Мало, а многу моќно: Каранфилчето помага за одлична циркулација и здрави непца

Ивана Ефремовски — Mon, 14 Mar 2022 14:19:10 +0000

Ароматичното каранфилче спаѓа во групата на слатки зачини, па затоа повеќе се додава во слатки јадења, десерти и колачи. Но, не треба да се заборави дека со каранфилче и свинското печење, печениот дивеч, некои колбаси, салами, како и супи имаат посебен вкус. Земјата од каде потекнува ова зачинско и лековито растение е Индонезија, а воедно тоа е земјата каде најмногу се произведува и се јаде како зачин и составен дел од секојдневното мени. Неговите карактеристично изразени арома и вкус го прават многу поволна состојка за разни јадења како што спомнавме уште на самиот почеток, а посебно добро се вклопува во колачи и разни десерти и слатки пијалаци како што е греено вино кое е многу популарно на нашите простори. Каранфилчето може да се купи во вид на цели исушени пупки кои се богати со етерично масло, а мирисот е интензивен, остар и пријатен, што означува добар квалитет. Квалитетното каранфилче содржи до 20 % етерично масло, а негова главна компонента е еугенолот, кој претставува 80-90% од маслото. Каранфилчето содржи и флавоноиди, танини, фенолкарбоксилни киселини и други корисни материи. Лековити и корисни својства на каранфилчето за здравјето За каранфилчето е потврдено дека го подобрува апетитот и варењето на храната, делува како антисептик, помага во отстранување на вишокот на слуз во дишните органи, а го зајакнува и црниот дроб. Докажано е дека терпенските состојки во еугенолот кој е главен составен дел на етеричното масло, се најзаслужни за антибактериското делување врз поголем спектар на бактерии, а исто така помага против многу врсти на габи. Доколку го грицкате, каранфилчето е добар ароматик за отстранување на непријатниот мирис во устата, а и одличен антисептик за спречување на појавата на забен камен. Каранфилчето делува и како локален анестетик кој моментално ја подобрува состојбата при забоболка, а истовремено делува како стимулатор за подобра циркулација на крв во непцата, што ги прави силни и здрави. Според ајувердската медицина, овој зачин се смета за лековит за подобра циркулација, варење и метаболизам, а совладува стомачни проблеми како што се гасови, надуеност и мачнина во стомакот.

Овие три рецепти треба да ги знаете, ќе ви помогнат при болки во желудникот

Ивана Ефремовски — Fri, 26 Nov 2021 16:24:00 +0000

Ослободете се од непријатните симптоми и болки поради зголеменото лачење на киселина во желудникот со домашни препарати. Доколку често страдате од киселина во желудникот не морате да посегнувате по лекови. Искористете неколку намирници кои ги имате во кујната и направете ефикасни природни лекови. Лек со босилек На првите симптоми со зголемено лачење на киселината во желудникот, земете и џвакајте свежи листови од босилек. Исто така, можете да сварите 3-5 листови босилек во една шолја вода и да го испиете чајот. Овој чај можете да го засладите со мед, но не му додавајте млеко. Напиток со цимет Циметот е одличен лек за проблемите со варење и желудечните проблеми. Додадете една лажца цимет во шолја вода и зовријте ја водата на оган. Оставете да се вари неколку минути, а потоа тргнете го од оган и оставете го да се олади. Овој чај треба да го пиете два до три пати дневно. Каранфилче како лек Овој зачин може да го намали лачењето на киселина во желудникот и да ги елиминира гасовите. Едноставно џвакајте неколку зрна каранфилче во текот на денот. Ефикасен лек против киселини и лош здив е и мешавината од истолчено каранфилче и кардамон.

Каранфилче – Kurir.mk

Мало, а многу моќно: Каранфилчето помага за одлична циркулација и здрави непца

Овие три рецепти треба да ги знаете, ќе ви помогнат при болки во желудникот