ФОТО: Само чудо го спасило – момче преживеало гранатирање на црква во Карабах, еве што држело во рацете

Магдалена Андонова — Fri, 09 Oct 2020 12:43:14 +0000

Едно момче од Нагорно-Карабах неодамна за среќа преживеало гранатирање на Црквата на Христос спасителот. На социјалните мрежи може да се прочита дека момчето наводно седело во црквата во моментот кога се случил нападот, кој наводно го извршиле силите на Азербејџан. Како што пишуваат медиумите, тој наводно во раце ја држел Библијата во која се зарила дел од гранатата, додека се околу него се рушело. На социјалните мрежи кружат фотографии од момчето додека лежи во болничка постела, како и фотографија од Светото писмо чии страници се искинати. Црквата на Христос Спасителот е позната како Газанчецоц, обележје на Исус, и целосно е уништена во вчерашните напади. Градена е од 1868 година до 1887 година и седиштето е на епархијата на Нагорно-Карабах. Иако црквата претрпела големи оштетувања, ниедна икона која виси на ѕидовите не паднала, а мозаиците останале недопрени. Да потсетиме, борбата во Нагорно-Карабах почна на 27. септември, а Азербејџан и Ереван меѓусебно се обвинуваат за избивање на конфликтите.

Емери: Победата над Карабах е важна за нашата доверба и менталитет

Матеја Петровски — Fri, 05 Oct 2018 07:23:46 +0000

Менаџерот на Арсенал, Унаи Емери по убедливата победа со 3:0 над Карабах во Лигата на Европа изјави дека овој успех е важен за „топџиите“ и ќе им даде дополнителна доверба во следните тешки судири во текот на сезоната. - Оваа победа е важна за нашата доверба и менталитет. Таа ќе ни помогне да постигнеме резултати во следните тешки натпревари, а не да заборавиме да притискаме и да играме на контра-напад, кога топката е во нас. Кога ја губевме, имавме проблеми, но потоа ја демонстриравме нашата индивидуална класа, рече Емери. Шпанскиот стратег ги загуби првите два натпревари во Арсенал, но сега тимот е во одлична серија од осум последователни победи. Сега следи тежок судир со Фулам во недела. - Не е проблем да играме во четврток и недела. Сакаме да играме повеќе натпревари на повеќе турнири и им даваме на повеќе играчи шанса да бидат на теренот. Така тие ќе добијат самодоверба, одговорност и ритам. Денес им дадовме шанса на играчите кои играат помалку, но важно е да се покаже добра игра во недела. Можеби некои од играчите кои беа на теренот денес ќе играат во недела. Ова е сосема можно, додаде стратегот. (Миа)

карабах – Kurir.mk

ФОТО: Само чудо го спасило – момче преживеало гранатирање на црква во Карабах, еве што држело во рацете

Емери: Победата над Карабах е важна за нашата доверба и менталитет