карамела – Kurir.mk

Вкусот на КАРАМЕЛА ќе ве зашемети: Неодоливиот милионерски колач е всушност ефтин десерт чиј рецепт мора да го знаете!

Ристе Здравков — Wed, 09 Mar 2022 12:40:17 +0000

Познатиот милионерски колач е фантастична торта чие „скапо“ име воопшто не одговара на комбинацијата на неговите состојки, туку е, напротив, прилично евтин. Вкусот е, затоа, извонреден! Станува збор за стара шкотска торта која е богата со карамела, чоколада, млеко… Всушност, името го добила затоа што потсетува на нешто што би јаделе богатите, но не бара скапи состојки и тешка подготовка. Состојки: Тесто: 350 грама брашно 230 грама путер 130 грама кристален шеќер прстофат сол Карамела: 400 милилитри кондензирано млеко 200 грама шеќер 200 грама путер 4 лажици стопен мед Глазура: 250 грама чоколадо (млечно или темно) Подготовка: Прво загрејте ја рерната на 150 степени. За слој тесто измешајте путер, шеќер и сол, па матете со миксер додека не добиете еднолична смеса. Потоа постепено додавајте го брашното со постојано мешање со миксер. Кога ќе имате компактно тесто, ставете го во плех обложен со хартија за печење. Печете околу половина час, додека не поруменат. Кога целосно ќе се излади, ставете ја кората од бисквитот во фрижидер. За слојот од карамела измешајте путер, млеко и шеќер, потоа додадете мед и постојано мешајте на средна температура додека смесата не стане густа карамела. Кога е готово, прелијте го со бисквитот и вратете го во фрижидер. Чоколадото растопете го на пареа, па прелијте го со изладениот (и исцеден!) карамел, па вратете го во фрижидер да се стегне. Засладете се како милионери!

Необично, но вкусно: Солено чоколадно задоволство со карамела

Ивана Ефремовски — Wed, 14 Oct 2020 10:30:59 +0000

Потребни состојки за 6 порции:

50 грама путер
300 грама чоколадно млеко
300 мл слатка павлака
6 лажици прелив од карамела
малку сол

Начин на подготовка:

Растопете ги путерот и чоколадото на тивок оган, мешајќи повремено. Откако ќе се растопат додајте им ја слатката павлака и мешајте додека не се соединат.
Во шест мали шолјички додајте по една лажица карамела. Гледајте таа да биде рамномерно распоредена по целото дно. Потоа во секоја од нив додајте ја чоколадната смеса.
Шолјичките ставете ги да отстојат во фрижидер околу половина час. Потоа додајте им по неколку зрна сол и пак вратете ги во фрижидер да отстојат уште неколку часа додека не се стврднат. Потоа се спремни за сервирање.

Топло, ароматично и вкусно: Печени јаболки со ореви и карамел прелив

Ристе Здравков — Tue, 30 Oct 2018 13:38:44 +0000

Топли и сочни јаболки со карамел прелив и суво овошје за совршени есенски ноќи. Состојки: 5 јаболки 50 гр. сечени ореви 50 гр. суво грозје малку џем од кајсии 300 гр. шеќер 50 гр. маргарин 100 гр. павлака Подготовка: Се мијат и длабат јаболките па се става малку џем во нив, сечени ореви и шеќер. Се става и суво грозје. Се покриваат со фолија и се печат на 200 степени во плех со хартија 30 минути. Се топи на оган шеќерот, се додава маргаринот и павлака и се соединува, па се прлеиваат печените јаболки, се ладат да се стегне карамелот, па се служат. На здравје!