Георгиевски е новиот капитен на РК Вардар

Ристе Здравков — Thu, 20 Jul 2023 13:47:01 +0000

Тимот на РК Вардар ги стартуваше подготовките за новата натпреварувачка сезона, со првиот тренинг во С.Ц. Јане Сандански. Со оглед дека Стојанче Стоилов најави крај на играчката кариера, Вардар мораше да одреди капитен за новата сезона, а таа улога ќе ја има искусниот Гоце Георгиевски. Негова замена ќе биде Томислав Јагуриновски. Вардар ќе се обиде да стигне до групната фаза во Лигата на Европа, но за тоа да се случи ќе треба да биде подобар во двомечот со екипата на Рајн Некар.

Тен Хаг повторно го понижи Португалецот: Роналдо е петти избор за капитен, но морав да му ја дадам лентата

Ристе Здравков — Mon, 07 Nov 2022 09:19:48 +0000

Манчестер јунајтед вчера претрпе пораз (3-1) на гостувањето кај Астон Вила, а изненадувачки, со оглед на недоразбирањата во изминатиот период, Кристијано Роналдо беше стартер и ја носеше капитенската лента за „црвените ѓаволи“. Сепак, Ерик тен Хаг објасни дека Португалецот всушност е петтата опција за капитен на тимот, но вчера морал да ја добие лентата. „Мегвајер беше на клупата, Бруно Фернандеш не играше, а помислив и Де Хеа да ја носи лентата бидејќи е вистински лидер. Сепак, тој е голман и е далеку од останатите фудбалери. Мислев да го одредам и Кашемиро за капитен, но тој се уште не зборува добро англиски јазик и затоа одлучив да му ја дадам лентата на Роналдо“, изјави Тен Хаг.

Ристовски со емотивна порака на Инстаграм, Бруно Фернандеш покажа дека е голем „спортсмен“ (ФОТО)

Ристе Здравков — Wed, 30 Mar 2022 16:36:22 +0000

Македонската фудбалска репрезентација вчеравечер загуби од Португалија и ги заврши активностите околу Светското првенство во Катар. Поразот од „Драгао“ значеше и крај за нашите надежи дека кон крајот на оваа година ќе се пееше македонската химна на прекрасните стадиони. Капитенот Стефан Ристовски се обрати на социјалната мрежа Инстаграм, на што доби и искрен коментар од Бруно Фернандеш. „Драги наши навивачи, Од срце сакам да ви се заблагодарам за моментите кои ги доживеавме. Ова беше неверојатно искуство за сите нас. Покажавме храброст и заедништво. Сплотени дојдовме на чекор до остварување на сонот на многу генерации. Горд сум на тимот. Заедно славиме, заедно тагуваме. Верувам дека во иднина ова искуство ќе ни донесе нов пласман на големо натпреварување. Македонско сонце го огреа светскиот фудбал. Ние сме шампиони на срцата, а некогаш тоа е поважно од сѐ. Нестрпливи до следниот предизвик. Верувајте во оваа Македонија. Напред Македонија, Рики“ стои во пораката на капитенот. На истата, коментираше и Бруно Фернандеш кој кажа: Те сакам брату, ти си пример за сите во твојата држава. Токму со двата гола на Фернандеш, Португалија обезбеди настап на Светското првенство во Катар. За потсетување, Стефан и Бруно играа две ипол сезони заедно во Спортинг Лисабон.

View this post on Instagram

A post shared by Stefan Ristovski (@stefan_ristovski_13)

Рамос сака да остане во Реал и е подготвен на намалување на платата

Дарко Андоновски — Thu, 29 Apr 2021 10:06:43 +0000

Капитенот на Реал Мадрид, Серхио Рамос сака да продолжи да игра за шпанскиот клуб, пренесува „ABC“. Фудбалерот е подготвен да ја намали платата. Според изворот, напаѓачот водел преговори со управата на Реал Мадрид и ги изнел своите услови. Платата може да се скрати за 10 проценти. Претходно беше објавено дека клубот од Мадрид сака да ја намали платата на 35-годишниот Шпанец за 20 проценти. По 33 одиграни кола во шпанската Ла Лига, Реал Мадрид е втор на табелата со 71 бод.

Капитенот на Астон Вила казнет за предизвикување сообраќајна несреќа

Магдалена Андонова — Tue, 15 Dec 2020 18:05:50 +0000

Судот во Лондон му ја одзеде возачката дозвола и му изрече парична казна во износ од 100.000 евра на капитенот на премиерлигашот Астон Вила и член на англиската репрезентација Џек Грилиш поради предизвикување сообраќајна несреќа во март годинава, јавија денеска британските медиуми. Англискиот репрезентативец ја предизвика несреќата кога, во време на воведениот карантин во земјата, удри во три паркирани возила, а потоа се заби во ѕид со својот „Ренџ Ровер“ на враќање од приватна забава Несреќата се случи неполни 24 часа, откако Грилиш, тогаш, ги повика британските граѓани да ги почитуваат правилата воведени поради коронавирусот и да останат во своите домови. Грилиш го напушти местото на несреќата пред да пристигне полицијата, поради што не му беше извршен алкотест, но очевидци изјавија во истрагата дека фудбалерот бил во видно алкохолизирана состојба. Грилиш во Астон Вила има неделна плата од 150.000 евра. (МИА)

Наместо идниот месец да игра со Македонија, тој заминува во војна- капитенот на ерменската репрезентација дресот го замени со пушка

Дарко Андоновски — Wed, 30 Sep 2020 10:47:36 +0000

Капитенот на ерменската фудбалска репрезентација, Вараздат Харојан реши да и помогне на својата земја во војната со Азербејџан, фудбалскиот дрес го смени со војничка униформа. Харојан е постојан челн на репрезентацијата на Ерменија, се реши да го откаже трансферот во АЕК Ларнака и да се приклучи на армијата во војната која е во тек. Ерменија е противник на Македонија во Лигата на нации, нашата репрезентација според календарот треба да гостува во Ереван во ноември.

Тотенхем го привлекува капитенот на Ватфорд

Магдалена Андонова — Sun, 02 Aug 2020 12:29:22 +0000

Тотенхем се обидува да го привлече капитенот на Ватфорд, Трој Дини. „Петлите“ бараат резерва за Хари Кејн. Во моментот, тие немаат играч на оваа позиција, откако му дозволија на Троја Парот да се пресели на позајмица во Милвол. Откако отпадна од Премиер лигата, Вотфорд е подготвен да се раздели со Дини и некои други играчи кои добиваат високи плати. На Жозе Мурињо му се допаѓа можноста да го земе 32-годишниот напаѓач. Тотенхем првично зборуваше за позајмување на Дини, но тој има договор за уште една година со „стршлените“. Друга опција пред „спарси“ е Калум Вилсон од друг тим кој испадна оделитата – Борнмут. Сепак,тој ќе чини многу повеќе. (МИА)

Мегваер: Ќе бидеме подготвени за Лестер

Дарко Андоновски — Fri, 24 Jul 2020 07:02:11 +0000

Капитенот на Манчестер Јунајтед, Хари Мегваер го очекува последниот натпревар од сезоната во Премиер лигата против неговиот поранешен клуб Лестер. Натпреварот практично ќе биде како финале меѓу двете екипи за пласман во Лигата на шампионите. На „црвените ѓаволи“ им треба само реми на „Кинг Пауер“, додека „лисиците“ ќе треба да бараат задолжителен успех. – Тоа е голем натпревар за нив, но и голем натпревар за нас. Мора да бидеме свежи и целосно фокусирани на самите себе. Подготовката треба да започне веднаш. Мора да се подготвиме правилно и да спиеме добро. Мора да бидеме свежи, за да можеме да го одржиме потребното темпо за ваков натпревар. Ќе бидеме целосно подготвени за недела. Ако не можете да се подготвите за ваков натпревар, тогаш не сте го одбрале вистинскиот спорт. Тоа е огромен судир и имаме само три дена да подготвиме. Со нашата програма имаме само два дена одмор во последно време, така што овој пат е подобро. Со оваа тесна програма, немаме многу време за тренинг, затоа главно се фокусираме на закрепнување. Добро е што имаме три дена овој пат. Чудно е што го велам тоа, но тоа е факт при оваа програма. Ние ќе бидеме подготвени за недела, рече Мегваер. Манчестер јунајтед е во одлична серија од 13 натпревари без пораз во првенството и се искачи на третото место во пласманот. Според дефанзивецот, ова е неверојатно достигнување само по себе. – Имаме голем меч пред нас. Лестер имаше силна сезона и е во добра позиција. Пред неколку месеци малкумина веруваа дека ќе можеме да ја стопиме разликата со нив и да се израмниме, но исто така имавме одлична серија. Разочарувачки е што одигравме нерешено со Саутемптон и Вест Хем, ние заслуживме да победиме и водвата натпревари, но сепак сме во добра позиција. Пред шест месеци беше тешко да се поверува дека ќе добиеме шанса да одиме во Лестер и да се бориме за место во ЛШ, но тоа се случи сега. Ќе бидеме подготвени, немаме право на оправдувања, дека сме уморни, додаде капитенот на Јунајтед.