Капитол Хил – Kurir.mk

Донесена првата пресуда за минатогодишниот упад во зградата на Конгресот во Вашингтон

Катерина Бојаџиева — Wed, 09 Mar 2022 07:18:29 +0000

Гај Рефит од Тексас е првиот осуден од осомничените за масовните немири во Вашингтон од 6 јануари минатата година што резултираа со упад на приврзаници на Доналд Трамп во административната зграда на Капитол хил. Рефит е прогласен виновен по сите пет точки од обвинението, што меѓу другото го товари за внесување огнено оружје во Капитол хил, како и за попречување на официјалната процедура на прогласување на Џозеф Бајден за победник на претседателските избори. Оваа пресуда се смета за мошне важна победа на Федералното обвинителство. Американското Министерство за правда настојува да казни стотици обвинети за учество во нападот на седиштето на американскиот Конгрес кои ја одбија понудата да се спогодат со Обвинителството.

Трамп ќе се обрати на новинарите на 6 јануари, на денот на нападот на Капитол Хил

Катерина Бојаџиева — Tue, 21 Dec 2021 17:47:52 +0000

Поранешниот американски претседател Доналд Трамп денеска најави дека на 6 јануари ќе одржи прес-конференција, на првата годишнина од нападот на неговите приврзаници на Капитол Хил. Републиканскиот милијардер рече дека ќе зборува за претседателските избори одржани во ноември 2020 година во Мар-а-Лаго во американската сојузна држава Флорида, повторувајќи без основа дека на тие избори му биле украдени гласови. Трамп ја критикуваше парламентарната комисија задолжена за истрага на нападот на Капитол Хил, сметајќи дека е „екстремно пристрасна“. Според него, треба да се спроведе истрага за „лажните претседателски избори“ во 2020 година. – Ќе одржам прес-конференција на 6 јануари во Мар-а-Лаго за да разговараме за тоа, рече Трамп, оценувајќи дека бунтот се случил на 3 ноември, кога се одржаа изборите. Трамп, кој загуби на изборите во 2020 година со повеќе од седум милиони гласови од демократот Џозеф Бајден, во последните месеци навести дека би можел да се кандидира за уште еден претседателски мандат во 2024 година.

Пет години затвор за упадот во Капитол

Ристе Здравков — Sat, 18 Dec 2021 12:49:10 +0000

Сојузниот суд на Соединетите Американски Држави го осуди демонстрантот Роберт Палмер, кој учествуваше во упадот на Капитол на 6 јануари, на повеќе од пет години затвор. Тоа е највисоката досега изречена казна за учество во упадот на зградата на Конгресот на САД. Во обвинението се наведува дека Палмер на полицијата фрлил дрвена талпа и средство за гасење на пожар, како и дека, потоа, нападнал полициски службеници со шипка. Палмер се изјасни како виновен за напад врз полицајци. Тој, во писмо до судијата, наведе дека го издале поранешниот американски претседател Доналд Трамп и неговите сојузници, кои изнесувале теории на заговор. „Поддржувачите на Трамп постојано изнесуваа лажни тврдења за украдени извори и порачуваа дека наша должност е да ѝ се спротивставиме на тиранијата“, кажа Палмер. Тој е меѓу првите учесници на немирите од 6 јануари кој е осуден за обвиненијата за напад, пружање отпор или попречување на службено лице со употреба на оружје. Пред таа пресуда, најдолгата затворска казна му беше изречена на Џејкоб Ченсли, познат како „Кјуанон шаман“ и на Скот Ферлемб.

Уапсен мажот што се закануваше со бомба пред Капитол Хил

Тале Кристо — Thu, 19 Aug 2021 20:46:22 +0000

По петчасовна операција на преговарање полицијата денеска го уапси мажот кој тврдеше дека има бомба во неговиот пикап, паркиран во близина на Капитол Хил, а поради што евакуирани беа околните згради и блокиран беше центарот на Вашингтон. -Излезе и го фативме. Имаме еден уапсен, соопшти полицијата. Шефот на локалната полиција Ј. Томас Магнер изјави дека човекот претпладнето, околу 9,25 часот, го паркирал своето возило пред библиотеката на Конгресот и на полицаецот кој му пришол му кажал дека има бомба, држејќи уред што личи на детонатор. Безбедносните сили се уште не го знаат мотивот на човекот за овој чин, а полицијата се уште го пребарува возилото. Вработените, вклучувајќи ги и оние од Конгресот, беа евакуирани поради заканата за бомба. Парламентот неделава немаше закажана седница поради летниот одмор, но имаше вработени во него, како асистентите на конгресмените. Зградата на Републиканската партија, неколку стотини метри подалеку, исто така беше евакуирана, изјави новинар на Вашингтон пост, повикувајќи се на анонимен извор. Целиот регион околу Капитол Хил е под строги безбедносни мерки од крвавиот упад на поддржувачите на Доналд Трамп на 6 јануари.

Во Конгресот почна сослушувањето за упадот на Капитолот на 6 јануари

Катерина Бојаџиева — Tue, 27 Jul 2021 15:33:39 +0000

Избраната конгресна Комисија за упадот во американскиот Капитол на 6 јануари ги почна првите сослушувања. За денеска закажани се сведочења на четворица полицајци, двајца од полицијата на Капитолот, двајца од полицијата на дистриктот Колумбија. Сите четворица службени лица биле во служба на 6 јануари и моментално сведочат за физичките и вербалните напади што ги доживеале тој ден. Во наредните денови се очекува да се обелоденат досега неемитувани снимки од нападот на Капитолот на приврзаници на поранешниот претседател Доналд Трамп Претседателот на комисијата. Бени Томпсон, демократ од Мисисипи, во емотивно воведно излагање зборуваше за загрозената демократија на САД и ги критикуваше оние кои ја негираат значајнастоа на тоа што се случи на 6 јануари. -Некои луѓе се обидуваат да го порекнат тоа што се случи. Да го исперат. Востанициите да ги направат маченици. Но цел свет виде што се случи на 6 јануари. Бесилки поставени таму на (Националната) алеја. Знамето на овој прв неуспешен и осрамотен бунт против нашиот сојуз, беше парадирано низ Капитолот. Омразата, фанатизмот, насилството, кажа конгресменот Томпсон. Додаде дека сето тоа било „за лага. За злобна лага. Треба да е јасно… како и зошто големата лага била постепено гноена. Треба да знаеме, како 6 јануари се одвиваше, од минута во минута. Треба да знаеме како трулата лага зад 6 јануари продолжи да се шири и да ги крми силите кои би ја поткопале американската демократија“. Конгресменката Лиз Чејни, републиканка од Вајоминг, еден од двајцата претставници на Републиканската партија поставени во комисијата од спикарката на Претставничкиот дом Ненси Пелоси, истакна дека панелот мора да ги разгледа дејствијата тој ден на поранешниот претседател Доналд Трамп. -Не можеме да оставиме насилството од 6 јануари и неговите причини да не бидат истражени. Мора да знаеме што се случило тука во Капитолот. Исто така, мора да знаеме што се случувало секоја минута и секој ден во Белата куќа. Секој телефонски повик, секоја средба кои воделе кон, во текот и после нападот… Чесните мажи и жени мора имаат обврска да истапат. Ако оние одговорните не се повикаат на одговорност, и ако Конгресот не дејствува одговорно, тоа ќе остане како рак на нашата уставна република, рече Чејни.

За упадот во Капитол Хил изречени уште две затворски казни од по 6 месеци

Тале Кристо — Sat, 24 Jul 2021 18:43:14 +0000

Двајца мажи од американската држава Охајо ќе добијат казна затвор до шест месеци и парична казна од по 5.000 американски долари за учество во упадот во Капитол Хил на 6 јануари годинава. Тие се изјасниле за виновни за хулиганство, објави Ројтерс. Пресудите официјално ќе бидат соопштени во септември Откако упаднале, тие се фотографирале во канцелариите на спикерот на Претставничкиот дом (долниот дом на Конгресот) Ненси Пелоси. Дерек Јанкарт (39) и Ерик Рау (28) се меѓу најмалку 20 лица кои ја признаа вината за насилниот упад во Конгресот. Претходно 38-годишниот Пол Хоџкинс веќе е осуден на осум месеци затвор за попречување на работата на Конгресот. Ана Морган-Лојд беше осудена на три години условна казна и општокорисна работа, а Мајкл Курцио беше осуден на шест месеци затвор, онолку колку што поминал затворен додека чекаше судовите да го решат неговиот случај. Дури 535 Американци, приврзаници на поранешниот претседател на САД, Доналд Трамп, се обвинети за учество во незаконски активности во Капитол Хил на 6-ти јануари. Некои од овие лица се обвинети за извршување на неколку незаконски дела одеднаш.

Изречена првата казна за нередите во Капитол Хил

Магдалена Андонова — Tue, 20 Jul 2021 09:59:29 +0000

Првата затворска казна за учество во немирите на 6 јануари, во Вашингтон, му беше изречена на Пол Алард Хоџкинс, од Флорида, пренесува Би-Би-Си. Тој во јуни се изјасни за виновен за немирите на Капитол Хил, со цел да ја попречи работата на Конгресот, и сега е осуден на осум месеци затвор. Обвинителството побара 18-месечна затворска казна, во образложението наведено дека Хоџкинс „придонел за колективна закана за демократијата“. Хоџкинс (38) пред судот во Вашингтон рече дека учеството во рацијата во Капитол е „глупа одлука“ и дека жали за „штетата предизвикана од инцидентот и начинот на кој е повредена оваа земја што ја сакам“. „Ако имав идеја дека протестите ќе ескалираат (какви што се) никогаш немаше да тргнам подалеку од тротоарот на авенијата Пенсилванија“, рече тој. Видеото го прикажува Хоџкинс во просторијата на Сенатот, облечен во маица од кампањата на Трамп, со очила околу вратот и знаме на Трамп закачено на рамото. Оваа реченица се очекува да биде репер за стотици претстојни немири во Капитол. Федералното биро за истраги (ФБИ) досега уапси повеќе од 535 лица за кривични дела на денот на немирите. Во нападот на Капитол Хил, стотици приврзаници на тогашниот претседател Доналд Трамп упаднаа во Конгресот во обид да спречат потврда за победата на Џо Бајден. За време на рацијата беа убиени пет лица, меѓу кои и еден полицаец во Капитол.

Почина еден од повредените полицајци кај Капитол во САД

Ивана Ефремовски — Fri, 02 Apr 2021 19:50:22 +0000

Во нападот во Вашингтон кога осомничен напаѓач удри со автомобил во безбедносната ограда пред Капитол, почина еден од повредените полицајци, јави Вашингтон пост. Според Јогананда Питман, вршител на должноста шеф на полицијата на Капитол, еден од полицајците бил прободен со нож, откако осомничениот излегол од колата и се нафлил врз нив со ладното оружје. Тој веднаш бил застрелан од полицајците. На 6 јануари годинава толпа од гневни поддржувачи на претседателот Доналд Трамп насилно упадна во Конгресот, при што загинаа неколку лица, меѓу кои и еден полицаец. Во престолнината на САД граѓаните се жалат поради сеуште забарикадираните улици во центарот на градот, и по неколку месеци по насилните настани на 6 јануари. Причината на денешниот инцидент се коментира и во тоа светло. (МИА)

НОВИ ДЕТАЛИ: Двајца полицајци се повредени, осомничениот е убиен

Катерина Бојаџиева — Fri, 02 Apr 2021 19:17:51 +0000

Осомничениот кој денеска со силна брзина удрил со автомобил во безбедносна ограда пред Капитолот на САД, при што биле повредени двајца полицајци, бил убиен во пукотницата што уследила, јави денеска Њујорк тајмс. Претходно следело гонење на автомобилистот, кој, според некои американски медиуми е жена. Полицијата на Капитолот претходно на Твитер соопшти дека двајца службеници и осомничениот биле однесени во болница. Поради инцидентот, кој се случил на оградата поставена кај северниот приод на Капитолот, целиот комплекс од згради околу американскиот Конгрес е затворен. Полицијата им препорачала на вработените да останат внатре во објектите или да се засолнат ако се надвор. Од фотографии постирани на социјалните мрежи се гледа како болничарите работат на некого кој лежи на асфалтот. Потоа се гледа кола удрена во безбедносната ограда со вратата на возачот и багажникот отворена. Некои Твитер корисници од американските медиуми постираа видео како пред платото на Капитолот слетува хеликоптер Поради Велигденските празинци, Конгресот викендов не работи, конгресмените, како и претседателот Џо Бајден, кој денеска замина за Кемп Дејвид, не се во Вашингтон. Но во објектите на Капитолот и во самата централна зграда, има пероснал кој деновиве се вакцинира, јавува весикот.

Хаос и паника во Капитол Хил: Со автомобил удрил во полицијата, има повредени (ВИДЕО)

Ивана Ефремовски — Fri, 02 Apr 2021 18:13:24 +0000

Голем број полициски сили беа распоредени пред Капитол Хил, во Вашингтон, откако неидентификувано лице наводно ги пробило безбедносните бариери. Како што се наведува, тројца полицајци биле повредени. На вработените им беше наредено да се држат настрана од прозорецот и да бараат засолниште.

BREAKING: At least 1 person down outside the U.S. Capitol pic.twitter.com/kz4Opkbmc6
— BNO News (@BNONews) April 2, 2021

Зградата во Капитол во моментов е под „блокада“. На теренот има и амбуланти, а за теренот се задолжени хеликоптери. "Некој удри со својот автомобил во куќа во која седат полицајци. Возачот е во притвор. Повредените полицајци се префрлени во болница", изјави полицијата на Капитол. Инцидентот се случил меѓу главната зграда и канцелариите на Сенатот.

🚨🚨A helicopter just landed on the east front of the Capitol. I’ve never seen anything like this before. ever. pic.twitter.com/LxV0mywRSe
— Jake Sherman (@JakeSherman) April 2, 2021