карамбол – Kurir.mk

КАРАМБОЛ: Скопјани не застанале на СТОП, па излетале од патот и удриле во паркирани возила- ПОВРЕДНИ 4 ЛИЦА

Катерина Бојаџиева — Wed, 26 Apr 2023 15:58:49 +0000

На 25.04.2023 во 22.00 часот, полициски службеници од СВР Велес–Полициска канцеларија Градско ги лишиле од слобода Џ.Р.(22) и Ф.З.(22), двајцата од с.Батинци, општина Студеничани, поради постоење основи на сомнение за сторено кривично дело по член 418 Д од Кривичниот законик. Околу 21.40 часот на регионалниот пат Градско – Велес, полициски службеници од СВР Велес дале знак за запирање на патничко возило „бмв“ со скопски регистарски ознаки, управувано од Џ.Р., а сопатник бил Ф.З.. Возилото не застанало, продолжило со движење, по што излетало од патот и удрило во паркирани патнички возила „сеат“ и „опел“ со велешки регистарски ознаки. Притоа, со тешки телесни повреди се здобил сопатникот А.Х.(30) од Пакистан, додека со телесни повреди се здобиле Џ.Р., Ф.З. и М.С.А.(28), сопатник од Пакистан, констатирани во болницата во Велес. По целосно документирање на случајот ќе следува соодветна пријава.

КАРАМБОЛ НА АВТОПАТ: Испадна кутија со шајки, дури на 36 возила им се дупнаа гумите (ВИДЕО)

Катерина Бојаџиева — Thu, 27 Oct 2022 06:41:59 +0000

На автопат близу Лос Анџелес во американската сојузна држава Калифорнија, се случи несекојдневна сообраќајна незгода – на дури 36 автомобили им се дупнаа гумите, откако од камион испаднала кутија со клинци, по што настанал хаос. Имено, како што прикажуваат и снимките, некои возачи сепак успеваат да ја заменат дупнатата гума, но некои немале резервна, па морале да чекаат помош. Набргу по објавувањето на веста изби жестока дебата… Наводно, поранешен вработен во продавница за машински делови изјавил дека претпоставениот му рекол да ги земе шајките и да ги фрли низ прозорецот. Но, според полицијата, овој инцидент не е намерно предизвикан.

КАРАМБОЛ СО ЧЕТИРИ АВТОМОБИЛИ – се судрија „Даеву“, „Опел“ и два „Фолксвагена“, еве ги деталите

Дарко Андоновски — Tue, 04 Jan 2022 11:45:22 +0000

Во Полициската станица Кочани вчера во 15.58 часот било пријавено дека на ул.„Страшо Ербапче“ во Кочани се случила сообраќајна несреќа помеѓу патничко возило „даеву“, со штипски регистарски ознаки, управувано од Д.С.(62) од Кочани, патничко возило „фолксваген“, управувано од К.П.(49) од Кочани, патничко возило „фолксваген“, управувано од С.Р.(36) од Кочани и патничко возило „опел“, управувано од Ј.Б.(54) од Кочани, сите со кочански регистарски ознаки. Во несреќата со тешки телесни повреди се здобиле К.П. и сопатничка од возилото „опел“, Н.Б.(50) од Кочани, а Ј.Б. се здобил со телесни повреди, констатирани во Јавната здравствена установа Кочани и Клиничката болница во Штип. Извршен бил увид од увидна екипа од Полициската станица Кочани.

Карамбол во Охрид: Се судрија „Ауди“, „Фолксваген“ и „Рено Лагуна“- има тешко повредени, еве ги деталите

Дарко Андоновски — Wed, 09 Dec 2020 10:52:36 +0000

На 08.12.2020 во 05.40 часот на магистралниот пат од с.Подмоље кон Охрид во близина на бензинска пумпа се случила сообраќајна незгода помеѓу патничко моторно возило „ауди“ со струшки регистарски ознаки, управувано од Д.П.(33) од Струга, патничко моторно возило„фолксваген“ со охридски регистарски ознаки управувано од Д.Љ.(54) од Охрид и патничко моторно возило„рено-лагуна“ со охридски регистарски ознаки, управувано од И.Л.(39) од с.Оровник,охридско. Во незгодата со тешки телесни повреди се здобил Д.П., а додека со повреди се здобиле Д.Љ., И.Л. и сопатникот во патничко моторно возило„рено-лагуна“, Н.Ј.(22) од с.Лескоец,охридско. Сите учесници во незгодата се пренесени во болницата „Св.Еразмо“ и во Општа болница Охрид, за укажување на лекарска помош. За незгодата е известен јавен обвинител, а увид на местото на настанот извршила увидна екипа од СВР Охрид.

КАРАМБОЛ ВО СКОПЈЕ: Помеѓу возилата едно е сопственост на МВР, еве ги деталите

Дарко Андоновски — Tue, 01 Dec 2020 15:36:56 +0000

На 30.11.2020 во 20.40 часот во Скопје на ул.„11 Октомври“, пред крстосница со бул.„Кочо Рацин“, се случила сообраќајна незгода помеѓу патничко возило „хјундаи“, управувано од Љ.С.(65), патничко возило „тојота ајго“, управувано од В.И.(49) и патничко возило „пежо 106“, сопственост на МВР, управувано од М.Ц.(41), вработена во МВР, сите три со скопски регистарски ознаки. Во незгодата, со телесни повреди се здобиле возачите Љ.С. и В.И., како и сопатникот во патничкото возило „тојота ајго“ Т.И.(44), констатирани во Градската општа болница „Св.Наум Охридски“. За незгодата е известен Одделот за внатрешна контрола, криминалистички истраги и професионални стандарди, а увид извршила екипа од СВР Скопје.

Драматичен карамбол среде центарот на Скопје пред започнување на полицискиот час предизвика застој во сообраќајот (ФОТО)

Дарко Андоновски — Sat, 16 May 2020 16:21:35 +0000

Вистински застој во овие моменти се случува во центарот на Скопје кај Соборниот храм откако се судриле четири автомобили дознава КУРИР. Според фотографиите од терен испратени за нашата редакција се гледа како во овие моменти пристигнува полицијата и итната медицинска помош. Инаку причината се уште не е позната, а увидот допрва ќе се врши. Карамболот предизвика и вистински хаос и застој во сообраќајот и сите граѓани кои брзаат да стигнат дома пред започнување на полицискиот час во 19 часот.

Карамбол во охридско, неколку лица повредени

Дарко Андоновски — Tue, 30 Oct 2018 17:10:05 +0000

Неколку лица се повредени во сообраќајна незгода која поладнево се случила кај Прентов мост, охридско. Повредените во несреќата во која се судрија неколку возила не се во животна опасност. Според жителите во овој крај местото е сообраќајна црна точка. Месната заедница Куратица ќе бара заедно со Секрторот за внатрешни работи најбро што може да се најде решение на овој проблем оти најзасегнати се жителите на Куратица, Плаке Рецица и Каменоломот.